मात्‌ति 10:19 - आठपहरिया

¹⁹ जब हिट्‌नागाँ खानि मालाबिउङ् माखाट्‌टिनाँ खोड्‌डे पारा हिट्‌नुङ् पाक् माप्‍माना नुङ् सुरटा चोक्‍नेनिन्, पोङ्‌भोने खानिङा पाक् चेक्‍मा कोन्‌युक्‍ना हिट्‌ना बेला डोक् खानि मालोडिटि॥

मात्‌ति 10:19 ပူးပေါင်းရင်းမြစ်များ

मात्‌ति 10:18

आङि बिस्‍वास आचोगुम्‍नाँ हिट्‌नागाँ ठेगा हाकिम हिट्‌नुङ् हाङ्‌बाचि टोकानाङि खानि माखाट्‌टिटि॥ हिट्‌नुङ् खानिङा हिट्‌नागालोङ्‌सा हिट्‌नुङ् पानिछोङ्‌बाचि लोङ्‌सा आङाना बारेङि माप्‍मा कोन्‌युक्॥

मात्‌ति 6:25

“हिड्‌डेउङ् आङा खानि लोनाँनि, ना चोलाङि हिङ्‌मा लोङ्‌सा पाक् चामाना, पाक् ठुङ्‌माना हिट्‌नुङ् वाप्‍माना नुङ् सुरटा चोक्‍नेनिन्॥ पाक् ना चोला चामा-ठुङ्‌मा नुङ्‌ना हिट्‌नुङ् ना येम् वाप्‍मा नुङ्‌ना ठेना माखाइ टे?

मात्‌ति 6:31

“नाड्‌डेउङ् ‘पाक् चामाना, पाक् ठुङ्‌माना हिट्‌नुङ् पाक् वाप्‍माना’ नुङ् सुरटा चोक्‍नेनिन्॥

मात्‌ति 6:34

नाड्‌डेउङ् हान्‍डेङ्‌ङाना सुरटा चोक्‍नेनिन्॥ हान्‍डेङ्‌ना खाँचो हान्‍डेङ् डोक् मिप्‍मा कोन्‌युक्॥ हाट्‌लेना याङ्‌छामा हाट्‌लेलोङ्‌सा डोक् पुग्‍दो लिसे॥”

लुका 12:11

“हिट्‌नुङ् खानिलोङ्‌सा याहुदिचिगा छुम्‍मापाङ्‌ङि सासान् काचोक्‍बाचिङा हिट्‌नुङ् मुलि याप्‌मिचिङा मालाबियुङ् उन्‌चि सोरि माखाट्‌टिनाँ खानिङा पाक् माप्‍माना नुङ् चिन्‌तित् लिनेनिन्॥

लुका 12:12

हिट्‌ना बेला डोक् पाक् चेक्‍माना नुङ् सेङ्‌सेङ्‌ना हाङ्‌साङा खानि माहिसिक्‌टिटि॥”

मुलिचेला टोॽवा 6:10

टरो इस्‌तिफानासङा सेङ्‌सेङ्‌ना हाङ्‌सालाम्‍मा बोल् हिट्‌नुङ् ठोना टोगुङ् चेक्‍टानाँ हिट्‌नागा उन्‍ङाना बिरुद्‌दाङि चेक्‍मा उहिनेट्‌नि॥

फिलिप्‌पि 4:6

पाक् रिङ्‌ङि चा सुरटा चोक्‍नेनिन्, टरो सोब्‍बे रिङ् लाउङ्‌सा बिन्‌टि चोगानुम्॥ खानिलाउङ्‌सा आभोर आलिसिगा थोक् बिन्‌टि चोगानुमुङ् माङ्‌हाङ् लोडानुम् हिट्‌नुङ् उन्‍ङा चोगुना ख्‍वाप्‍पा थोक् लाउङ्‌सा पोए-पोए ठाङ्‌सानुम्॥

२ तिमोथि 4:17

टरो टाङ्‌बाङा घुवार याङ्‌फाडाउङ् सोब्‍बे पानिछोङ्‌बाचिङा खाबोर खेम्‍मा ओटोगु नुङ् उन्‍ङा पारचार चोक्‍माना बोल् याङ्‌पिडे॥ नाड्‌डेउङ् आङा किबाङाना ओयासिलाम्‍मा छुट्‌कारा टोगुङे॥

याकुब 1:5

खानि माड्‌डेङि खोनालाउङ्‌सा ठोना चाहाब् लिसाइसे भोने, खेमा मिलाप्‍मे उनिङ्‌ग्‍वालाम्‍मा डोक् कापिबा माङ्‌हाङ्‌लोक् हिट्‌नाङा ओनाक्‍टुवाक्, हिट्‌नुङ् उन्‍ङा हिट्‌ना पिडुटु॥