लुका 6:21 - आठपहरिया

²¹ ना बेला साॽवामाङा आसिइगा, खानि माङ्‌हाङ्‌ङा आसिक् मापिडिटि, पोङ्‌भोने खानिङा चामा आटोगुम्‍टुम्॥ ना बेला आहाबिगा माङ्‌हाङ्‌ङा खानि आसिक् मापिडिटि, पोङ्‌भोने खानिङा रेट्‌मा आटोगुम्‍टुम्॥

लुका 6:21 ပူးပေါင်းရင်းမြစ်များ

मात्‌ति 5:4

ना बेला सानिङ्‌ग्‍वा ओलोगा लोङ्‌सा माङ्‌हाङ्‌ङा आसिक् पिडुचिचि, पोङ्‌भोने उन्‍ङा हिट्‌नागाँगा उन्‌चि निङ्‌ग्‍वाङि हाङ्‌हाङ् चोगुचिचि॥

मात्‌ति 5:6

माङ्‌हाङ्‌ङाना ओनाभाक्‌ङि पाक् नुना हिट्‌ना रिङ्‌ङि एडोक् निङ्‌ग्‍वा कापिबा लोङ्‌सा माङ्‌हाङ्‌ङा आसिक् पिडुचिचि, पोङ्‌भोने उन्‍ङा हिट्‌नागालोङ्‌सा उन्‌चि निङ्‌ग्‍वा इप्‍लोक् पिडुचिचि॥

लुका 1:53

हिट्‌नुङ् उन्‌चि साॽवागा याप्‌मिचिलोङ्‌सा माङ्‌हाङ्‌ङा नुगा नुगा थोक्‌चि पिडुएसुचे, टरो जोम् माक्‍फेन्‍सुबेन् ओकाप्‍टुगालोङ्‌सा पाक्‍चा माले पाङ्‌सुएसुचे॥

लुका 6:20

हिट्‌नुङ् येसुङा ओचेलाचि पुयुचिउङ् लोडुचे, “पाक्‍चा वानिगा खानि माङ्‌हाङ्‌ङा आसिक् मापिडिटि, पोङ्‌भोने माङ्‌हाङ् उमुलुक् खानिगा डोक्॥

लुका 6:22

“याप्‌मि छाङि बिस्‍वास आचोगुम्‍नाँ याप्‌मिचिङा खानि चिम्‍मा माफुट्‌टिटि, हिट्‌नुङ् पाङ्‌ठाङ्‌लाम्‍मा माहोट्‌टिटि, हिट्‌नुङ् मोम्‍मासिमा आलिसिलोक् माचोगिटि, हिट्‌नुङ् ओचाफेम्‍मा चाट्‌ला माचोगिटि, टब माङ्‌हाङ्‌ङा खानि आसिक् मापिडिटि॥

लुका 6:25

इनाबा, ना बेला खानि फोक् आलिसिगा! पोङ्‌भोने खानि साक्‌वायुक्॥ इनामा, ना बेला आरेट्‌टिगोन्‌डिगा! पोङ्‌भोने खानि याङ्आछाडिटि हिट्‌नुङ् आहाबिटि॥

युहान्‍ना 11:35

हिट्‌नुङ् येसु हाबे॥

युहान्‍ना 4:10

येसुङा हिट्‌ना लोडुए, “खान्‍ङा खान् लाउङ्‌सा माङ्‌हाङ्‌ङाना उपाहार हिट्‌नुङ् खान्‌लोक् चुवा ठुङ्‌मा कानाक्‍बा याप्‌मि मिसेन् आनिसुना बे खान्‍ङा गोलो उन् आनाक्‍टुए, हिट्‌नुङ् उन्‍ङा खान् चोला आपिना चुवा मापिडेए बे॥”

युहान्‍ना 6:35

येसुङा हिट्‌नागा लोडुचे, “चोला कापिबा चालेप्‍पा आङा डोक्॥ आङा सोरि ओटागा उन्‌चि साक्‍वानिगा, हिट्‌नुङ् आङा बिस्‍वास काचोक्‍बा खोना बेला चा ओवेप्‍माङा सिनिना॥

१ कोरिन्‌थि 4:11

हाट्‌ले चा आन्‍याँ चामा-ठुङ्‌मा मिचाए वासेट्‌टिङा, आन्‍याँलोक् वाप्‍माना लोट्‌लिङ् चा बो वाइगा॥ याप्‌मिचिङा आन्‍याँ ओचाफेन्‍लोक् चाट्‌ला याप्‌मिओमेट्‌गा हिट्‌नुङ् आन्‍याँलोक् युङ्‌माना पाङ्‌ठाङ् चा वाइना॥

२ कोरिन्‌थि 11:27

आङा मिहिनेत चोगुङुङ् टोॽवा चोगुङे हिट्‌नुङ् याप्‍मा खेप् इम्‍नेट्‌निङ्॥ आसाॽवासे हिट्‌नुङ् आवेॽप्‍मा काडे, हिट्‌नुङ् आम्‍टेप्‍मा टेप्‍मा आङा चामा चाङा चा टोक्‍नेट्‌निङ्॥ औधि चुङ्‌गुवामाङा पोट्‌राकाक् लिसाङे, पोङ्‌भोने आङालोक् कोना लोट्‌निङ् वानेट्‌निना॥

२ कोरिन्‌थि 12:10

हिट्‌डेउङ् खिरिस्‍ट लोङ्‌सा आङा फेतुलो लिङानाँ, चिम्‍मा याङ्उफुट्‌नाँ, आप्‍ठेरो बेला, खेदो याङ्ओचोक्‍नाँ हिट्‌नुङ् याङ्‌छामा आङ्‌डुङ्‌नाँ आङा हारका लिङा॥ पोङ्‌भोने जब आङा फेतुलो लिङा, टब आङा खिरिस्‍टङि बोल्‍लेउ लिङा॥

२ कोरिन्‌थि 6:10

आन्‍याँ निङ्‌ग्‍वा टुक्‍चा, सोरोक् हारका लिसिटिङा॥ आन्‍याँ पाक्‍चा वानिगा याप्‌मि लिसिङा चा आरुलाउङ्‌सा जोम् आसिक् टाप्‍मा हिडुम्‍टुम्‍मा॥ आन्‍याँ पाक्‍चा मालेगा गाड्‌डेगा ठेट्‌टिङा चा आन्‍याँलोक् सोब्‍बे थोक् युङ्‌ग्‍वा॥

याकुब 1:12

निङ्‌ग्‍वा छिक्‍मा टानाँ आङ्‌मा काहिबा याप्‌मिम्‍बाक् माङ्‌हाङ्‌ङा आसिक् पिडुटु॥ हिट्‌नुङ्‌ना माङ्‌हाङ्‌ङा उन् माया काचोक्‌चि लाउङ्‌सा पिडुङ्‌चिङ्‌चिङ् नुङ् उन्‍ङा माङ्‌हुप् चोगुना चोलाङाना मुकुट् डोक् याङ्‌छामा काआङ्‌बा याप्‌मिङा टोगुटु॥

पारकास 21:3

आङा सिङासान्‌लाम् नाड्‌डेना ठेना सोरा मुक्‍टाना खेम्‍सुङे, “पुयु, हाट्‌ले माङ्‌हाङ् याप्‌मिचिलोक् युङ्‌मा टाइसे॥ माङ्‌हाङ् हिट्‌नागालोक् युङ्‌युक् हिट्‌नुङ् हिट्‌नागा ओयाप्‌मिचि उलियुक्॥ माङ्‌हाङ् आप्‍पे हिट्‌नागालोक् लियुक्, हिट्‌नुङ् उन् हिट्‌नागाँगा माङ्‌हाङ् लियुक्॥

पारकास 7:16

हिट्‌नुङ् हिट्‌नागाँगा खोना बेला चा उन्‌चि साॽवानिगा हिट्‌नुङ् वेप्‍मा काड्‌निना॥ हिट्‌नुङ् हिट्‌नागा चारेक्‍ना नाम्‍छेमाङाना हुटुॽवामाङा उडुन्‌चिन्‍गा॥