लुका 6:20 - आठपहरिया

²⁰ हिट्‌नुङ् येसुङा ओचेलाचि पुयुचिउङ् लोडुचे, “पाक्‍चा वानिगा खानि माङ्‌हाङ्‌ङा आसिक् मापिडिटि, पोङ्‌भोने माङ्‌हाङ् उमुलुक् खानिगा डोक्॥

लुका 6:20 ပူးပေါင်းရင်းမြစ်များ

मात्‌ति 11:5

याङ्‌कानिनिबाचिङा उनिसुएट्‌टु, लाङ्‌गाडाचि ओलाम्‌टियेट्, कोर रोगिचि नुमानिङ् उलिएट्, याङ्ओखेम्‌निगाँ ओखेम्‍सुएट्‌टु, उसियागा उहिङ्‌ग्‍वाट् उलियुङ् ओकोब्‍एट्, हिट्‌नुङ् पाक्‍चा ओवानिगाँ ओचेट्‌नुना खाबोर खेम्‍मा ओटोगुएट्‌टु॥

मात्‌ति 25:34

हिट्‌नुङ् हाङ्‌बाङा उछुप्‍टाङ् उमुक्‌लेङ्‌गा लोडुचिचि, ‘आबानि, आङाना माङ्‌हाङ् पाबालाम्‍मा आसिक् आटोगुम्‍गा याप्‌मिचि, नारा उटुम् नुङ् डोक् खानि लोङ्‌सा टेयार चोग्‍बालाक् मुलुक् आधिकार चोगानुम्॥

मात्‌ति 5:1

ठिक् लेम्‍बा येसुङा याप्‌मिचिगा खिमेयाङ्‌मे उन्‌लेङ् ओआबागा निसुचिउङ् उन् झोन्‍झोबाङि खाडाउङ् युङे॥ हिट्‌नुङ् ओचेलाचि चा उन् याम्‍बा-नायाम्‍बा उछुमे,

लुका 12:32

येसुङा लोडुचे, “खाट्‌टिउना छुम्‍माङिगा आचेलाचि, खानि किट्‌नेनि! पोङ्‌भोने खानि टोकुबाङा उमुलुक् खानि पिमा लोङ्‌सा ओचाप् टाइसे॥

लुका 13:28

“हिट्‌नुङ् खानि टुबाठेबाचि आब्‍राहाम, इसाहाक, याकुब हिट्‌नुङ् सोब्‍बे माङ्‌काटाचि माङ्‌हाङ् उमुलुक्‌ङि उयुङागा आनिसुम्‌चिम्‌चिम्, टरो खानि आप्‍पेम्‍बाक् भारा मालेप्‌टिगा ठाहा आटोगुम्‍टुम्॥ हिट्‌नुङ् खानि हिट्‌नि आहाबिटि हिट्‌नुङ् खानि केङ् आचान्‍डुम्‍टुम्॥

लुका 14:15

येसुलोक् चामा चासिङा युङाना ठिबाङ् याप्‌मिङा ना रिङ् खेम्‍सुङ् लोडुए, “माङ्‌हाङ् उमुलुक्‌ङिना भातेर चामा काटोक्‍बाचि उन्‍ङा आसिक् पिडुचिचि॥”

लुका 16:25

“टरो आब्‍राहामङा हिट्‌ना लोडुए, ‘आइछा, खान्‍ङा मिट्‌टुटे, नाराङि आवासानाँ खान्‍ङा चाहाबा आलिसागा सोब्‍बे ओचेट्‌नुगा थोक्‌चि काचोलाङि आटोगुए, टरो ना लाजारसम्‍बाक् जाइले टैइले याङ्‌छामा एडोक् टोगुए॥ टरो हाट्‌ले ना लाजारस नाहि सुखि लिसैसे हिट्‌नुङ् खान्‍ना हिट्‌नि याङ्‌छामा आआङ्‌डुएट्‌टु॥

लुका 4:18

“माङ्‌हाङ् डाङ्‌बाङा ओहाङ्‌सा आठुङ्‌ङि याङ्‌ठेन्‍डाबिडैसे, पोङ्‌भोने पाक्‍चा ओवानिगा लोङ्‌सा ओचेट्‌नुना खाबोर खेम्‍मेप्‍मा आङा याङ्‌सेगाउङ् याङ्‌पाङ्‌साइसे॥ खाम्‍बाङ्‌ङि ओठायागा याप्‌मिचि छुट्‌काराङाना रिङ् लोसिङा, याङ्‌कानिनिबाचिङा उनिसुलोक् चोक्‍माना रिङ् लोसिङा, निम्‍छारो उलिसागा छुट्‌कारा पिमा,

मुलिचेला टोॽवा 14:22

हिट्‌नागाचिङा येसु डाङ्‌बाङि बिस्‍वास काचोक्‍बाचि बिस्‍वासङि बोलियो लिसानि पिक्‍सा आँट् पिडाचुए, हिट्‌नुङ् “माङ्‌हाङ् उमुलुक्‌ङि खाप्‍मा नुङ्‌ना उटुम्‌ङि आनि याङ्‌छामा, निङ्‌गुवा सागु हिट्‌नुङ् खेदो आङ्‌मा डोक् कोन्‌युक्” पिक्‍सा हिट्‌नागा लोडाचुचे॥

२ कोरिन्‌थि 6:10

आन्‍याँ निङ्‌ग्‍वा टुक्‍चा, सोरोक् हारका लिसिटिङा॥ आन्‍याँ पाक्‍चा वानिगा याप्‌मि लिसिङा चा आरुलाउङ्‌सा जोम् आसिक् टाप्‍मा हिडुम्‍टुम्‍मा॥ आन्‍याँ पाक्‍चा मालेगा गाड्‌डेगा ठेट्‌टिङा चा आन्‍याँलोक् सोब्‍बे थोक् युङ्‌ग्‍वा॥

२ कोरिन्‌थि 8:2

हिट्‌नागाँ औधि याङ्‌छामा ओआङ्‌डुनाँ हिट्‌नागा आड्‌डिक् हारका उलिसे॥ हिट्‌नागा पाक्‍चा ओवानिगा उलिसा चा उन्‌चि निङ्‌ग्‍वालाम्‍मा डोक् बिस्‍वासिचि घुवार ओफाडुचे॥

२ कोरिन्‌थि 8:9

पोङ्‌भोने आनि टाङ्‌बा येसु खिरिस्‍टङाना मायादाया खानिङा ठाहा आटोगुम्‍टुम्॥ उन् वागाठागा लिसा चा खानि लोङ्‌सा पाक्‍चा मालेना लिसे॥ उन् पाक्‍चा मालेना लिसाउङ् खानि वागाठागा चोक्‍मा उन्‍ङा नाड्‌डे चोगुए॥

१ थेसालोनिकि 1:6

खानिङा आन्‍याँना हिट्‌नुङ् टाङ्‌बाङाना सिको चा आचोगुमे॥ हिट्‌नुङ् आम्‍टेप्‍मा याङ्‌छामा आङ्‌डुमुङ् चा खानिङा सेङ्‌सेङ्‌ना हाङ्‌साङा मापिडिगा खाबोर खुसिलोक् आलाडुमे॥

२ थेसालोनिकि 1:5

माङ्‌हाङ्‌ङा सोब्‍बे याप्‌मिचि नुलोक् न्‍याए चोगुचिचि नुङ् नागा रिङ्‌ङा पारमान् पिडुटु॥ हिट्‌नुङ् नागा ख्‍वाप्‍पा थोक् आङ्‌डुम्‍मानाँ माङ्‌हाङ् उमुलुक्‌ङिना नुना आलिसिगा याप्‌मिचि नुङ् खानि उन्‍ङा मालोडिटि, पोङ्‌भोने उन्‍ङाना उमुलुक् लोङ्‌सा डोक् खानिङा आरुलाम्‍मा याङ्‌छामा आङ्‌डुएट्‌टुम्॥

याकुब 1:12

निङ्‌ग्‍वा छिक्‍मा टानाँ आङ्‌मा काहिबा याप्‌मिम्‍बाक् माङ्‌हाङ्‌ङा आसिक् पिडुटु॥ हिट्‌नुङ्‌ना माङ्‌हाङ्‌ङा उन् माया काचोक्‌चि लाउङ्‌सा पिडुङ्‌चिङ्‌चिङ् नुङ् उन्‍ङा माङ्‌हुप् चोगुना चोलाङाना मुकुट् डोक् याङ्‌छामा काआङ्‌बा याप्‌मिङा टोगुटु॥

याकुब 2:5

आमायालु आम्‍भु-आन्‍झाचि हिट्‌नुङ् आनो-आन्‍झाचि, खेम्‍सानुम्, पाक् माङ्‌हाङ्‌ङा नाराङिगा पाक्‍चा वानिगालाउङ्‌सा बिस्‍वासङि बोल्‍लेउ चोक्‍मा हिट्‌नुङ् माङ्‌हुप् चोगुना उमुलुक् उन् माया काचोक्‌चि पिमाउङ्‌सा सेगुवाट्‌टुन्‌चिन्‌गि टे?

पारकास 2:9

“खानिङा याङ्‌छामा आङ्‌डुएट्‌टुम् हिट्‌नुङ् खानिलोक् पाक्‍चा वाइना नुङ् आङा ठाहा टोगुङ्‌टुङ्, टरो माङ्‌हाङ् ओनाजारङि खानि वागाठागा याप्‌मिचि नुङ्‌म्‍बाक् छेम्‍बा डोक् ए॥ आप्‍पेलाउङ्‌सा याहुदि नुङ् उपिग्‍गा याप्‌मिचिङा खानि बिरुद्‌दाङि ओचाफेन्‍गा रिङ् ओचेक्‍टागा आङा ठाहा टोगुङ्‌टुङ्, टरो हिट्‌नागा याहुदिचि माखाक्॥ हिट्‌नागा सैतानङाना छुम्‍माङिगा याप्‌मिचि ए॥