मात्‌ति 10:7 - आठपहरिया

⁷ हिट्‌नुङ् याप्‌मिचिलोङ्‌सा ‘टोनालोग्‌ङिना मुलुक् नेहेट्‌टाङ् टाइसे,’ पिक्‍सा पारचार चोगानुम्॥

मात्‌ति 10:7 ပူးပေါင်းရင်းမြစ်များ

मात्‌ति 10:8

टुखुमाङ्‌चि नुमेट्‌टानुम्‌चिम्, उसियागा उहिङ्‌ग्‍वाट् चोगानुम्‌चिम्, कुस्‍टा रोगिचि चोख्‍याँ चोगानुम्‌चिम्, हिट्‌नुङ् ओचाफेन्‍ना रिमेट्‌चि होट्‌टानुम्‌चिम्॥ खानिङा खेडोक् आटोगुम्‍मे, हिट्‌नुङ् खेडोक् डोक् पिडानुम्‌चिम्॥

मात्‌ति 11:1

येसुङा बारो जाना ओचेलाचि हिसिक्‍मा हिडुचिउङ् उन् हिट्‌निलाम्‍मा गालिलङाना आरु खालाङ्‌गाङि याप्‌मिचिलोङ्‌सा हिसिक्‍मा हिट्‌नुङ् पारचार चोक्‌सिङा खाडे॥

मात्‌ति 21:31

हाट्‌ले नागाचि इप्‍पाङ् छाचि माड्‌डेङि खोनाङा उन्‌चि पाबाङाना आग्‍याँ टेन्‍डेना?” हिट्‌नागाँ ओलोडुए, “पाइलेनाम्‍बाक्॥” येसुङा हिट्‌नागा लोडुचे, “छेम्‍बा आङा खानि लोनाँनि, तिरो काफोक्‍बाचि लोक् वालाफेडुमाचि खानि नुङ्‌ना पाइले माङ्‌हाङ् उमुलुक्‌ङि उलिक्‌युक्॥

मात्‌ति 21:43

“हिट्‌डेउङ् आङा खानि लोनाँनि, माङ्‌हाङ् उमुलुक् हाट्‌ले माङ्‌हाङ्‌ङा खानिलाम्‍मा मानाप्‌टिटि, हिट्‌नुङ् उन्‍ङाना निङ्‌ग्‍वा गाड्‌डे काचोक्‍बा छोङ्‌बा लोङ्‌सा पिडुटु॥

मात्‌ति 23:13

“इनामा, निङ्‌ग्‍वा ओमाक्‍पाचि, खानि धारमाबिधि काहिसिक्‍बाचि लोक् फारिसि याप्‌मिचि! पोङ्‌भोने खानिङा टोनालोग्‌ङिना मुलुक्‌ङिना ढुवारिक् याप्‌मिचिगा नाभाक्‌ङि आछाक्‍टुएसुम्‍मे॥ खानि आप्‍पे चा आलिगिन्‍गा, हिट्‌नुङ् लिग्‍मा ओकोन्‍गा याप्‌मिचि चा लिग्‍मा आपिनिम्‌चिम्‍गा॥

मात्‌ति 3:2

“खानि पापलाम्‍मा काएल्-काबु लिसानिउङ् माङ्‌हाङ्‌लेङ् नोक्‍टानि, पोङ्‌भोने टोनालोग्‌ङिना मुलुक् नेट्‌टाङ् टाइसे॥”

मात्‌ति 4:17

हिट्‌ना बेलालाम्‍मा येसुङा पारचार चोक्‍सा नाड्‌डे माट्‌टुए, “खानि पापलाम्‍मा काएल्-काबु लिसानिउङ् माङ्‌हाङ्‌लेङ् नोक्‍टानि, पोङ्‌भोने टोनालोग्‌ङिना मुलुक् नेट्‌टाङ् टाइसे॥”

मारकुस 6:12

हिट्‌नुङ् ओचेलाचि ओखाडाउङ् “काएल्-काबु लिसानि” पिक्‍सा याप्‌मिचिलोङ्‌सा पारचार चोक्‍मा ठालाँ ओचोगुए॥

लुका 16:16

“हिट्‌नुङ् बाप्‌टिस्‍मा कापि युहान्‍ना ओबेला सोम्‍मा मोसाङाना धारमाबिधि हिट्‌नुङ् माङ्‌काटाचिङा ओछेप्‍टुगा रिङ् याहुदि ओठेडोङ्‌चिङा याप्‌मिचि उहिसिक्‍टुचे॥ बाप्‌टिस्‍मा कापि युहान्‍ना नुङ् नाॽया माङ्‌हाङ् उमुलुक्‌ङाना नुना खाबोर पारचार चोगाइसे, हिट्‌नुङ् याप्‌मिचि ना मुलुक्‌ङि लिक्‍मा ओकोन्‌येट्॥

लुका 9:2

हिट्‌नुङ् उन्‍ङा हिट्‌नागा माङ्‌हाङ् उमुलुक् पारचार चोक्‍ङा हिट्‌नुङ् उटुग्‍गा याप्‌मिचि नुमानिङ् चोक्‌सिङा पाङ्‌सुचे॥

लुका 9:6

हिट्‌नुङ् हिट्‌नागा ओसाम्‍डे, हिट्‌नुङ् युक्‍ताम्-युक्‍ताम्‌ङि ओखाडाउङ् सोब्‍बे डेन्‌ङि ओचेट्‌नुना खाबोर खेम्‍मेट्‌सा सोब्‍बे उटुगागा याप्‌मिचि नुमानिङ् ओचोगुचे॥

लुका 9:60

हिट्‌ना येसुङा लोडुए, “उसियागाँ उसियागा याप्‌मिचि डोक् हुम्‍मा पिडानुम्‌चिम्, टरो खान् खाडाउङ् माङ्‌हाङ् उमुलुक् पारचार चोगु॥”

युहान्‍ना 3:2

ठिक् युसाना पाका उन् येसु सोरि आबाउङ् लोडुए, “काहिसिक्‍बा, खान् माङ्‌हाङ्‌लाम्‍मा आटायाना काहिसिक्‍बा नुङ् आन्‍याँ ठाहा टोगुएसुम्‍मे, पोङ्‌भोने माङ्‌हाङ् खान्‌लोक् युङ्‌नेएट्‌नि भोने खान्‍ङा आचोगुगा नागा चिन्‍नाचि साङा चा चोक्‍मा उहिडुन्‍गा॥”

मुलिचेला टोॽवा 10:25

पाटरुस पाङ् भिट्‌रा लिगागेट्‌टाना बेला कारनालियास गुङ् चोगाउङ् ओलाङ्‌ङि स्‍या मेट्‌टुए॥

मुलिचेला टोॽवा 28:31

पावालङा मिकेट्‌ङे माङ्‌हाङ् उमुलुक्‌ङाना पारचार चोगुए हिट्‌नुङ् टाङ्‌बा येसु खिरिस्‍टङाना बारेङि याप्‌मिचि हिसिक्‍टुचे हिट्‌नुङ् उन् साङा चा ओछाक्‍टुवाट्‌टुन्॥

मुलिचेला टोॽवा 4:2

मुलिचेलाचिङा येसु सियानालाम्‍मा उहिङ्‌ग्‍वाट् लिसा गाड्‌डे आरु याप्‌मिचि चा उसियागालाम्‍मा उहिङ्‌ग्‍वाट् उलिगा रिङ् पारचार ओचोगुना रिङ् ओखेम्‍सुङ् हिट्‌नागा याप्‌मिचिगा आड्‌डिक् उन्‌चि याक्‍लेडे॥