लुका 6:30 - आठपहरिया

³⁰ हिट्‌नुङ् ओनाग्‍गा सोब्‍बेलोङ्‌सा पिडुचि, हिट्‌नुङ् काचिजाबिजा ओखाटुगालोक् फेरि नाक्‍टुन्‌चिन्॥

लुका 6:30 ပူးပေါင်းရင်းမြစ်များ

मात्‌ति 18:35

हिट्‌नुङ्‌ना येसुङा नाड्‌डे माट्‌टुए, “खानिङा कोइ याप्‌मि खानि निङ्‌ग्‍वालाम्‍मा डोक् माफ आपिनेएटनिम्‌चिम् भोने, टोनालोग्‌ङिना आङाना पाबाङा चा खानि हिड्‌डे डोक् माचोगिटि॥”

मात्‌ति 5:39

टरो आङा खानि लोनाँनि, खानि ओचाफेन्‍लोक् मामेट्‌टिगा लाउङ्‌सा ओचाफेन्‍लोक् चोग्‍नेनुम्‌चिम्॥ हिट्‌नुङ् कोइङा खान्‍ङाना छुप्‍टाङ्‌लेङ्‌ना काकालाङि मालेम्‍से भोने, फेङ्‌साङ्‌ना काकाला चा टाक्‍टुबिडु॥

मात्‌ति 6:12

आन्‍याँ पाप छेमा याप्‌मिचोगाबिडा, हिड्‌डे डोक् आन्‍याँ चा आन्‍याँ बिरुद्‌दाङि पाप ओचोगुगालाउङ्‌सा छेमा पिडुएसुम्‌चिमे॥

लुका 11:41

टरो खानि निङ्‌ग्‍वालाम्‍मा डोक् पाक्‍चा मालेगा याप्‌मिचि लोङ्‌सा पिडानुम्‌चिम् हिट्‌नुङ् सोब्‍बे रिङ् खानि लोङ्‌सा सेङ्‌सेङ् लियुक्॥

लुका 12:33

खानिलोक् लिसागा माक्‍फेन्‍सुबेन् छोङ्‌सानुम्‍मुङ् पाक्‍चा वानिगा याप्‌मिचि पिडानुम्‌चिम्॥ आप्‍पे लोङ्‌सा काइले चा लाट्‌निना माक्‍फेन्‍सुबेन् टेयार चोगानुम् हिट्‌नुङ् खोना बेला चा जाखाम् लिनिना माक्‍फेन्‍सुबेन् टोनालोग्‌ङि छुम्‍सानुम्॥ हिट्‌नि याङ्‌काखुट्‌चिङा चा याङ्उखुट्‌टुन्‍ना हिट्‌नुङ् फेबा चा ठानिना॥

लुका 18:22

हिट्‌डेना रिङ् खेम्‍सुङ् येसुङा हिट्‌ना लोडुए, “खान्‍ङा आझै ठिक् टोॽवा चोक्‍माना युङ्‌ग्‍वा, खान्‌लोक् युङ्‌ग्‍वागा ख्‍वाप्‍पा माक्‍फेन्‍सुबेन् छोङ्‌सुङ् पाक्‍चा ओवानिगा लोङ्‌सा ओफाबा हान्‍डुबिडुचि हिट्‌नुङ् खान्‍ङा टोनालोग्‌ङि माक्‍फेन्‍सुबेन् आटोगुटु हिट्‌नुङ् आबा, आचेला लिसा॥”

लुका 6:29

कोइङा खान्‍ङाना ठिक् काकालाङि मालेम्‍से भोने आरको काकाला चा टाक्‍टुबिडु, हिट्‌नुङ् काटाखुम्‌बि मानाप्‍टे भोने लोट्‌लिङ् चा उन् पिडुडिसु॥

लुका 6:31

हिट्‌नुङ् याप्‌मिचिङा खानि खोड्‌डे पारिक्‍ना चाट्‌ला मामेट्‌टि नुङ् चाहाब् आलिसिटिना, खानिङा चा हिट्‌नागा हिड्‌डे डोक् मेट्‌टानुम्‌चिम्॥

लुका 6:38

याप्‌मिचिलोङ्‌सा पिडानुम्‌चिम् हिट्‌नुङ् माङ्‌हाङ्‌ङा चा खानिलोङ्‌सा मापिडिटि॥ उन्‍ङा चिट्‌सा चिट्‌सा, वान्‍सा वान्‍सा पेरेरे वेलोक् मापिडिटि॥ पोङ्‌भोने खानिङा जेङा आछिक्‍टुमुङ् याप्‌मिचि आपिडुम्‌चिम्‌चिम् हिट्‌ना छिक्‍मानालाम्‍मा डोक् खानिङा चा आटोगोम्‍टुम्॥”

मुलिचेला टोॽवा 20:35

नाड्‌डेडोक् खानिङा चामा-ठुङ्‌मा आप्‍पे छुम्‍मा उहिडुन्‍गा निम्‍छारो याप्‌मिचि घुवार फामा आड्‌डिक् डोक् टोॽवा चोक्‍मा कोन्‌युक् नुङ् आङा निमेट्‌नाँने॥ हिट्‌नुङ् ‘टाक्‍मा नुङ्‌ना पिडुम्‌चिम्‍नाङा डोक् जोम् आसिक् टायुक्’ नुङ् येसु डाङ्‌बाङा माट्‌टुना रिङ् मिट्‌टानुम्॥”

२ कोरिन्‌थि 8:9

पोङ्‌भोने आनि टाङ्‌बा येसु खिरिस्‍टङाना मायादाया खानिङा ठाहा आटोगुम्‍टुम्॥ उन् वागाठागा लिसा चा खानि लोङ्‌सा पाक्‍चा मालेना लिसे॥ उन् पाक्‍चा मालेना लिसाउङ् खानि वागाठागा चोक्‍मा उन्‍ङा नाड्‌डे चोगुए॥

एफिसि 4:28

याङ्‌काखुट्‌ङा हाट्‌ले नुङ् याङ्‌खुट्‌मा ओनाडुवाक्, टरो टोॽवा ओचोगुवाक्॥ मिहिनेत ओचोगुङ् आप्‍पे उमुक्‍ङा ओचेट्‌नुना टोॽवा ओचोगुवाक्, हिट्‌डेउङ् उन्‍ङा आभोरङि ओठायागालाउङ्‌सा पिमा हिडुचिचि॥