लुका 7:37 - आठपहरिया

³⁷ हिट्‌ना खालाङ्‌गाङि ठिबाङ् पापिनि मेन्‍झेमा डाना॥ हिट्‌ना मेन्‍झेमाङा फारिसि याप्‌मि ओपाङ्‌ङि येसु चामा चासिङा टायाना रिङ् खेम्‍सुए, हिट्‌नुङ् हिट्‌नाँ लुङ्‌गेॽवाङा चोक्‍बालाक् सिङ्‌गामरमर ओलोडुना सिसाङाना बोटालटेप् माहाङ्‌गो आट्‌टार आप्‍टुङ् आबे,

लुका 7:37 ပူးပေါင်းရင်းမြစ်များ

मात्‌ति 21:31

हाट्‌ले नागाचि इप्‍पाङ् छाचि माड्‌डेङि खोनाङा उन्‌चि पाबाङाना आग्‍याँ टेन्‍डेना?” हिट्‌नागाँ ओलोडुए, “पाइलेनाम्‍बाक्॥” येसुङा हिट्‌नागा लोडुचे, “छेम्‍बा आङा खानि लोनाँनि, तिरो काफोक्‍बाचि लोक् वालाफेडुमाचि खानि नुङ्‌ना पाइले माङ्‌हाङ् उमुलुक्‌ङि उलिक्‌युक्॥

लुका 18:13

“टरो हिट्‌ना तिरो काफोग्‍बाम्‍बाक् या येबाउङ् टोनालोग्‌लेङ् चा उमिक् मिफोक्‍ङे, सानिङ्‌ग्‍वा लोसाउङ् ओसाडुमारिक् ठुप्‍सा पिगे, ‘हाउ आमाङ्‌हाङ्, आङा पापि याप्‌मि लुक्‍मा याङ्‌टुक्‍टा!’

लुका 19:7

ना उनिसुङ् याप्‌मिचि “येसुम्‍टे पापि याप्‌मिङाना ओपाङ्‌ङि बासा हेन्‍ङा खाडे” पिक्‍सा पुजिक् पुजिक् चोक्‍मा ठालाँ ओचोगे॥

लुका 5:30

फारिसि याप्‌मिचि हिट्‌नुङ् हिट्‌नागाँगा धारमाबिधि काहिसिक्‍बाचि गुनुङ् गुनुङ् चोक्‍सा येसुङा ओचेलाचि ओलोडुचे, “पोङ् खानि नागा तिरो काफोक्‍बाचि हिट्‌नुङ् आरु कायाङ्‌छाबा याप्‌मिचिलोक् एक्‍केउ आयुङिउङ् आचाम्‍टुम्‍गा?”

लुका 5:32

हिट्‌नाडेडोक्, आङा निङ्‌ग्‍वा नुगा याप्‌मिचि लोङ्‌सा माखाक्, टरो पापि याप्‌मिचि लोङ्‌सा काएल्-काबु लिसानि नुङ् लोसिङा टायाङ्‌ना॥”

लुका 7:34

याप्‌मि छा चासा लोक् ठुङ्‌सा टाए, हिट्‌नुङ् खानिङा ‘पुयानुम्, हिट्‌ना राक्‍पा, टेडुबा, तिरो काफोक्‍बाचिगा हिट्‌नुङ् पापिचिगा टाक्’ नुङ् आलोडेट्‌टुम्॥

लुका 7:36

ठिबाङ् फारिसि याप्‌मिङा येसु युसा पाकाना चामा चासिङा छेम्‍डुए॥ हिट्‌नुङ् उन् हिट्‌ना फारिसि याप्‌मि ओपाङ्‌ङि खाडाउङ् चामा चासिङा युङे॥

युहान्‍ना 11:2

ना मारियामङा डोक् येसु डाङ्‌बाङाना ओलाङ्‌ङि आट्‌टार नेक्‍टुबिडुङ् ओफ्याक्‍ङा टुगुबिडुना डाना॥ हिट्‌नाङाना उन्‍झा लाजारसङाना डोक् ओयेम् टुगेसाना॥

युहान्‍ना 9:24

हिट्‌नुङ् हिट्‌नागाँ पोङ्‌सानालाम्‍मा डोक् याङ्‌कानिनिबा लिसाना याप्‌मि फेरि ओछेम्‍डुए हिट्‌नुङ् ओलोडुए, “माङ्‌हाङ् ओटोकानाङि छेम्‍बाना रिङ् माट्‌टु॥ खान् नुमानिङ् माचोगाना याप्‌मि कायाङ्‌छाबा नुङ् आन्‍याँलाउङ्‌सा ठाहा युङ्‌ग्‍वा॥”

युहान्‍ना 9:31

माङ्‌हाङ्‌ङा कायाङ्‌छाबा याप्‌मिचिगा रिङ् खेम्‍सुन्‍गा नुङ् आनि सोब्‍बेलाउङ्‌सा ठाहा युङ्‌ग्‍वा, टरो माङ्‌हाङ्‌ङाना माङ्‌ध्‍यान् काचोक्‍बा हिट्‌नुङ् उनिङ्‌ग्‍वा गाड्‌डे टोॽवा काचोक्‍बाङाना उरिङ् उन्‍ङा खेम्‍सुटु॥

रोमि 5:8

टरो आनि पापि लिसिनाँ डोक् माङ्‌हाङ्‌ङा खिरिस्‍ट आनि लाउङ्‌सा सिमा पाङ्‌सुङ् उन्‍ङा औधि माया आचोक्‍ना रिङ् आनिमेट्‌टे॥

१ तिमोथि 1:15

“खिरिस्‍ट येसु कायाङ्‌छाबाचि हिङ्‌मेप्‍माउङ्‌सा डोक् ना नाराङि टाए”, ना रिङ् छेम्‍बा डोक् ए हिट्‌नुङ् सोब्‍बेङा बिस्‍वास चोक्‍मा कोन्‌युक्॥ हिट्‌नुङ् कायाङ्‌छाबाचि माड्‌डे आङाम्‍बाक् सोब्‍बे नुङ्‌ना औधि कायाङ्‌छाबा याप्‌मि॥

१ तिमोथि 1:9

नागा रिङ् चा आनिलोङ्‌सा ठाहा युङ्‌ग्‍वा, धारमाबिधि नुना याप्‌मि लोङ्‌सा चोक्‍बालाक् माखाक्, टरो धारमाबिधि ओटेन्‌निगा हिट्‌नुङ् बिरोधिचि, माङ्‌ध्‍यान् ओचोक्‌निगा हिट्‌नुङ् पापिचि, निङ्‌ग्‍वा ओचाफेन्‍गा हिट्‌नुङ् माङ्‌हाङ् बिरोध काचोक्‌चि, पाबा-मामा कासेट्‌चि, याप्‌मि कासेट्‌चि,

१ पाटरुस 4:18

धारमाछाप्‍लाङि नाड्‌डे युङ्‌ग्‍वा, “धारमोति याप्‌मिउम् हिङ्‌मा टुक्‍ना भोने, आधारमोति पापि याप्‌मिउम् झान् खोड्‌डे लियुक्‍ना होला?”