मात्‌ति 12:34 - आठपहरिया

³⁴ हाउ बिखालु ओप्‍पुङा ओछालेट्‌चि! ओभेन्‍गा आलिसिउङ् चा खानि खोड्‌डे पारिक् ओचेट्‌नुना रिङ् चेक्‍मा आहिडिटिगा? पोङ्‌भोने याप्‌मिङाना उनिङ्‌ग्‍वाङि पाक् युङ्‌ग्‍वाना हिट्‌ना रिङ् डोक् माट्‌टुटु॥

मात्‌ति 12:34 ပူးပေါင်းရင်းမြစ်များ

मात्‌ति 12:35

नुना याप्‌मिङा उनिङ्‌ग्‍वाङि लिसाना नुना रिङ्‌लाम्‍मा ओचेट्‌नुना रिङ् डोक् माट्‌टुटु, टरो भेन्‍ना याप्‌मिङा उनिङ्‌ग्‍वाङि लिसाना ओचाफेन्‍ना रिङ्‌लाम्‍मा ओचाफेन्‍ना रिङ् डोक् माट्‌टुटु॥

मात्‌ति 15:18

टरो याप्‌मिङाना ओयासिलाम्‍मा भारा होन्‍गा रिङ् उनिङ्‌ग्‍वा भिट्‌रालाम्‍मा होन्‌युक्, हिट्‌नुङ् नागा रिङ्‌ङा डोक् याप्‌मि आसुद्‌दो चोगुटु॥

मात्‌ति 23:33

“हाउ बिखालु ओप्‍पुङा ओछालेट्‌चि! खानिङा खोड्‌डेउङ् योनालोग्‌ङिना साजाए टोक्‍मालाम्‍मा होम्‍माना निङ्‌ग्‍वा चोक्‍मा आहिडुम्‍टुम्‍ना?

मात्‌ति 3:7

टरो फारिसि याप्‌मिचि हिट्‌नुङ् सादुकि याप्‌मिचि छुम्‍माङिगा जोम् याप्‌मिचि बाप्‌टिस्‍मा लाट्‌माउङ्‌सा ओआबागा निसुचिउङ् हिट्‌नागा लोडुचे, “हाउ बिखालु ओप्‍पु गाड्‌डेगा दुस्‍टा याप्‌मिचिगा छालेट्‌चि, माङ्‌हाङ्‌लाम्‍मा ठाना उकुन्‌जिरिक्‍वालाम्‍मा पिम्‍मा खाप्‍मा पोङ् खानिङा निङ्‌ग्‍वा आचोगुमेना?

लुका 3:7

जोम् याप्‌मिचि युहान्‍नाङि बाप्‌टिस्‍मा चोक्‍ङा ओटाए॥ टरो युहान्‍नाङा लोडुचे, “हाउ बिखालु ओप्‍पु गाड्‌डे दुस्‍टा याप्‌मिचिगा छालेट्‌चि, माङ्‌हाङ्‌लाम्‍मा ठाना उकुन्‌जिरिक्‍वालाम्‍मा पिम्‍माप्‍मा लोङ्‌सा खानि साङा माहिसिक्‍टेगा?

लुका 6:45

हिट्‌नुङ् नुना याप्‌मिङा उनिङ्‌ग्‍वाङि लिसाना नुना रिङ्‌लाम्‍मा ओचेट्‌नुना रिङ् डोक् माट्‌टुटु॥ हिड्‌डे डोक् भेन्‍ना याप्‌मिङा उनिङ्‌ग्‍वाङि लिसाना ओचाफेन्‍ना रिङ्‌लाम्‍मा ओचाफेन्‍ना रिङ् डोक् माट्‌टुटु॥ पोङ्‌भोने याप्‌मिङा उनिङ्‌ग्‍वाङि पाक् युङ्‌ग्‍वाना हिट्‌ना रिङ् डोक् ओयासिलाम्‍मा माट्‌टुटु॥

युहान्‍ना 8:44

खानि आप्‍पे खानि पाबा सैतानङाना ओछालेट्‌चि ए, हिट्‌नुङ् खानि पाबाङाना उनिङ्‌ग्‍वा गाड्‌डे चोक्‍मा डोक् खानिङा निङ्‌ग्‍वा आचोगुएसुम्‍मे॥ हिट्‌नाउम्‍टे उटुम्‌लाम्‍मा डोक् याप्‌मि कासेट् डाना, हिट्‌नुङ् हिट्‌नाङा छेम्‍बाना रिङ् सोरोक् चिम्‍मा फुट्‌टुना, पोङ्‌भोने हिट्‌नालोक् छेम्‍बाना रिङ् डोक् वाइना॥ हिट्‌नाउम्‍टे ओचाट्‌ला गाड्‌डे डोक् माङ्‌जो चेक्‌युक्॥ हिड्‌डेउङ् हिट्‌ना माङ्‌जो काचेक् हिट्‌नुङ् माङ्‌जो काचेक्‍बाचिगा पाबा ए॥

एफिसि 4:29

खानि यासिलाम्‍मा ओचाफेम्‍मा रिङ् होट्‌नेनुम्, टरो चेक्‍मा लिना रिङ् चेक्‍टानि, हिट्‌नुङ् सोब्‍बेलोङ्‌सा नुना लिना रिङ् एडोक् चेक्‍टानि, हिट्‌डेउङ् खान्‍ङा आमाट्‌टुना रिङ् ओखेम्‍सुगाँ आसिक् ओटोगुटु॥

एफिसि 5:4

हिट्‌टेप्‍मा एडोक् माखाक्, खानिङा मोन्‌डिसिइगा रिङ् चेक्‍नेनिन्, खेडोक्‍गा माङ्‌जोगा रिङ् चोक्‍नेनिन्, हिट्‌नुङ् खोङ्‌माना रिङ् चेक्‍नेनिन्, नाड्‌डेगा रिङ् चेक्‍मा बिस्‍वासिचि लाउङ्‌सा खान्‍डुन्‍ना॥ हिट्‌नागा ओसाट्‌टोङि, खानिङा सोरोक् माङ्‌हाङ् पोए-पोए ठाङ्‌माना रिङ् माट्‌टानुम्॥

याकुब 3:2

छेम्‍बा डोक् आनि सोब्‍बेङा याप्‍मा गाल्‌ति चोगुम्‍टुम्॥ जुन् याप्‌मिङा उन् चेक्‍ना रिङ्‌ङि गाल्‌ति चोगुन्‍ना, हिट्‌नाङा ख्‍वाप्‍पा ओयेम् चा साधाँ चोक्‍मा हिडुटु, हिट्‌नुङ् हिट्‌ना डोक् पारिपाक्‍का याप्‌मि लियुक्॥

१ युहान्‍ना 3:10

माङ्‌हाङ् ओखालाक् हिट्‌नुङ् सैतानङाना ओखालाक् साइना नुङ् ना रिङ्‌लाम्‍मा डोक् मिसेन् निमा हिडुम्‍टुम्, माङ्‌हाङ् ओटोकानाइ नुना टोॽवा चोक्‌निना हिट्‌नुङ् बिस्‍वासि भुम्‍भु-झान्‍झा आथाबा नाना-झान्‍झाचि माया चोगुन्‌चिन्‍गा भोने हिट्‌ना माङ्‌हाङ् ओखालाक् माखाक्॥