मात्‌ति 11:1 - आठपहरिया

¹ येसुङा बारो जाना ओचेलाचि हिसिक्‍मा हिडुचिउङ् उन् हिट्‌निलाम्‍मा गालिलङाना आरु खालाङ्‌गाङि याप्‌मिचिलोङ्‌सा हिसिक्‍मा हिट्‌नुङ् पारचार चोक्‌सिङा खाडे॥

मात्‌ति 11:1 ပူးပေါင်းရင်းမြစ်များ

मात्‌ति 28:20

आङा खानि आग्‍याँ पिनानिगा सोब्‍बे रिङ् पालान् चोक्‍मा हिट्‌नागा हिसिक्‍टानुम्‌चिम्॥ खेम्‍सानुम्, आङा जुगङाना आन्‍ते सोम्‍मा सोरोक् खानिलोक् एक्‍केउ लिङा॥”

मात्‌ति 4:23

येसुङा याहुदि छुम्‍मापाङ्‌ङि सिकाँ चोक्‍सा माङ्‌हाङ् उमुलुक् बारेङि नुना खाबोर पारचार चोक्‍सा सोब्‍बे पारिक्‍ङागा रोगा लाहाब् उलिसागा हिट्‌नुङ् उटुगागा याप्‌मिचि नुमानिङ् चोगुचिउङ् गालिल छेट्‌रा टेप् लिन्‍डुए॥

मात्‌ति 7:28

येसुङा नागा रिङ् माप्‍मा हिडुङ् उन्‍ङा हिसिक्‍टुचिगा रिङ् ओखेम्‍सुङ् जोम् याप्‌मिचि डोङ् ओठोङ्‌डे॥

मात्‌ति 9:35

येसु सोब्‍बे खालाङ्‌गाङि हिट्‌नुङ् युक्‍टाम्‌ङिगा याहुदि छुम्‍मापाङ्‌ङि सिकाँ चोक्‍सा टोनालोग्‌ङिना मुलुक् बारेङि नुना खाबोर पारचार चोगुए, हिट्‌नुङ् पारिक् पारिक्‍ङागा रोगा हिट्‌नुङ् उटुगागा नुमानिङ् चोक्‍सा वासे॥

मारकुस 6:12

हिट्‌नुङ् ओचेलाचि ओखाडाउङ् “काएल्-काबु लिसानि” पिक्‍सा याप्‌मिचिलोङ्‌सा पारचार चोक्‍मा ठालाँ ओचोगुए॥

लुका 23:5

टरो हिट्‌नागा नाड्‌डे पिक्‍सा टुक्‍लोक् ओराट्‌टे, “ना याप्‌मिङा गालिल छेट्‌रालाम्‍मा उटुम् चोगुङ् नेहि यरुसलेम सोम्‍मा ख्‍वाप्‍पा याहुदिया छेट्‌राङिगा याप्‌मिचिङि उरिङ् हिसिक्‍टुचिउङ् याप्‌मिचि मुसिप्‍पा चाट्‌टुएट्‌टुचि॥”

लुका 8:1

हिट्‌नुङ्‌ना येसु माङ्‌हाङ् उमुलुक्‌ङाना ओचेट्‌नुना खाबोर खेम्‍मेट्‌सा खालाङ्‌गा-खालाङ्‌गा हिट्‌नुङ् युक्‍टाम्-युक्‍टाम्‌ङि खाडे॥ हिट्‌नुङ् उन्‌लोक् बारो जाना ओचेलाचि चा ओवासेट्‌टागा॥

युहान्‍ना 15:10

आङा लोनानिगा आग्‍याँ पालान् आचोगुमे भोने, खानि आङाना मायाङि आलिसियाक्‌टिटि, हिट्‌नाडेडोक् आङा आङाना पाबाङाना आग्‍याँ पालान् चोगुएसुङे, हिट्‌नुङ् उन्‍ङाना मायाङि युङ्‌ङा॥

युहान्‍ना 15:14

आङा लोनानिगा गाड्‌डे खानिङा आचोगुम्‍टुम् भोने, खानि आसाइबाचि ए॥

मुलिचेला टोॽवा 10:38

खानिङि ठाहा युङ्‌ग्‍वा, माङ्‌हाङ्‌ङा नासारातङिना येसु सेङ्‌सेङ्‌ना हाङ्‌सा हिट्‌नुङ् बोल्‍ङा आभिसेक चोगुए हिट्‌नुङ् उन्‍ङा नुना टोॽवा चोक्‍सा सैतानङा लिन्‍डुचिगा ख्‍वाप्‍पा नुमानिङ् चोक्‍सा सोब्‍बे डेन्‌लेङ् खाडे, पोङ्‌भोने माङ्‌हाङ् उन्‌लोक् सोरोक् वासाना॥

मुलिचेला टोॽवा 10:42

हिट्‌नुङ् ख्‍वाप्‍पा याप्‌मिचि पारचार चोक्‍मा, हिट्‌नुङ् उन् उहिङ्‌ग्‍वाट् हिट्‌नुङ् उसियागा न्‍याए काचोक्‍बा लिमालोङ्‌सा माङ्‌हाङ्‌ङा सेगुना याप्‌मि नुङ् माप्‍मा लोङ्‌सा आन्‍याँ आग्‍याँ याप्‌मिपिडे॥

१ थेसालोनिकि 4:2

पोङ्‌भोने खानि हिसिक्‍मा लोङ्‌सा टाङ्‌बा येसुङा आन्‍याँ खोना-खोना आदेसचि याप्‌मि पिडेना हिट्‌ना खानिङा ठाहा आटोगुएसुम्‍मे॥

२ थेसालोनिकि 3:10

आन्‍याँ खानिलोक् वासिङाना बेला खानि नाड्‌डे लोनाने, “कोइङा टोॽवा चोगुन्‍ना भोने हिट्‌नाँ ओचोन्‍चा॥”

२ थेसालोनिकि 3:6

भुम्‍भु-झान्‍झाचि हिट्‌नुङ् आनो-आन्‍झाचि, आनि टाङ्‌बा येसु खिरिस्‍टङाना उनिङ्‌ङि आन्‍याँ खानि आग्‍याँ पिनाँनि, टोॽवा ओचोक्‌निगा स्‍वाकायु हिट्‌नुङ् आन्‍याँ हिसिक्‍टुम्‌चिम्‍मागा रिङ् ओटेन्‌निगा ख्‍वाप्‍पा बिस्‍वासिचिलाम्‍मा लाप्‍माङ् युङानि॥

१ तिमोथि 6:14

आनि टाङ्‌बा येसु खिरिस्‍ट मिटाङे सोम्‍मा खान्‍ङा ना माङ्‌हाङ्‌ङाना आग्‍याँ नुलोक् हिट्‌नुङ् फाट्‌टुर माले मान् चोगु॥