लुका 7:14 - आठपहरिया

¹⁴ हिट्‌नुङ् नेट्‌टाङ् खाडाउङ् येसुङा चेप् खोट्‌टुए॥ हिट्‌ना बेला लासा कायाङ्‌बाचि हिट्‌नि डोक् ओयेबे॥ हिट्‌नुङ् येसुङा लोडुए, “हाउ ठाङ्‌बेन्, कोबा॥”

लुका 7:14 ပူးပေါင်းရင်းမြစ်များ

मारकुस 5:41

हिट्‌नुङ् हिट्‌ना खाट्‌टिउना मेच्‍छा उमुक्‌ङि लाबुङ् येसुङा लोडुए “तालिता कुमि,” नाङाना उटुप् “हाउ खाट्‌टियुना मेच्‍छा, कोबा॥”

लुका 7:13

येसु डाङ्‌बाङा हिट्‌ना लाङ्‌मेप्‍मा निसुनाङा उनिङ्‌ग्‍वा टुगे, हिट्‌नुङ् “खान् हाप्‍नेन्” लोडुए॥

लुका 7:15

हिट्‌ना बेला डोक् सियाना पिच्‍छा कोबाउङ् युङे हिट्‌नुङ् चेक्‍टे॥ येसुङा हिट्‌ना पिच्‍छा उमा उमुक्‌ङि पिडुए॥

लुका 7:17

ख्‍वाप्‍पा याहुदिया हिट्‌नुङ् हिट्‌ना याम्‍बा-नायाम्‍बागा सोब्‍बे छेट्‌राङि येसुङाना बारेङि खाबोर छिन्‍डे॥

युहान्‍ना 11:25

येसुङा हिट्‌ना मेन्‍झेमा लोडुए, “उसियागा उहिङ्‌ग्‍वाट् काचोक्‍बा हिट्‌नुङ् चोला कापि आङा डोक् ए॥ आङा बिस्‍वास काचोक् सिए भोने चा हिङ्‌युक्॥

युहान्‍ना 5:21

पोङ्‌भोने पाबाङा उसियागा याप्‌मिचि उहिङ्‌ग्‍वाट् चोगुचिउङ् चोला पिडुचिचि, हिट्‌डेडोक् छाङा चा उन्‍ङा निङ्‌ग्‍वा चोगुचिगालाउङ्‌सा चोला पिडुचिचि॥

युहान्‍ना 5:25

छेम्‍बा डोक् आङा खानि लोनाँनि, हिट्‌ना बेला टायुगेट्, हिट्‌नुङ् हिट्‌ना बेला हाट्‌ले डोक् ए, जब उसियागा याप्‌मिचिङा माङ्‌हाङ् छाङाना ओसोरा ओखेम्‍सुटु, हिट्‌नुङ् काखेम्‍बाचि टेप्‍माम्‍बाक् उहिङ्‌युक्॥

रोमि 4:17

पोङ्‌भोने नाड्‌डे चा माङ्‌हाङ्‌ङा उन् लोडुए, “आङा खान् जोम् याप्‌मिचिगा टुबाठेबा चोक्‍नाइने॥” आब्‍राहामङा माङ्‌हाङ्‌ङि बिस्‍वास चोगुए, हिट्‌नुङ् माङ्‌हाङ्‌ङाना ओनाभाक्‌ङि उन् आनि सोब्‍बेङाना पाबा लिसे॥ माङ्‌हाङ्‌ङा डोक् उसियागा चा उहिङ्‌ग्‍वाट् चोगुचिचि, हिट्‌नुङ् सिरिस्‌टि डोक् उलिनिगेट्‌निगा थोक्‌चि चा माट्‌टुङ् डोक् सिरिस्‌टि चोगुटु॥

एफिसि 5:12

नागा याप्‌मिचिङा ओठोबाउङ् ओचोगुगा टोॽवा बारेङि माप्‍मा चा मोन्‌डिसिइना रिङ् ए॥