मात्‌ति 10:1 - आठपहरिया

¹ येसुङा बारो जाना ओचेलाचि छेम्‍डुचिउङ् ओचाफेन्‍ना रिमेट्‌चि होप्‍माना हिट्‌नुङ् सोब्‍बे पारिक्‍ङागा रोगा लोक् टुखुमाङ्‌चि नुमानिङ् चोक्‍माना आधिकार हिट्‌नागा पिडुचे॥

मात्‌ति 10:1 ပူးပေါင်းရင်းမြစ်များ

मात्‌ति 19:28

येसुङा हिट्‌नागा लोडुचे, “छेम्‍बा डोक्, आङा खानि लोनाँनि, खानि जो आचेलाचि आलिसिएसिए, जब ओछोङ्‌ग्‍वाट् मुलुक्‌ङि याप्‌मि छा उन्‍ङाना माहिमाङाना सिङासान्‌ङि युङ्‌युक्, हिट्‌नुङ् खानि चा बारो सिङासान्‌ङि आयुङिटि, हिट्‌नुङ् इस्‍राएलि याप्‌मिचिगा बारो छोङ्‌बाचि डोक् सासान् आचोगुम्‌चिम्‌चिम्॥

मात्‌ति 26:20

नाम् कुडाउङ् येसु बारो जाना ओचेलाचिलोक् चामा चाङा युङे॥

मात्‌ति 26:47

येसु चेक्‍टेट्‌टाना बेला डोक् बारो जाना ओचेलाचि माड्‌डे ठिबाङ् याहुदा हिट्‌नि होन्‍डा टाए॥ हिट्‌नालोक् गाडुवाडाङ्‌बाचि हिट्‌नुङ् याप्‌मिचिगा ओठेडोङ्‌चिङा ओपाङ्‌सुचिगा जोम् याप्‌मिचिगा खिमेयाङ्‌मे चेप्‍सा हिट्‌नुङ् लाहुरिक् ओयाङुगा ओटाए॥

मात्‌ति 4:23

येसुङा याहुदि छुम्‍मापाङ्‌ङि सिकाँ चोक्‍सा माङ्‌हाङ् उमुलुक् बारेङि नुना खाबोर पारचार चोक्‍सा सोब्‍बे पारिक्‍ङागा रोगा लाहाब् उलिसागा हिट्‌नुङ् उटुगागा याप्‌मिचि नुमानिङ् चोगुचिउङ् गालिल छेट्‌रा टेप् लिन्‍डुए॥

मात्‌ति 6:13

निङ्‌ग्‍वा छिक्‍माङि ठामा आन्‍याँ याप्‌मिपिनेन्, टरो सैतानलाम्‍मा आन्‍याँ याप्‌मिसाम्‍डा॥ पोङ्‌भोने मुलुक्, साक्‌ति लोक् माहिमा सोरोक् खान्‍ङाना डोक्॥ आमेन्॥’

मात्‌ति 9:35

येसु सोब्‍बे खालाङ्‌गाङि हिट्‌नुङ् युक्‍टाम्‌ङिगा याहुदि छुम्‍मापाङ्‌ङि सिकाँ चोक्‍सा टोनालोग्‌ङिना मुलुक् बारेङि नुना खाबोर पारचार चोगुए, हिट्‌नुङ् पारिक् पारिक्‍ङागा रोगा हिट्‌नुङ् उटुगागा नुमानिङ् चोक्‍सा वासे॥

मात्‌ति 9:38

नाड्‌डेउङ् चासोङ्‌ङाना डाङ्‌बाङि उन्‍ङाना चासोङ् छुम्‍मा टोॽवालासि काचोक्‍बा याप्‌मिचि याप्‌मि पाङ्‌साबिडा नुङ् बिन्‌टि ठाङ्‌सानुम्॥”

लुका 10:19

छेम्‍बा डोक्, आङा साट्‌टुरङाना बोल् मेप्‍माना आधिकार खानि पिनैनाने॥ हिट्‌नुङ् बिखालु ओप्‍पु लोक् बिच्‌छिचि चा आयेप्‍टुम्‌चिम्‌चिम्॥ हिट्‌नुङ् खानि पाक्‍ङा चा हान्‌ति चोक्‍मा माहिडिन्‍गा॥

लुका 21:15

पोङ्‌भोने आङा खानिलोङ्‌सा पाक् रिङ् माप्‍माना हिट्‌ना रिङ् हिट्‌नुङ् ठोना पिनाँनि, हिड्‌डेउङ् खानिगा खोना चा साट्‌टुरचिङा खानि मेप्‍मा माहिडिन्‍गा हिट्‌नुङ् खानि रिङ् खोक्‍मा डोक् उहिडुन्‍ना॥

लुका 24:49

हिट्‌नुङ् आङा खानि लोनाँनि, आप्‍पा माङ्‌हाङ्‌ङा चोगुना माङ्‌हुप् आङा खानि सोरि एला डोक् पाङ्‌सुङ्‌टुङ्॥ टरो माङ्‌हाङ्‌ङाना ओबोल् मिटोक्‍ङे सोम्‍मा खानि ना खालाङ्‌गाङि डोक् युङायाक्‍टानि॥”

लुका 6:13

हिट्‌नुङ् भ्‍यानिक् लिसाउङ् येसुङा ओचेलाचि छेम्‍डुचिउङ् हिट्‌नागा माड्‌डे बारो जाना सेगुचे, हिट्‌नुङ् उन्‍ङा हिट्‌नागा मुलिचेलाचि नुङ् निङ् मेट्‌टुचे॥

युहान्‍ना 17:2

पोङ्‌भोने खान्‍ङा उन् सोब्‍बे याप्‌मिचि उठुङ्‌ङि आधिकार आपिडुएसुए, हिड्‌डेउङ् खान्‍ङा उन् जिम्‍मा आपिडुचिगा सोब्‍बे याप्‌मिचि उन्‍ङा खोना बेला चा लाट्‌निना चोला उपिडुचियाक्॥

युहान्‍ना 3:27

हिट्‌नुङ् युहान्‍नाङा हिट्‌नागा लोडुचे, “याप्‌मिलाउङ्‌सा टोनालोग्‌ङिना माङ्‌हाङ्‌ङा पिडुन्‌चिलोक् सोम्‍मा हिट्‌नाङा पाक्‍चा टोग्‍मा हिडुन्‍ना॥

युहान्‍ना 3:35

माङ्‌हाङ् पाबाङा उइछा माया चोगुटु हिट्‌नुङ् ख्‍वाप्‍पा थोक् उमुक्‌ङि डोक् पिडुएसुए॥

युहान्‍ना 6:70

येसुङा हिट्‌नागा लोडुचे, “पाक् आङा आप्‍पे डोक् खानि बारो जाना सेग्‍नानिगा माखाइ टे? टरो खानि माड्‌डेङि ठिबाङ्उम् दियाबालास डोक्॥”

मुलिचेला टोॽवा 1:8

टरो सेङ्‌सेङ्‌ना हाङ्‌सा खानिङि टायुक् हिट्‌नुङ् खानिङा बोल् आटोगुम्‍टुम् हिट्‌नुङ् खानि यरुसलेमङि, याहुदिया छेट्‌राङि, सामारिया छेट्‌राङि, हिट्‌नुङ् ख्‍वाप्‍पा नाराङि आङाना बारेङि कामाप्‍बा आलिसिटि॥”

मुलिचेला टोॽवा 19:15

टरो ठिक् बेला ओचाफेन्‍ना रिमेट्‌ङा हिट्‌नागा नाड्‌डे लोडुचे, “येसु आङा मिसेन् निसुङ्‌ना, पावाल चा मिसेन् निसुङ्‌ना, टरो खानिम्‍बाक् साइगा?”

पारकास 12:1

हिट्‌नुङ् टोनालोग्‌ङि आङा ठिक् डोङ् ठोङ्‌डिना ठेना चिन्‍ना निसुङे॥ हिट्‌नि नाम्‍छेडाना गाड्‌डे डोक् ओम्‍साना लोट्‌लिङ् वाडुना मेन्‍झेमा आङा निसुङे, लालिप्‍माङ् येप्‍टुङ् हिट्‌ना येबैसाना॥ हिट्‌नुङ् ओटेहेक्‌ङि बारो ओटा चोक्‌चिङ्‌गेट्‌ङाना मुकुट् वाडेसुना॥