मात्‌ति 17:27 - आठपहरिया

²⁷ टरो हिट्‌नागा आनिलोक् उन्‌चि रेक् ओकाट्‌नियाक् नुङ् गालिल तालङि खाडाउङ् बाल्‌छि लेप्‍टु, हिट्‌नुङ् पाइले ठायाना ङासा टाडु॥ हिट्‌ना ङासाङाना ओयासि ओङ्‌सुङ् पुयु हिट्‌नि खान्‍ङा ठिक् रुपाङाना राङ् आटुबुटु॥ हिट्‌ना डोक् खाट्‌टुङ् माङ्‌ठानाङिगा तिरो काफोग्‍बाचिङि खाट्‌टुङ् खान् हिट्‌नुङ् आङाना लाउङ्‌सा तिरो हुङु॥”

मात्‌ति 17:27 ပူးပေါင်းရင်းမြစ်များ

मात्‌ति 17:26

पाटरुसङा लोडुए, “आरुलाम्‍मा ओफोगुटु॥” येसुङा हिट्‌ना लोडुए, “हिट्‌नाडे भोने आप्‍पे उन्‌चि छाचिङाम्‍बाक् तिरो हुङ्‌मा कोन्‌निन्‍ना रैछो॥

मात्‌ति 18:6

“टरो जुन्‍ङा आङि बिस्‍वास काचोक्‌चि नागा खाट्‌टियुगा माड्‌डे ठिबाङ् पाप चोक्‍मा मेट्‌टुटु भोने, हिट्‌नाङा ओठोॽवारिक्‌ङि ठेना लुङ्‌गेॽवाङाना झाँटा छुडुमुङ् गाइरो सामुन्‍दराङि लुम्‍माडिमा हिट्‌ना लोङ्‌सा ओचेट्‌नुना लियुक्॥

मात्‌ति 18:8

“कामुक् आथाबा कालाङ्‌ङा पाप चोक्‍मा खान् मामेट्‌युक् भोने, हिट्‌ना खोक्‍टुङ् लेप्‍टुडिसु॥ इप्‍पोक् डोक् कामुक् आथाबा इप्‍पोक् डोक् कालाङ् खोना बेला चा सिनिना मिङि ठामा नुङ्‌ना ठिक् मुक् माले हिट्‌नुङ् खोट्‌लेङ्‌बा लिमाउङ् लाट्‌निना चोलाङि लिग्‍मा खान् लाउङ्‌सा नुलोक् लियुक्॥

मात्‌ति 5:29

छुप्‍टाङ् कामिक्‌ङा खान् पाप चोक्‍मा मामेट्‌युक् भोने हिट्‌ना होट्‌टुङ् लेप्‍टुडिसु, पोङ्‌भोने ख्‍वाप्‍पा कायेम् योनालोग्‌ङि ठामा नुङ्‌ना टे खान्‍ङाना कायेम्‌ङिना ठिक् आङ्‌गा मिलिमा डोक् खान् लोङ्‌सा ओचेट्‌नुयुक्॥

मात्‌ति 5:30

हिड्‌डेउङ् छुप्‍टाङ् कामुक्‌ङा खान् पाप चोक्‍मा मामेट्‌युक् भोने हिट्‌ना चा चेप्‍टुङ् लेप्‍टुडिसु, पोङ्‌भोने ख्‍वाप्‍पा कायेम् योनालोग्‌ङि ठामा नुङ्‌ना टे खान्‍ङाना कायेम्‌ङिना ठिक् आङ्‌गा मिलिमा डोक् खान् लोङ्‌सा ओचेट्‌नुयुक्॥

मारकुस 9:42

येसुङा फेरि लोडुचे, “जुन्‍ङा आङाङि बिस्‍वास काचोक्‌चि नाड्‌डेगा खाट्‌टिटियुगा याप्‌मिचि पाप चोक्‍मा मेट्‌टुटु भोने, हिट्‌नालोङ्‌सा ओठोॽवारिक्‌ङि ठिक् ठेना लुङ्‌गेॽवाङाना झाँटा रेक्‍टुम्‌बिडुमुङ् सामुन्‍दराङि लेप्‍टुम्‍नाँ डोक् हिट्‌ना लोङ्‌सा ओचेट्‌नुना लियुक्॥

मारकुस 9:43

खानि मुक्‌ङा पाप चोक्‍मा मामेट्‌टिटि भोने, हिट्‌ना खोक्‍टानुमुङ् लेप्‍टाडिसानुम्॥ इप्‍पोक् मुक्‌लोक् डोक् खोना बेला चा सिनिना योनालोग्‌ङिना मि भुङ्‌रोङि ठामा नुङ्‌ना ठिक् मुक् माले डोक् लाट्‌निना चोलाङि लिग्‍मा नुलोक् लियुक्॥

लुका 17:2

ना ठिक्‍ए खाट्‌टियुना पिच्‍छालोङ्‌सा पाप चोक्‍मेप्‍मा नुङ्‌ना हिट्‌ना पापि याप्‌मिङाना ओठोॽवारिक्‌ङि झाँटा रेक्‍टुम्‌बिडुमुङ् सामुन्‍दराङि लेप्‍टुम्‍नाँ डोक् हिट्‌ना लोङ्‌सा ओचेट्‌नुना लियुक्॥

युहान्‍ना 6:61

ओचेलाचिङा ना बारेङि गिन्‌गिन् ओचोगेट्‌टागा ठाहा टोगुङ् येसुङा हिट्‌नागा लोडुचे, “पाक् ना रिङ्‌ङा खानि निङ्‌ग्‍वा टुक्‌युक्‌नि?

रोमि 14:21

खान्‍ङा चेचे आचोनाँ, इमालिङ् आठुङुनाँ आथाबा आरु थोक् डोक् आचोगुनाँ आरु बिस्‍वासिचि पापङि ओठायुक् भोने, खान्‍ङा हिट्‌डे आचोगुन्‍नाँ डोक् ओचेट्‌नु लियुक्॥

१ कोरिन्‌थि 8:13

हिड्‌नाड्‌डेउङ् मुरतिङि ठाङ्‌बालाक् चेचे आङा चाङ्‌नाँ कोइ बिस्‍वासिङाना उनिङ्‌ग्‍वा टुग्‌युक् भोने, आङा खोना बेला चा मुरतिङि ठाङ्‌बालाक् चेचे चानिङ्‌ना, हिट्‌डेउङ् खोना चा बिस्‍वासिङा बिस्‍वास ओनाडुवाक् नुङ् निङ्‌ग्‍वा चोक्‌निङ्‌ना॥

१ कोरिन्‌थि 8:9

टरो ओछेक्‍छेक् लिसानि, खानिगा नाड्‌डेगा सोतान्‍तरताङा बिस्‍वासङि निम्‍छारो उलिसागा लोङ्‌सा पापङि ठामाना रिङ् उलिनि चा॥

२ कोरिन्‌थि 6:3

आन्‍याँ चोगुम्‍माना टोॽवा साङा चा फाट्‌टुर लाब्‍मा ओटोगुन्‍चा नुङ् आन्‍याँ खोना चा फाम्‍माना माङ्‌हाङ्‌ङाना टोॽवा चोक्‌निम्‍मागा॥

२ कोरिन्‌थि 8:9

पोङ्‌भोने आनि टाङ्‌बा येसु खिरिस्‍टङाना मायादाया खानिङा ठाहा आटोगुम्‍टुम्॥ उन् वागाठागा लिसा चा खानि लोङ्‌सा पाक्‍चा मालेना लिसे॥ उन् पाक्‍चा मालेना लिसाउङ् खानि वागाठागा चोक्‍मा उन्‍ङा नाड्‌डे चोगुए॥

१ थेसालोनिकि 5:22

सोब्‍बे पारिग्‍गा ओचाफेन्‍गा रिङ्‌चि नाडानुम्॥

याकुब 2:5

आमायालु आम्‍भु-आन्‍झाचि हिट्‌नुङ् आनो-आन्‍झाचि, खेम्‍सानुम्, पाक् माङ्‌हाङ्‌ङा नाराङिगा पाक्‍चा वानिगालाउङ्‌सा बिस्‍वासङि बोल्‍लेउ चोक्‍मा हिट्‌नुङ् माङ्‌हुप् चोगुना उमुलुक् उन् माया काचोक्‌चि पिमाउङ्‌सा सेगुवाट्‌टुन्‌चिन्‌गि टे?