लुका 6:36 - आठपहरिया

³⁶ खानि माङ्‌हाङ् पाबा लुक्‍मा काटुक् लिसा गाड्‌डे डोक्, खानि चा लुक्‍मा काटुक् लिसानि॥

लुका 6:36 ပူးပေါင်းရင်းမြစ်များ

मात्‌ति 5:48

हिट्‌डेउङ् टोनालोग्‌ङि युङ्‌ना खानि माङ्‌हाङ् पाबाङा सोरोक् पाक् नुना हिट्‌ना चोगु गाड्‌डे डोक् खानिङा चा सोरोक् पाक् नुना हिट्‌ना डोक् चोगानुम्॥”

लुका 6:35

“टरो खानिङा खानि साट्‌टुरचि चा माया चोगानुम्‌चिम्, हिट्‌नुङ् हिट्‌नागा नुलोक् चाट्‌ला मेट्‌टानुम्‌चिम्॥ हिट्‌नुङ् फेरि टोक्‍माना निङ्‌ग्‍वा युङ्‌सा नाॽवा पिनेनुम्‌चिम्, हिट्‌नुङ् खानिङा ठेना इनाम् आटोगोम्‍टुम् हिट्‌नुङ् खानि सोब्‍बे नुङ्‌ना ठेना माङ्‌हाङ्‌ङाना ओछालेट्‌चि आलिसिटि, पोङ्‌भोने उन्‍ङा निङ्‌ग्‍वा एकेलेङ् ओचोग्‍गा हिट्‌नुङ् दुस्‍टाचि चा लुक्‍मा टुक्‍टुचिचि॥

लुका 6:37

“याप्‌मिचि न्‍याए चोक्‍नेनुम्‌चिम्, हिट्‌नुङ् माङ्‌हाङ्‌ङा चा खानि न्‍याए माचोगिन्‍गा॥ आरु फाट्‌टुर लाब्‍नेनुम्‌चिम्, हिट्‌नुङ् खानि चा फाट्‌टुर मालाबिन्‍गा॥ याप्‌मिचि छेमा पिडानुम्‌चिम्, हिड्‌डेउङ् खानिङा चा छेमा आटोगुम्‍टुम्॥

एफिसि 4:31

सोब्‍बे ओचाफेन्‍ना रिङ्, याक्‍लेट्‌मा, खेमाबुङ्‌मा चोक्‍मा, खिजेक्‍पा चाट्‌मा हिट्‌नुङ् सोब्‍बे खाले ओभेन्‍गा रिङ् चोक्‍मा नाडानुम्॥

याकुब 3:17

टरो टोनालाम्‍मा लिना ठोनाम्‍बाक् हिट्‌ना आड्‌डिक् डोक् चोखो लियुक्, हिट्‌नाम्‍बाक् सोब्‍बे काटोङ्‌बा, आड्‌डिक् सुदो हिट्‌नुङ् सोब्‍बेलोक् टोङ्‌ना लियुक्॥ हिट्‌नुङ् आड्‌डिक् लुक्‍मा काटुक्, सोरोक् नुना टोॽवा काचोक्‍बा, टो यो चोक्‌निना हिट्‌नुङ् ढाँट् फोक्‌निना लियुक्॥