लुका 8:3 - आठपहरिया

³ हिट्‌नुङ् हेरोद हाङ्‌बाङाना ओपाङ्‌ठाङ् कापुबा मुलि हाकिम खुजासङाना ओमेन्‍झेमा योआन्‍ना, हिट्‌नुङ् सुसान्‍ना लोक् जोम् आरु मेन्‍झेमाचि ओडागा॥ नागा मेन्‍झेमाचिङा उन्‌चि माक्‍फेन्‍सुबेन् उपिडुचिउङ् येसु हिट्‌नुङ् ओचेलाचि घुवार ओफाडुचे॥

लुका 8:3 ပူးပေါင်းရင်းမြစ်များ

मात्‌ति 14:1

हिट्‌ना बेला गालिल छेट्‌राङिना सासान् काचोक् हेरोद एन्‌टिपासङा येसुङाना बारेङि खेम्‍सुए॥

मात्‌ति 14:3

पोङ्‌भोने हेरोद हाङ्‌बाङा आप्‍पे उन्‍झा फिलिपङाना ओपाङ्‌ढाङ्‌मा हेरोदियास खुसि चोक्‍मा लाउङ्‌सा युहान्‍ना लाब्‍मा मेट्‌टुचिउङ् खाम्‍बाङ्‌ङि ठेन्‍मा मेट्‌टुचे॥

मात्‌ति 14:6

जब हेरोद पोङ्‌साना लेम्‍बा टाए, हिट्‌ना बेला हेरोदियासङाना मेन्‍झेमा उइछा सोब्‍बे सोरि लाॽवासाउङ् हेरोद खुसि चोगुए॥

मात्‌ति 2:11

हिट्‌नुङ् पाङ् भिट्‌रा उलिगानाँ हिट्‌नागाँ ओओ उमा मारियामलोक् लिसाना उनिसुए॥ हिट्‌नुङ् गुङ् ओचोगाउङ् ओओ स्‍या ओमेट्‌टुए, हिट्‌नुङ् जाप्‍रामालाम्‍मा साम्‍याङ्, धुपा, हिट्‌नुङ् बुङ्‌बुङ् नाम्‍ना आट्‌टार ओहोट्‌टुङ् ओठाङ्‌सुए॥

मात्‌ति 20:8

“जब युसाना पाका लिसे, आङ्‌गुर बारि डाङ्‌बाङा उन्‍ङाना टोॽवा काचोक्‌चिगा ओठेडोङ् लोडुए, ‘खेतालाचि छेम्‍डुचिउङ् सोब्‍बे नुङ्‌ना एङ्‌स्‍वा टोॽवाङि ओकेङागालाम्‍मा पाइले ओकेङागालाउङ्‌सा उन्‌चि निम्‍याक् पिडुचि॥’

मात्‌ति 25:40

“टब हाङ्‌बाङा हिट्‌नागा लोडुचिचि, ‘छेम्‍बा, आङा खानि लोनाँनि, खानिङा नागा भुम्‍भु-झान्‍झाचि माड्‌डेङि सोब्‍बे नुङ्‌ना ओखाट्‌टिउगालोङ्‌सा खानिङा जे जे आचोगुम्‍मे, हिट्‌ना खानिङा आङा लाउङ्‌सा डोक् आचोगुम्‍मे॥’

मात्‌ति 26:11

पोङ्‌भोने पाक्‍चा ओवानिगा याप्‌मिचिम् टे खानिलोक् सोरोक् उलियुक्, टरो आङाउम्‍टे खानिलोक् सोरोक् लिनिङ्‌ना॥

मात्‌ति 27:55

हिट्‌नि गालिललाम्‍मा ओटायागा जोम् मेन्‍झेमाचि ओवासेट्‌टागा, हिट्‌नागाँ लाप्‍माङ्‌लाम्‍मा हिट्‌नि लिसागा सोब्‍बे रिङ् उपुयेट्‌टुगा॥ हिट्‌नागाँ येसु घुवार फासा गालिललाम्‍मा डोक् उन् रोक् रिक्‍सा ओआबैसागा॥

लुका 24:10

हिट्‌नागा मारियाम माग्‍दालिनि, योआन्‍ना, याकुबङाना उमा मारियाम हिट्‌नुङ् आरु मेन्‍झेमाचि चा ओवासेट्‌टागा॥ नागाँ डोक् हिट्‌नि लिसाना रिङ् मुलिचेलाचि ओखेम्‍मेट्‌टुचे॥

युहान्‍ना 12:6

टरो हिट्‌नाङा पाक्‍चा ओवानिगा माया चोगुचिउङ् हिट्‌नाड्‌डे लोडुचिगा माखाक्, पोङ्‌भोने हिट्‌ना याङ्‌काखुट् डाना, हिट्‌नुङ् ओफाबा युङ्‌माना चाम्‍सुप्‍मा हिट्‌नाङा डोक् युङ्‌सुना, हिट्‌नुङ् हिट्‌निलाम्‍मा ओफाबा याङ्‌खुट्‌टुगा डागा॥

मुलिचेला टोॽवा 13:1

एन्‌टिओखिया खालाङ्‌गाङिना माङ्‌पाङ्‌ङि माङ्‌काटाचि हिट्‌नुङ् काहिसिक्‍बा याप्‌मिचि ओवासेट्‌टागा॥ हिट्‌नि बारनाबास, माक्‍ना ओलोडुना सिमियोन, कुरेनिलाम्‍मा आबाना लुकियास, हेरोद हाङ्‌बालोक् पोयाना मनेन हिट्‌नुङ् सावाल डाना॥

२ कोरिन्‌थि 8:9

पोङ्‌भोने आनि टाङ्‌बा येसु खिरिस्‍टङाना मायादाया खानिङा ठाहा आटोगुम्‍टुम्॥ उन् वागाठागा लिसा चा खानि लोङ्‌सा पाक्‍चा मालेना लिसे॥ उन् पाक्‍चा मालेना लिसाउङ् खानि वागाठागा चोक्‍मा उन्‍ङा नाड्‌डे चोगुए॥

फिलिप्‌पि 4:22

सोब्‍बे माङ्‌हाङ् ओयाप्‌मिचिङा खानि बाबा मालोडिएसे॥ हिट्‌नुङ् हिट्‌नागाङि चा मुलिगारि रोमि सारकारङाना हाङ्‌पाङ्‌ङि उलिसागाँ बाबा माहाक्‍टेसे॥

१ तिमोथि 5:10

हिट्‌नुङ् हिट्‌नाम्‍बाक् ओचेट्‌नु टोॽवा चोगुङ् उनिङ् मुक्‍टाना, नाड्‌डेडोक् आप्‍पे उइछाचि ओचेट्‌नुलोक् पुयुचिगा, ओटागा याप्‌मिचि ओचेट्‌नुलोक् काचोक्‍बा, माङ्‌हाङ् ओयाप्‌मिचिगा लाङ् वासिडुबिडुचिउङ् सेवा काचोक्‍बा, हिट्‌नुङ् याङ्‌छामाङि ओठायागा लोङ्‌सा घुवार काफाबा, हिट्‌नुङ् सोब्‍बे पारागा नुना टोॽवाङि एडोक् निङ्‌गुवा कापिबा मेन्‍झेमा लिमा कोन्‌युक्॥