लुका 9:11 - आठपहरिया

¹¹ टरो जोम् याप्‌मिचिङा येसु हिट्‌नालाम्‍मा खाट्‌ना रिङ् ठाहा ओटोगुङ् हिट्‌नागाँ ओएङ्-ओएङ् रोक् उरिक्‍टोए॥ येसुङा हिट्‌नागा याप्‌मिचि स्‍वागाट् चोगुचे, उन्‍ङा हिट्‌नागा माङ्‌हाङ् उमुलुक् बारेङि हिसुक्‍टुचे हिट्‌नुङ् उटुगागा याप्‌मिचि चा नुमानिङ् चोगुचे॥

लुका 9:11 ပူးပေါင်းရင်းမြစ်များ

मात्‌ति 12:15

येसुङा उन्‍ङाना बिरुद्‌दाङि रिङ्‌पान् ओचोगुना ठाहा टोगुङ् उन् हिट्‌निलाम्‍मा खाडालेट्‌टे॥ हिट्‌नुङ् जोम् याप्‌मिचि उन्‍ङा ओएङ्-ओएङ् ओखाडे, हिट्‌नुङ् उन्‍ङा उटुगागा सोब्‍बे नुमानिङ् चोगुचे॥

मात्‌ति 14:14

येसु नाउलाम्‍मा भारा होन्‍डानाँ जोम् याप्‌मिचिगा खिमेयाङ्‌मे उन्‍ङा निसुए॥ याप्‌मिचिगा खिमेयाङ्‌मे निसुचिउङ् हिट्‌नागा लुक्‍मा टुक्‍टुचे, हिट्‌नुङ् हिट्‌नागालोक् उलिसागा उटुगागा याप्‌मिचि नुमानिङ् चोगुचे॥

मात्‌ति 21:31

हाट्‌ले नागाचि इप्‍पाङ् छाचि माड्‌डेङि खोनाङा उन्‌चि पाबाङाना आग्‍याँ टेन्‍डेना?” हिट्‌नागाँ ओलोडुए, “पाइलेनाम्‍बाक्॥” येसुङा हिट्‌नागा लोडुचे, “छेम्‍बा आङा खानि लोनाँनि, तिरो काफोक्‍बाचि लोक् वालाफेडुमाचि खानि नुङ्‌ना पाइले माङ्‌हाङ् उमुलुक्‌ङि उलिक्‌युक्॥

मात्‌ति 21:43

“हिट्‌डेउङ् आङा खानि लोनाँनि, माङ्‌हाङ् उमुलुक् हाट्‌ले माङ्‌हाङ्‌ङा खानिलाम्‍मा मानाप्‌टिटि, हिट्‌नुङ् उन्‍ङाना निङ्‌ग्‍वा गाड्‌डे काचोक्‍बा छोङ्‌बा लोङ्‌सा पिडुटु॥

लुका 1:53

हिट्‌नुङ् उन्‌चि साॽवागा याप्‌मिचिलोङ्‌सा माङ्‌हाङ्‌ङा नुगा नुगा थोक्‌चि पिडुएसुचे, टरो जोम् माक्‍फेन्‍सुबेन् ओकाप्‍टुगालोङ्‌सा पाक्‍चा माले पाङ्‌सुएसुचे॥

लुका 5:31

येसुङा हिट्‌नागा नाड्‌डे लोडुचे, “सिडापाङ्‌डा काचोक्‍बा टे नुमानिङ् याप्‌मिचि लोङ्‌सा माखाक्, उटुग्‍गा याप्‌मिचि लोङ्‌सा गोलो चाहाब् लियुक्॥

लुका 8:1

हिट्‌नुङ्‌ना येसु माङ्‌हाङ् उमुलुक्‌ङाना ओचेट्‌नुना खाबोर खेम्‍मेट्‌सा खालाङ्‌गा-खालाङ्‌गा हिट्‌नुङ् युक्‍टाम्-युक्‍टाम्‌ङि खाडे॥ हिट्‌नुङ् उन्‌लोक् बारो जाना ओचेलाचि चा ओवासेट्‌टागा॥

लुका 8:10

येसुङा हिट्‌नागा लोडुचे, “खानिङाउम्‍टे माङ्‌हाङ् उमुलुक्‌ङाना सोगोप्‍ना रिङ्‌चि ठाहा टोग्‍माना ठोना आटोगुएसुम्‍मे, टरो आङा आरुलोक् मुन्‍डुम्‌ङि एडोक् चेक्‍ङा॥ ‘हिड्‌डेउङ् नागाँ उपुयु चा उनिसुन्‍गा, ओखेम्‍सु चा बुजा ओचोगुन्‍गा॥’

लुका 9:10

हिट्‌नुङ् मुलिचेलाचि ओनोक्‍टाउङ् उन्‌चिङा ओचोगुगा सोब्‍बे रिङ् येसु ओखेम्‍मेट्‌टुए॥ हिट्‌नुङ् येसुङा हिट्‌नागा खाट्‌टुचिउङ् बेथसेदा ओलोडुना खालाङ्‌गालेङ् सोगोप् खाडे॥

लुका 9:12

हिट्‌नुङ्‌ना नाम् कुडाना पाका बारो जाना ओचेलाचि ओआबाउङ् येसु ओलोडुए, “आडाङ्‌बा, हाट्‌ले नागा याप्‌मिचि नाहिलाम्‍मा पाङ्‌सुचि, हिट्‌नुङ् नागा उखाट्‌युङ् योम्‍बो-टोम्‍बो डेन्‌ङि उन्‌चि चामा-ठुङ्‌मा लोङ्‌सा हिट्‌नुङ् युङ्‌माजामा पाङ् आप्‍पे ओकोलुजो, पोङ्‌भोने आनि नेहि खुसुना डेन्‌ङि वासेट्‌टि॥”

लुका 9:2

हिट्‌नुङ् उन्‍ङा हिट्‌नागा माङ्‌हाङ् उमुलुक् पारचार चोक्‍ङा हिट्‌नुङ् उटुग्‍गा याप्‌मिचि नुमानिङ् चोक्‌सिङा पाङ्‌सुचे॥

युहान्‍ना 4:34

येसुङा हिट्‌नागा लोडुचे, “आङा कापाङ्‌बाङाना उनिङ्‌ग्‍वा गाड्‌डे चोक्‍मा, हिट्‌नुङ् ओटोॽवा चोक्‍मा हिमा डोक् आङाना चामाना थोक् ए॥

युहान्‍ना 6:37

आङाना पाबाङा आङा जिम्‍मा याङ्‌पिडाङ्‌ना टेप्‍मा सोब्‍बे आङा सोरि ओटायुक्, हिट्‌नुङ् आङा हिट्‌नागा खोना बेला चा इन्‍कार चोक्‌निङ्‌चिङ्‌गा॥

मुलिचेला टोॽवा 28:31

पावालङा मिकेट्‌ङे माङ्‌हाङ् उमुलुक्‌ङाना पारचार चोगुए हिट्‌नुङ् टाङ्‌बा येसु खिरिस्‍टङाना बारेङि याप्‌मिचि हिसिक्‍टुचे हिट्‌नुङ् उन् साङा चा ओछाक्‍टुवाट्‌टुन्॥

रोमि 10:14

टरो याप्‌मिचिङा बिस्‍वास डोक् ओचोगुन्‍गेट्‌टुन्‍गा भोने खोड्‌डेउङ् हिट्‌नागाँ उनिङ् ओलाडुटुना टे? हिट्‌नुङ् याप्‌मिचिङा उन्‍ङाना बारेङि ओखेम्‍सुन्‍गेट्‌टुन्‍ना भोने खोड्‌डेउङ् उन् बिस्‍वास ओचोगुटुना टे? उन्‍ङाना बारेङि साङा चा पारचार ओचोगुन्‍गेट्‌टुन् भोने, याप्‌मिचिङा खोड्‌डेउङ् उन्‍ङाना बारेङि ओखेम्‍सुटुना टे?

रोमि 10:17

हिट्‌डेउङ् बिस्‍वासम्‍बाक् खाबोर खेम्‍सुम्‍मुङ् टायुक्, हिट्‌नुङ् खाबोरम्‍बाक् खिरिस्‍टङाना रिङ्‌लाम्‍मा खेम्‍सुम्‍टुम्॥

रोमि 15:3

पोङ्‌भोने खिरिस्‍टङा चा उन् आप्‍पेलाउङ्सा हारका चोक्‍माना टोॽवा चोग्‍वाट्‌टुन्॥ धारमाछाप्‍लाङि नाड्‌डे छेप्‍टेसे, “माङ्‌हाङ्, खान् निन्‍दा काचोक् याप्‌मिचिङा आङा चा निन्‍दा याङ्ओचोगे॥”

२ तिमोथि 4:2

माङ्‌हाङ् रिङ् पारचार चोगु, बेला लिचा लिनिचा पारचार चोक्‍मा टेयार लिसा, सोब्‍बे थोक्‌चि निङ्‌ग्‍वा रेक्‍टुङ् हिट्‌नुङ् हिसिक्‍टुचिउङ् साल्‍लाह पिडुचि, खेमा लाप्‍टुचि हिट्‌नुङ् आँट् पिडुचि॥

हिब्‍रु 4:16

हिड्‌डेउङ् आनि आँटि लिसिउङ् मायादायालोक् सासान् काचोक् माङ्‌हाङ् युङ्‌ना ठोङ्‌ङि खाडि॥ हिट्‌नि आनि आभोरङि ठाइना बेला मायादाया हिट्‌नुङ् किरपा टोगुम्‍टुम्॥