लुका 9:12 - आठपहरिया

¹² हिट्‌नुङ्‌ना नाम् कुडाना पाका बारो जाना ओचेलाचि ओआबाउङ् येसु ओलोडुए, “आडाङ्‌बा, हाट्‌ले नागा याप्‌मिचि नाहिलाम्‍मा पाङ्‌सुचि, हिट्‌नुङ् नागा उखाट्‌युङ् योम्‍बो-टोम्‍बो डेन्‌ङि उन्‌चि चामा-ठुङ्‌मा लोङ्‌सा हिट्‌नुङ् युङ्‌माजामा पाङ् आप्‍पे ओकोलुजो, पोङ्‌भोने आनि नेहि खुसुना डेन्‌ङि वासेट्‌टि॥”

लुका 9:12 ပူးပေါင်းရင်းမြစ်များ

मात्‌ति 14:13

ना खाबोर खेम्‍सुङ् येसु नाउङि ठाङाउङ् हिट्‌नालाम्‍मा आल्‍लागा ठिक् खुसुना डेन्‌ङि खाडे॥ टरो ना रिङ् याप्‌मिचिगा खिमेयाङ्‌मेङा ओखेम्‍सुङ् हिट्‌नागाँ खालाङ्‌गा-खालाङ्‌गालाम्‍मा ओलाम्‌टियाउङ् डोक् उन् रोक् उरिक्‍टुए॥

मात्‌ति 15:23

टरो येसुङा हिट्‌ना मेच्‍छेमा पाक्‍चा लोडुवाट्‌टुन्॥ हिट्‌नुङ् ओचेलाचि ओआबाउङ् बिन्‌टि उन् ओचोगुए, “ना मेच्‍छेमा पाङ्‌सुडिसु, पोङ्‌भोने हिट्‌ना राट्‌सा आनि एङ् एङ् आब्‌युगेट्॥”

मात्‌ति 15:32

हिट्‌नुङ्‌ना येसुङा ओचेलाचि उन् सोरि छेम्‍डुचिउङ् लोडुचे, “नागा याप्‌मिचि निसुङ्‌चिङुङ् आङाना आड्‌डिक् आलुक्‍मा टुगाइसे, पोङ्‌भोने नागा आङालोक् ओवासागा हाट्‌ले सुम्‍बोक् लेम्‍बा लिमैडे, हाट्‌ले नागालोक् चामा-ठुङ्‌मागा थोक् पाक्‍चा वाइना॥ आङा नागा याप्‌मिचि पाक्‍चा मिचेट्‌ङे पाङ्‌निङ्‌चिङ्‌गा॥ नाभाम्‍टे हिट्‌नागा पाङ्‌लेङ् ओखाट्‌युगेट्‌ना बेला लाम्‍बोङि फाङ् उलियुक् होला॥”

लुका 9:11

टरो जोम् याप्‌मिचिङा येसु हिट्‌नालाम्‍मा खाट्‌ना रिङ् ठाहा ओटोगुङ् हिट्‌नागाँ ओएङ्-ओएङ् रोक् उरिक्‍टोए॥ येसुङा हिट्‌नागा याप्‌मिचि स्‍वागाट् चोगुचे, उन्‍ङा हिट्‌नागा माङ्‌हाङ् उमुलुक् बारेङि हिसुक्‍टुचे हिट्‌नुङ् उटुगागा याप्‌मिचि चा नुमानिङ् चोगुचे॥

लुका 9:13

टरो येसुङा ओचेलाचि लोडुचे, “हाट्‌ले खानिङा डोक् नागा याप्‌मिचि चामा चामा पिडानुम्‌चिम्॥” टरो हिट्‌नागा उपिगे, “आन्‍याँलोक् नेहि लेम्‍बोक् चालेपा हिट्‌नुङ् इप्‍पोक् ङासा एडोक् युङ्‌ग्‍वा॥ नागा सोब्‍बे याप्‌मिचि चामा पिमाचिगा भोने, आन्‍याँ आरु चालेपा इन्‌सिङा खाप्‍मा कोन्‌युक्॥”

युहान्‍ना 6:1

हिट्‌नुङ्‌ना येसु गालिल ताल खोक्‍टुङ् याहाँपारा खाडे॥ (हिट्‌ना ताल तिबेरियासङाना ताल चा ओलोडुना॥)

फिलिप्‌पि 1:19

पोङ्‌भोने खानिङा आङा लाउङ्‌सा बिन्‌टि आचोगुमुङ् हिट्‌नुङ् टाङ्‌बा येसु खिरिस्‍टङा आपिडाना सेङ्‌सेङ्‌ना हाङ्‌साङा घुवार याङ्‌फाडाउङ् छुट्‌कारा टोगुङ्‌ना नुङ् आङा ठाहा टोगुङ्‌टुङ्॥