मात्‌ति 15:31 - आठपहरिया

³¹ हिट्‌ना बेला याप्‌मिचिङा ओकेलुबाचि ओचेक्‍टागा, लोङ्‌लेन्‌चि उनुयागा, ओखेट्‌लेङ्‌बाचि ओलाम्‌टिएगा, याङ्‌कानिनिबाचिङा याङ्उनिसुगा रिङ् उनिसुङ् आड्‌डिक् डोङ् ओठोङ्‌डे॥ हिट्‌नुङ् हिट्‌नागाँ इस्‍राएलङिना माङ्‌हाङ्‌ङाना निङ् ओचोन्‍डुए॥

मात्‌ति 15:31 ပူးပေါင်းရင်းမြစ်များ

मात्‌ति 15:30

हिट्‌नुङ् याप्‌मिचिगा ठेना खिमेयाङ्‌मे उन् सोरि ओटाए॥ हिट्‌नागाँ ओखेट्‌लेङ्‌बा, याङ्‌कानिनिबा, लोङ्‌लेन्, ओकेलुबा हिट्‌नुङ् आरु जोम् उटुगागा याप्‌मिचि ओआप्‍टुचिउङ् ओटोकानाङि उयुङ्‌सुचे, हिट्‌नुङ् उन्‍ङा हिट्‌नागा नुमानिङ् चोगुचे॥

मात्‌ति 18:8

“कामुक् आथाबा कालाङ्‌ङा पाप चोक्‍मा खान् मामेट्‌युक् भोने, हिट्‌ना खोक्‍टुङ् लेप्‍टुडिसु॥ इप्‍पोक् डोक् कामुक् आथाबा इप्‍पोक् डोक् कालाङ् खोना बेला चा सिनिना मिङि ठामा नुङ्‌ना ठिक् मुक् माले हिट्‌नुङ् खोट्‌लेङ्‌बा लिमाउङ् लाट्‌निना चोलाङि लिग्‍मा खान् लाउङ्‌सा नुलोक् लियुक्॥

मात्‌ति 21:14

हिट्‌नुङ् याङ्‌कानिनिबा लोक् लाङ्‌गाडाचि माङ्‌ठानाङि येसु सोरि ओटाए, हिट्‌नुङ् उन्‍ङा हिट्‌नागा नुमानिङ् चोगुचे॥

मात्‌ति 8:10

ना रिङ् खेम्‍सुङ् येसु आड्‌डिक् डोङ् डोक् ठोङ्‌डे हिट्‌नुङ् ओएङ् ओआबागा याप्‌मिचि लोडुचे, “छेम्‍बा डोक् आङा खानि लोनाँनि, नाड्‌डे पाराना ठेना बिस्‍वास काचोक्‍बा याप्‌मिम्‍टे आङा इस्‍राएलि याप्‌मिचिङि चा टुब्‌निङ्‌गेट्‌निङ्‌ना॥

मात्‌ति 9:32

उन्‌चि हिट्‌निलाम्‍मा ओहोन्‍डागेट्‌टाना बेला याप्‌मिचिङा ओचाफेन्‍ना रिमेट् लाहाब् लिसाना ठिबाङ् ओकेलुबा याप्‌मि उन् सोरि ओटाडुए॥

मात्‌ति 9:33

येसुङा ओचाफेन्‍ना रिमेट् होट्‌टुचिनामे हिट्‌ना ओकेलुबा याप्‌मि चेक्‍ना लिसे॥ हिट्‌नुङ् याप्‌मिचि डोङ् ओठोङ्‌डाउङ् उपिगे, “नाड्‌डेनाम् टे आनि इस्‍राएलङि खोना बेला चा निनिम्‍गेट्‌निम्॥”

मात्‌ति 9:8

ना डोङ् ठोङ्‌डिना टोॽवा याप्‌मिचिगा खिमेयाङ्‌मेङा उनिसुङ् हिट्‌नागा उकिट्‌टे, हिट्‌नुङ् याप्‌मिचिलोङ्‌सा नाड्‌डेना आधिकार कापिबा माङ्‌हाङ्‌ङाना उनिङ् ओचोन्‍डुए॥

मारकुस 2:12

हिट्‌नुङ् हिट्‌ना याप्‌मि कोबे, हिट्‌नुङ् हिट्‌ना बेला डोक् ओडोलेन्‍चा खुयुङ् सोब्‍बे याप्‌मिचिगा टोकानालाम्‍मा खाडालेट्‌टे॥ हिट्‌निगा सोब्‍बे याप्‌मिचि डोङ् ओठोङ्‌डे हिट्‌नुङ् “नाड्‌डेना टोॽवाउम् आन्‍याँ खोना बेला चा निनेएट्‌निम्‍मा” पिक्‍सा माङ्‌हाङ्‌ङाना उनिङ् ओचोन्‍डुए॥

मारकुस 7:37

ना रिङ् याप्‌मिचिङा ओखेम्‍सुङ् हिट्‌नागा आड्‌डिक् डोङ् ओठोङ्‌डाउङ् नाड्‌डे उपिगे, “उन्‍ङा सोब्‍बे रिङ् आड्‌डिक् नुलोक् चोगुएसुए॥ हिट्‌नुङ् उन्‍ङा याङ्ओखेम्‍सुन्‍गा हिट्‌नुङ् ओकेलुबा चा नुमानिङ् चोगुचिचि॥”

मारकुस 9:43

खानि मुक्‌ङा पाप चोक्‍मा मामेट्‌टिटि भोने, हिट्‌ना खोक्‍टानुमुङ् लेप्‍टाडिसानुम्॥ इप्‍पोक् मुक्‌लोक् डोक् खोना बेला चा सिनिना योनालोग्‌ङिना मि भुङ्‌रोङि ठामा नुङ्‌ना ठिक् मुक् माले डोक् लाट्‌निना चोलाङि लिग्‍मा नुलोक् लियुक्॥

लुका 14:13

टरो भातेरङि पाक्‍चा ओवानिगा, लोङ्‌लेन् हिट्‌नुङ् याङ्उनिनिगा याप्‌मिचि छेम्‍डुचि॥

लुका 14:21

हिट्‌नुङ् ओचाकार नोक्‍टा खाडाउङ् सोब्‍बे रिङ् ओडाङ्‌बा खेम्‍मेट्‌टुए॥ हिट्‌डेउङ् ओडाङ्‌बाङाना उसिरिबा काडाउङ् ओचाकार लोडुए, ‘एला खाडाउङ् खालाङ्‌गाङि लाम्‍बो-कोक्‍पोङिगा पाक्‍चा ओवानिगा, टुखुमाङ्‌चि, लोङ्‌लेन्‌चि हिट्‌नुङ् याङ्उनिनिगा याप्‌मिचि छेम्‍डुचिउङ् टाडुचि॥’

लुका 18:43

हिट्‌ना बेला डोक् हिट्‌नाँ निसुए हिट्‌नुङ् माङ्‌हाङ्‌ङाना उनिङ् चोन्‍सा येसुङा ओएङ्-ओएङ् खाडे॥ ना लिसाना रिङ् सोब्‍बे याप्‌मिचिङा उनिसुङ् माङ्‌हाङ्‌ङाना उनिङ् ओचोन्‍डुए॥

लुका 7:16

हिट्‌नि सोब्‍बे याप्‌मिचि उकिट्‌टे हिट्‌नुङ् माङ्‌हाङ्‌ङाना उनिङ् चोन्‍सा नाड्‌डे उपिगे, “आनि माझै चा ठेना ठिबाङ् माङ्‌काटा टाइसे॥” हिट्‌नुङ् फेरि चा उपिगे, “माङ्‌हाङ् आप्‍पे ओयाप्‌मिचि घुवार फासिङा टाइसे॥”

युहान्‍ना 9:24

हिट्‌नुङ् हिट्‌नागाँ पोङ्‌सानालाम्‍मा डोक् याङ्‌कानिनिबा लिसाना याप्‌मि फेरि ओछेम्‍डुए हिट्‌नुङ् ओलोडुए, “माङ्‌हाङ् ओटोकानाङि छेम्‍बाना रिङ् माट्‌टु॥ खान् नुमानिङ् माचोगाना याप्‌मि कायाङ्‌छाबा नुङ् आन्‍याँलाउङ्‌सा ठाहा युङ्‌ग्‍वा॥”