लुका 6:38 - आठपहरिया

³⁸ याप्‌मिचिलोङ्‌सा पिडानुम्‌चिम् हिट्‌नुङ् माङ्‌हाङ्‌ङा चा खानिलोङ्‌सा मापिडिटि॥ उन्‍ङा चिट्‌सा चिट्‌सा, वान्‍सा वान्‍सा पेरेरे वेलोक् मापिडिटि॥ पोङ्‌भोने खानिङा जेङा आछिक्‍टुमुङ् याप्‌मिचि आपिडुम्‌चिम्‌चिम् हिट्‌ना छिक्‍मानालाम्‍मा डोक् खानिङा चा आटोगोम्‍टुम्॥”

लुका 6:38 ပူးပေါင်းရင်းမြစ်များ

मात्‌ति 10:42

जुन्‍ङा खानि नागा खाट्‌टिउगा आचेलाचि नुङ् मामिट्‌टिउङ् ठिक् खोरे चिसो चुवा एडोक् ठुङ्‌मा मापिडिटि, छेम्‍बा डोक् आङा खानि लोनाँनि, हिट्‌नाँ उन्‍ङाना इनाम् खोना बेला चा मासुन्‍ना॥”

मात्‌ति 7:2

पोङ्‌भोने खानिङा आरु फाट्‌टुर आलाबुम्‌चिम् गाड्‌डे डोक् माङ्‌हाङ्‌ङा चा खानि फाट्‌टुर मालाबिटि॥ हिट्‌नुङ् खानिङा खोना छिक्‍माङा आछिक्‍टुमुङ् आपिडुम्‌चिम्‌चिम्‍गा हिट्‌ना छिक्‍माङा डोक् छिक्‍टुङ् खानि चा माङ्‌हाङ्‌ङा मापिडिटि॥

मारकुस 4:24

हिट्‌नुङ् येसुङा हिट्‌नागा फेरि नाड्‌डे लोडुचे, “आखेम्‍सुम्‍गा रिङ्‌चि खानि निङ्‌ग्‍वाङि नुलोक् युङ्‌सानुम्, पोङ्‌भोने खानिङा खोना छिक्‍माङा आछिक्‍टुमुङ् आपिडुम्‌चिम्‌चिम्‍गा, हिट्‌ना छिक्‍मानालाम्‍मा डोक् खानिङा चा आटोगुम्‍टुम्॥ हिट्‌नुङ् ना नुङ्‌ना चा जोम् खानिङा आटोगुम्‍टुम्॥

लुका 6:30

हिट्‌नुङ् ओनाग्‍गा सोब्‍बेलोङ्‌सा पिडुचि, हिट्‌नुङ् काचिजाबिजा ओखाटुगालोक् फेरि नाक्‍टुन्‌चिन्॥

याकुब 2:13

पोङ्‌भोने जुन्‍ङा आरु लुक्‍मा टुक्‍टुन्‌चिन्‍गा, हिट्‌नाङाना न्‍याए चा हिट्‌ना पारा डोक् लियुक्॥ टरो जुन्‍ङा आरु लुक्‍मा टुक्‍टुचिचि भोने, माङ्‌हाङ्‌ङा हिट्‌ना न्‍याए चोगुनाँ उन् लुक्‍मा टुक्‍टुटु॥