लुका 8:32 - आठपहरिया

³² हिट्‌नि नेट्‌टाङ्‌ना झोन्‍झोन्‍बा याम्‍बा-नायाम्‍बा फाक्‌चिगा ठिक् ठेना बागाल चाराङा उलिसेट्‌टागा॥ हिट्‌नुङ् ओचाफेन्‍ना रिमेट्‌चिङा हिट्‌नागा फाक्‌चि भिट्‌रा लिग्‍मा लोङ्‌सा येसुङि स्‍या ओचोगुए हिट्‌नुङ् उन्‍ङा खाडानि लोडुचे॥

लुका 8:32 ပူးပေါင်းရင်းမြစ်များ

मात्‌ति 7:6

“सेङ्‌सेङ्‌गा थोक्‌चि कोछुबाचि पिनेनुम्‌चिम्, पोङ्‌भोने हिट्‌नागा खान्‌लेङ् भाप् ओआप्‌युजायुङ् मापाट्‌युक्॥ हिट्‌नुङ् फाक्‌चि टोकानाङि खानि मोति लेप्‍नेनुम्, पोङ्‌भोने हिट्‌नागाँ उन्‌चि लाङ्‌ङा ओयेप्‍टुडिसुटु॥

लुका 8:31

हिट्‌नुङ् हिट्‌नागाँ घाइरो भाड्‌खालोङि याप्‌मिपाङ्‌नेन् पिक्‍सा येसु बिन्‌टि ओचोगुए॥

लुका 8:33

हिट्‌नुङ् ओचाफेन्‍ना रिमेट्‌चि हिट्‌ना याप्‌मिलाम्‍मा ओहोन्‍डाउङ् फाक्‌चिङि उलिगे, हिट्‌नुङ् हिट्‌नागा फाक्‌चिगा बागाल याक्‍ठेरेक्‌लाम्‍मा हुरयाँ उलिसाउङ् सामुन्‍दराङि कोसा ओठाए, हिट्‌नुङ् चुवाङि उलुमा उसिए॥

युहान्‍ना 19:11

येसुङा लोडुए, “खान् माङ्‌हाङ्‌ङा मापिनेट्‌नि भोने, आङा उठुङ्‌ङि खान्‍ङाना पाक्‍चा आधिकार लिनिना॥ हिड्‌नाड्‌डेउङ् आङा कामुक्‌ङि जिम्‍मा कापिबा याप्‌मि आझा जोम् पापङाना दोसि लियुक्॥”

१ युहान्‍ना 4:4

खानि आइछाचि गाड्‌डेगा, खानिम्‍बाक् माङ्‌हाङ्‌ङाना ओयाप्‌मिचि, हिट्‌नुङ् खानिङा हिट्‌नागा माङ्‌जो रिङ् काहिसिक्‍बाचि आमेट्‌टुम्‌चिम्‍मे, पोङ्‌भोने खानिलोक्‍ना सेङ्‌सेङ्‌ना हाङ्‌साम्‍बाक् नाराङि लिसाना हाङ्‌सा नुङ्‌ना माङ्‌ठेना ए॥

पारकास 20:7

ठिक् हाजार बारखा लाट्‌युङ् माङ्‌हाङ्‌ङा सैतान छाक्‍टुना ठोङ्‌लाम् लेडुटु,