लुका 6:35 - आठपहरिया

³⁵ “टरो खानिङा खानि साट्‌टुरचि चा माया चोगानुम्‌चिम्, हिट्‌नुङ् हिट्‌नागा नुलोक् चाट्‌ला मेट्‌टानुम्‌चिम्॥ हिट्‌नुङ् फेरि टोक्‍माना निङ्‌ग्‍वा युङ्‌सा नाॽवा पिनेनुम्‌चिम्, हिट्‌नुङ् खानिङा ठेना इनाम् आटोगोम्‍टुम् हिट्‌नुङ् खानि सोब्‍बे नुङ्‌ना ठेना माङ्‌हाङ्‌ङाना ओछालेट्‌चि आलिसिटि, पोङ्‌भोने उन्‍ङा निङ्‌ग्‍वा एकेलेङ् ओचोग्‍गा हिट्‌नुङ् दुस्‍टाचि चा लुक्‍मा टुक्‍टुचिचि॥

लुका 6:35 ပူးပေါင်းရင်းမြစ်များ

मात्‌ति 5:9

याप्‌मिचि काटोङ्‌बाचि लोङ्‌सा माङ्‌हाङ्‌ङा आसिक् पिडुचिचि, पोङ्‌भोने हिट्‌नागा माङ्‌हाङ् ओछालेट्‌चि उलियुक्॥

मारकुस 5:7

हिट्‌नाङा ठेना सोरा चोगुङ् राट्‌सा लोडुए, “माङ्‌ठेना माङ्‌हाङ् छा येसु, खान्‍ङाना आङालोक् पाक्‌ङाना चा साइनो वाइना? आङा याङ्‌छामा याङ्‌चाट्‌नेन् नुङ् माङ्‌हाङ् उनिङ्‌ङि आङा खान् स्‍या मेट्‌नाँ॥”

लुका 1:32

उन् माङ्‌ठेना लियुक् हिट्‌नुङ् सोब्‍बे नुङ्‌ना माङ्‌ठेना माङ्‌हाङ् छा पिक्‍सा ओलोडुटु॥ हिट्‌नुङ् उन्‌लोङ्‌सा माङ्‌हाङ् डाङ्‌बाङा उटुबाठेबा दाउद गाड्‌डे डोक् हाङ्‌बा चोगुटु॥

लुका 6:36

खानि माङ्‌हाङ् पाबा लुक्‍मा काटुक् लिसा गाड्‌डे डोक्, खानि चा लुक्‍मा काटुक् लिसानि॥

युहान्‍ना 13:35

खानिङा ठिबाङ्‌ङा आरको माया चोक्‍गा चोक् आचोगिटि भोने, खानि आचेलाचि नुङ् सोब्‍बेङा ठाहा माटोगिटि॥”

युहान्‍ना 15:8

खानिङा जोम् टुल्‍फुल आकेङुमे भोने, ना रिङ्‌ङा डोक् आङाना पाबाङाना माहिमा लियुक्, हिट्‌नुङ् खानि आचेलाचि आलिसिटि॥

मुलिचेला टोॽवा 14:17

टरो उन्‍ङा याप्‌मिचिङि ओचेट्‌नुना टोॽवा चोगुङ् उन् लिसाना रिङ् निमेट्‌टुचे॥ उन्‍ङा टाङ्‌साङ्‌लाम्‍मा व्‍हेट् ठेन्‍डुङ् ठिक्‍का बेलाङि डोक् चासोङ् आपियुक् हिट्‌नुङ् खानि औधि डोक् चामा-ठुङ्‌मागा थोक्‌चि मापिडिउङ् खानि निङ्‌ग्‍वा हारका माचोगिबिडिटि॥ नागा सोब्‍बे टोॽवाङा डोक् उन्‍ङाना साँचि पिडुटु॥”

२ कोरिन्‌थि 8:9

पोङ्‌भोने आनि टाङ्‌बा येसु खिरिस्‍टङाना मायादाया खानिङा ठाहा आटोगुम्‍टुम्॥ उन् वागाठागा लिसा चा खानि लोङ्‌सा पाक्‍चा मालेना लिसे॥ उन् पाक्‍चा मालेना लिसाउङ् खानि वागाठागा चोक्‍मा उन्‍ङा नाड्‌डे चोगुए॥

२ तिमोथि 3:2

पोङ्‌भोने हिट्‌ना बेलागा याप्‌मिचि आप्‍पेलोङ्‌सा एडोक् माया काचोक्‍बा, ओफाबा एरोक् कामाँ चोक्‍मा निङ्‌ग्‍वा कापिबा, ओठेयुजागा, धामास कापिबा, आरु खिजेक्‍पा काचाट्, मामा-पाबाचिगा रिङ् ओटेन्‌निगा, आधान्‍याबादि हिट्‌नुङ् आधारमोति उलियुक्॥