लुका 7:16 - आठपहरिया

¹⁶ हिट्‌नि सोब्‍बे याप्‌मिचि उकिट्‌टे हिट्‌नुङ् माङ्‌हाङ्‌ङाना उनिङ् चोन्‍सा नाड्‌डे उपिगे, “आनि माझै चा ठेना ठिबाङ् माङ्‌काटा टाइसे॥” हिट्‌नुङ् फेरि चा उपिगे, “माङ्‌हाङ् आप्‍पे ओयाप्‌मिचि घुवार फासिङा टाइसे॥”

लुका 7:16 ပူးပေါင်းရင်းမြစ်များ

मात्‌ति 15:31

हिट्‌ना बेला याप्‌मिचिङा ओकेलुबाचि ओचेक्‍टागा, लोङ्‌लेन्‌चि उनुयागा, ओखेट्‌लेङ्‌बाचि ओलाम्‌टिएगा, याङ्‌कानिनिबाचिङा याङ्उनिसुगा रिङ् उनिसुङ् आड्‌डिक् डोङ् ओठोङ्‌डे॥ हिट्‌नुङ् हिट्‌नागाँ इस्‍राएलङिना माङ्‌हाङ्‌ङाना निङ् ओचोन्‍डुए॥

मात्‌ति 21:11

खिमेयाङ्‌मेङि उलिसागा याप्‌मिचिङा ओमाट्‌टुए, “उन् टे गालिलङिना नासारातलाम्‍मा टायाना माङ्‌काटा येसु ए॥”

मात्‌ति 28:8

हिट्‌नुङ् हिट्‌नागा मेन्‍झेमाचि उकिट्‌टे चा हिट्‌नुङ् आड्‌डिक् हारका चा उलिसे॥ हिट्‌नुङ् हिट्‌ना बेला डोक् हिट्‌नागा ओहुम्‍पालाम्‍मा ओहोन्‍डाउङ् ओचेलाचि खाबोर लोमा उपिन्‍डे॥

मात्‌ति 9:8

ना डोङ् ठोङ्‌डिना टोॽवा याप्‌मिचिगा खिमेयाङ्‌मेङा उनिसुङ् हिट्‌नागा उकिट्‌टे, हिट्‌नुङ् याप्‌मिचिलोङ्‌सा नाड्‌डेना आधिकार कापिबा माङ्‌हाङ्‌ङाना उनिङ् ओचोन्‍डुए॥

लुका 1:65

नागा सोब्‍बे रिङ्‌चि लिसानाङा सोब्‍बे ओटाक्‍लुङ्‌चि डोङ् ओठोङ्‌डे हिट्‌नुङ् आड्‌डिक् टुक्‍लोक् उकिट्‌टे॥ हिट्‌नुङ् ना रिङ् याहुदिया छेट्‌राङाना युक्‍ताम् टेप् छिन्‍डे॥

लुका 1:68

“इस्‍राएलि याप्‌मिचिगा माङ्‌हाङ् डाङ्‌बाङाना उनिङ् टो-टो उलियाक्, पोङ्‌भोने ओयाप्‌मिचि घुवार फासिङा उङ्‌से हिट्‌नुङ् उन्‍ङा उन्‌चि साट्‌टुरलाम्‍मा साम्‍डुचे॥

लुका 19:44

हिट्‌नुङ् हिट्‌नागाँ खान्‌लोक् हिट्‌नुङ् खानि चा जाखाम् माचोगिटि॥ हिट्‌नागाँ ठिक् लुङ्‌गेॽवाधारि चा उनाडुन्‍ना, पोङ्‌भोने माङ्‌हाङ् खानि हिङ्‌मेप्‍मा लोङ्‌सा टायाचा खानिङा मिसेन् आनिनेट्‌निम्॥”

लुका 2:20

हिट्‌नुङ् ठुँबा कापुबाचिङा माङ्‌हाङ् रिङ् काउग्‍बाचिङा उमाट्‌टुना रिङ् गाड्‌डे ओखेम्‍सुनाँ हिट्‌नुङ् उनिसुनाँ माङ्‌हाङ्‌ङाना माहिमा हिट्‌नुङ् उनिङ् चोन्‍सा हिट्‌नागा ओनोक्‍टे॥

लुका 24:19

येसुङा सिलाप्‍टुचे, “खोड्‌डेना रिङ् हाउ?” हिट्‌नागाचिङा लोडाचुए, “नासारातङिना येसुङाना रिङ् गो॥ उन् माङ्‌हाङ् हिट्‌नुङ् सोब्‍बे याप्‌मिचिगा टोकानाङि आड्‌डिक् ठेना डोङ् ठोङ्‌डिना टोॽवा काचोक्‍बा हिट्‌नुङ् लुम्‍बोक् लोसिना रिङ् काहिसिक्‍बा ठिबाङ् माङ्‌काटा याप्‌मि डाना॥

लुका 5:26

हिट्‌नुङ् हिट्‌नि सोब्‍बे याप्‌मिचि डोङ् ओठोङ्‌डे हिट्‌नुङ् माङ्‌हाङ्‌ङाना ठेना ओबोल् उनिसुङ् उकिट्‌टे॥ हिट्‌नुङ् हिट्‌नागाँ माङ्‌हाङ्‌ङाना उनिङ् चोन्‍सा ओमाट्‌टुए, “हाट्‌ले आन्‍याँ डोङ् ठोङ्‌डिना टोॽवा निसुम्‍मे॥”

लुका 5:8

हिट्‌नुङ् ना रिङ् निसुङ् येसुङा ओटाकानाङि गुङ् चोगाउङ् सिमोन पाटरुसङा लोडुए, “आडाङ्‌बा, आङा ओचाफेन्‍ना टोॽवा काचोक् याप्‌मि, आङालाम्‍मा खाडायेट्‌टा॥”

लुका 7:15

हिट्‌ना बेला डोक् सियाना पिच्‍छा कोबाउङ् युङे हिट्‌नुङ् चेक्‍टे॥ येसुङा हिट्‌ना पिच्‍छा उमा उमुक्‌ङि पिडुए॥

लुका 7:39

हिट्‌नुङ् येसु छेम्‍डुना फारिसि याप्‌मिङा हिट्‌नाडेना निसुङ् उनिङ्‌ग्‍वाङि मिट्‌टे, “ना याप्‌मि छेम्‍बा डोक् माङ्‌काटानाम्‍बे उन् काखोट्‌बा खोड्‌डे पाराना मेन्‍झेमानुङ्‌बे मिसेन् निसुए, पोङ्‌भोने ना मेन्‍झेमा पापिनि डाना॥”

लुका 8:37

हिट्‌नुङ्‌ना हिट्‌ना गेरासेनास छेट्‌राङाना याम्‍बा-नायाम्‍बा सोब्‍बे युक्‍टाम्‌ङिगा याप्‌मिचि आड्‌डिक् टुक्‍लोक् उकिट्‌टे हिट्‌नुङ् हिट्‌नागाँ आन्‍याँ युक्‍टाम्‌लाम्‍मा खाडायेट्‌टा पिक्‍सा येसु स्‍या ओचोगुए॥ हिड्‌डेउङ् येसु हिट्‌नालाम्‍मा नाउङि ठाङाउङ् नोक्‍टा खाडे॥

लुका 9:19

हिट्‌नागाँ ओलोडुए, “खोना खोनाङा बाप्‌टिस्‍मा कापि युहान्‍ना मालोना, कोइङा एलिया हिट्‌नुङ् आरुङाम्‍बाक् उइलेना माङ्‌काटा माड्‌डे ठिबाङ् फेरि हिङेसे उपिग्‍गा॥”

युहान्‍ना 1:21

हिट्‌नागाँ उसिलाप्‍टुए, “हिड्‌डे भोने खान् साइना टे? पाक् खान् एलिया इ?” उन्‍ङा लोडुचे, “आङा माखाक्॥” हिट्‌नागाँ उसिलाप्‍टुए, “पाक् खान् माङ्‌काटा इ टे?” उन्‍ङा लोडुचे, “माखाक्॥”

युहान्‍ना 1:25

हिट्‌नुङ् हिट्‌नागाँ युहान्‍ना उसिलाप्‍टुए, “खान् खिरिस्‍ट चा माखाक्, एलिया चा माखाक्, माङ्‌काटा चा माखाक् भोने, पोङ् बाप्‌टिस्‍मा आपिडुचिचिगा टे?”

युहान्‍ना 4:19

हिट्‌ना सामारि मेन्‍झेमाङा लोडुए, “काहिसिक्‍बा, खान्‌उम्‍टे माङ्‌काटा नुङ् आङा ठाहा टोगुङ्‌टुङ्॥

युहान्‍ना 6:14

जब उन्‍ङा चोगुना ना डोङ् ठोङ्‌डिना चिन्‍ना उनिसुए हिट्‌नुङ् हिट्‌नागा याप्‌मिचिङा ओमाट्‌टुए, “छेम्‍बा डोक्, नाराङि टाना माङ्‌काटा उन् डोक् ए॥”

युहान्‍ना 9:17

हिट्‌नागाँ फेरि हिट्‌ना याङ्‌कानिनिबा याप्‌मि उसिलाप्‍टुए, “हिट्‌ना याप्‌मिङा कामिक् नुमानिङ् चोगुए, हाट्‌ले हिट्‌ना याप्‌मिङाना बारेङि खान् पाक् आपिक्‌युक्‍ना?” हिट्‌नाङा लोडुचे, “उन् माङ्‌काटा ए॥”

मुलिचेला टोॽवा 5:5

हिट्‌नुङ् हानानियाङा ना रिङ् खेम्‍सुनामे हिट्‌नि डोक् खाम्‌मि कोसे हिट्‌नुङ् ओसोक्‍मा होन्‍डे॥ हिट्‌नुङ् हिट्‌नि लिसाना घाट्‌ना ओखेम्‍सुङ् याप्‌मिचि आड्‌डिक् उकिट्‌टे॥

मुलिचेला टोॽवा 7:37

“ना मोसाङा डोक् इस्‍राएलि याप्‌मिचि नाड्‌डे लोडुएसुचिगा, ‘माङ्‌हाङ्‌ङा आङा गाड्‌डेना माङ्‌काटा खानिगा आप्‍पे याप्‌मिचिलाम्‍मा खानि लोङ्‌सा ठिबाङ् माङ्‌काटा पाङ्‌सुटु॥’

गालाति 1:24

हिट्‌नाड्‌डेउङ् हिट्‌नागाँ आङा चोगुङ्‌नाँ माङ्‌हाङ् उनिङ् टो-टो ओचोन्‍डुए॥