लुका 8:1 - आठपहरिया

¹ हिट्‌नुङ्‌ना येसु माङ्‌हाङ् उमुलुक्‌ङाना ओचेट्‌नुना खाबोर खेम्‍मेट्‌सा खालाङ्‌गा-खालाङ्‌गा हिट्‌नुङ् युक्‍टाम्-युक्‍टाम्‌ङि खाडे॥ हिट्‌नुङ् उन्‌लोक् बारो जाना ओचेलाचि चा ओवासेट्‌टागा॥

लुका 8:1 ပူးပေါင်းရင်းမြစ်များ

मात्‌ति 11:1

येसुङा बारो जाना ओचेलाचि हिसिक्‍मा हिडुचिउङ् उन् हिट्‌निलाम्‍मा गालिलङाना आरु खालाङ्‌गाङि याप्‌मिचिलोङ्‌सा हिसिक्‍मा हिट्‌नुङ् पारचार चोक्‌सिङा खाडे॥

मात्‌ति 13:19

आम्‍टेप्‍मा याप्‌मिचिङा टोनालोग्‌ङिना मुलुक् बारेङिना रिङ् खेम्‍माउम् ओखेम्‍सुटु, टरो बुजा ओचोगुन्‍गा हिट्‌नुङ् सैतान टायुङ् उन्‌चि निङ्‌ग्‍वाङि लिसाना माङ्‌हाङ् रिङ् नाप्‍टुचिउङ् खाट्‌टुएट्‌टुटु॥ नाम्‍बाक् लाम्‍बोङि ओठायागा लालिक्‌चि गाड्‌डेगा ए॥

मात्‌ति 4:23

येसुङा याहुदि छुम्‍मापाङ्‌ङि सिकाँ चोक्‍सा माङ्‌हाङ् उमुलुक् बारेङि नुना खाबोर पारचार चोक्‍सा सोब्‍बे पारिक्‍ङागा रोगा लाहाब् उलिसागा हिट्‌नुङ् उटुगागा याप्‌मिचि नुमानिङ् चोगुचिउङ् गालिल छेट्‌रा टेप् लिन्‍डुए॥

मात्‌ति 9:35

येसु सोब्‍बे खालाङ्‌गाङि हिट्‌नुङ् युक्‍टाम्‌ङिगा याहुदि छुम्‍मापाङ्‌ङि सिकाँ चोक्‍सा टोनालोग्‌ङिना मुलुक् बारेङि नुना खाबोर पारचार चोगुए, हिट्‌नुङ् पारिक् पारिक्‍ङागा रोगा हिट्‌नुङ् उटुगागा नुमानिङ् चोक्‍सा वासे॥

मारकुस 1:39

हिट्‌नुङ् येसु ख्‍वाप्‍पा गालिल छेट्‌राङिगा याहुदि छुम्‍मापाङ्‌ङि खाडाउङ् पारचार चोक्‍सा हिट्‌नुङ् टोन्‍डेबाङा ओलाबुचिगा याप्‌मिचि नुमानिङ् चोक्‍सा लाम्‌टिए॥

लुका 1:80

हिट्‌नुङ् ओओ युहान्‍ना ओयेम्‌ङि पोसा खाडे॥ ओहाङ्‌साङि चा बोल्‍लेउ लिसा खाडे॥ हिट्‌नुङ् इस्‍राएलि याप्‌मिचिङि मिहोन्‍ने सोम्‍मा याप्‌मिचि उयुङ्‌निना डेन्‌ङि युङायाक्‍टे॥

लुका 20:1

ठिक् लेम्‍बा येसुङा माङ्‌ठानाङिना टेल्‍लाङ्‌ङि याप्‌मिचि सिकाँ चोक्‍सा नुना खाबोर पारचार चोगुएट्‌टुना डाना॥ हिट्‌ना बेला ओठेडोङ्‌चिलोक् गाडुवाडाङ्‌बाचि हिट्‌नुङ् धारमाबिधि काहिसिक्‍बाचि उन् सोरि ओआबाउङ् उसिलाप्‍टुए,

लुका 4:18

“माङ्‌हाङ् डाङ्‌बाङा ओहाङ्‌सा आठुङ्‌ङि याङ्‌ठेन्‍डाबिडैसे, पोङ्‌भोने पाक्‍चा ओवानिगा लोङ्‌सा ओचेट्‌नुना खाबोर खेम्‍मेप्‍मा आङा याङ्‌सेगाउङ् याङ्‌पाङ्‌साइसे॥ खाम्‍बाङ्‌ङि ओठायागा याप्‌मिचि छुट्‌काराङाना रिङ् लोसिङा, याङ्‌कानिनिबाचिङा उनिसुलोक् चोक्‍माना रिङ् लोसिङा, निम्‍छारो उलिसागा छुट्‌कारा पिमा,

लुका 9:6

हिट्‌नुङ् हिट्‌नागा ओसाम्‍डे, हिट्‌नुङ् युक्‍ताम्-युक्‍ताम्‌ङि ओखाडाउङ् सोब्‍बे डेन्‌ङि ओचेट्‌नुना खाबोर खेम्‍मेट्‌सा सोब्‍बे उटुगागा याप्‌मिचि नुमानिङ् ओचोगुचे॥

मुलिचेला टोॽवा 10:38

खानिङि ठाहा युङ्‌ग्‍वा, माङ्‌हाङ्‌ङा नासारातङिना येसु सेङ्‌सेङ्‌ना हाङ्‌सा हिट्‌नुङ् बोल्‍ङा आभिसेक चोगुए हिट्‌नुङ् उन्‍ङा नुना टोॽवा चोक्‍सा सैतानङा लिन्‍डुचिगा ख्‍वाप्‍पा नुमानिङ् चोक्‍सा सोब्‍बे डेन्‌लेङ् खाडे, पोङ्‌भोने माङ्‌हाङ् उन्‌लोक् सोरोक् वासाना॥

मुलिचेला टोॽवा 13:32

“हिट्‌नुङ् माङ्‌हाङ्‌ङा आनिगा टुबाठेबाचिलोक् चोगुना माङ्‌हुप्‌ङाना हिट्‌ना नुना खाबोर लोसिङा आन्‍याँ खानि सोरि टाइसिङे,

रोमि 10:15

हिट्‌नुङ् कोइङा पारचार चोक्‍मा मिपाङ्‌ङे खोड्‌डेउङ् हिट्‌नागा ओखाट्‌युङ् पारचार ओचोगुटुना टे? धारमाछाप्‍लाङि नाड्‌डे छेप्‍टेसे, “नुना खाबोर पारचार काचोक् याप्‌मिचि ओटानाँ औधि ओचेट्‌नुना लियुक्॥”