लुका 6:13 - आठपहरिया

¹³ हिट्‌नुङ् भ्‍यानिक् लिसाउङ् येसुङा ओचेलाचि छेम्‍डुचिउङ् हिट्‌नागा माड्‌डे बारो जाना सेगुचे, हिट्‌नुङ् उन्‍ङा हिट्‌नागा मुलिचेलाचि नुङ् निङ् मेट्‌टुचे॥

लुका 6:13 ပူးပေါင်းရင်းမြစ်များ

मात्‌ति 10:2

नागा बारो जाना मुलिचेलाचिगा निङ् नागा डोक् ए– पाइलेनाम्‍बाक् पाटरुस ओलोडुना सिमोन हिट्‌नुङ् उन्‍झा आन्‍दरियास, हिट्‌नुङ् जाब्‌दियाङाना उइछाचि याकुब लोक् उन्‍झा युहान्‍ना,

मात्‌ति 19:28

येसुङा हिट्‌नागा लोडुचे, “छेम्‍बा डोक्, आङा खानि लोनाँनि, खानि जो आचेलाचि आलिसिएसिए, जब ओछोङ्‌ग्‍वाट् मुलुक्‌ङि याप्‌मि छा उन्‍ङाना माहिमाङाना सिङासान्‌ङि युङ्‌युक्, हिट्‌नुङ् खानि चा बारो सिङासान्‌ङि आयुङिटि, हिट्‌नुङ् इस्‍राएलि याप्‌मिचिगा बारो छोङ्‌बाचि डोक् सासान् आचोगुम्‌चिम्‌चिम्॥

मात्‌ति 9:36

याप्‌मिचिगा खिमेयाङ्‌मे निसुङ् उनिङ्‌ग्‍वा टुगे॥ पोङ्‌भोने हिट्‌नागा गोठाले मालेगा ठुँबाचि गाड्‌डे याङ्ओछाडागा हिट्‌नुङ् पाक्‍चा चोक्‍मा उहिनिगा गाड्‌डे उलिसाइसागा॥

मारकुस 6:30

आम्‍टेप्‍मा बेला एङ्‌सुवा मुलिचेलाचि ओनोक्‍टा ओआबाउङ् येसु सोरि उछुमे, हिट्‌नुङ् उन्‌चिङा ओचोगुगा हिट्‌नुङ् उहिसिक्‍टुचिगा सोब्‍बे रिङ्‌चि ओखेम्‍मेट्‌टुए॥

मारकुस 6:7

उन्‍ङा बारो जाना ओचेलाचि छेम्‍डुचे, हिट्‌नुङ् इप्‍पाङ्-इप्‍पाङ् चोगुचिउङ् पाङ्‌सुचे॥ हिट्‌नुङ् हिट्‌नागा ओचाफेन्‍गा रिमेट्‌चि होप्‍माना आधिकार चा पिडुचे॥

लुका 11:49

हिड्‌डेउङ् सोब्‍बे रिङ् कानिबा माङ्‌हाङ्‌ङा नाड्‌डे माट्‌टुए, ‘आङा खानि सोरि माङ्‌काटाचि हिट्‌नुङ् मुलिचेलाचि पाङ्‌सुङ्‌चिङ्‌चिङ्, टरो खानिङा आम्‍टेप्‍मालोङ्‌सा आसेडुम्‌चिम्‌चिम् हिट्‌नुङ् आम्‍टेप्‍माम्‍बाक् ओचाफेन्‍लोक् आमेट्‌टुम्‌चिम्‌चिम्॥’

लुका 22:30

आङा सासान् चोगुङ्‌ना बेला खानि आङालोक् एक्‍केउ आयुङिउङ् आचाम्‍टुम् हिट्‌नुङ् हाङ्‌बा युङ्‌ना सिङासान्‌ङि आयुङिउङ् इस्‍राएलि याप्‌मिचिगा बारो छोङ्‌बाचि डोक् सासान् आचोगुम्‌चिम्‌चिम्॥”

लुका 6:14

नाड्‌डे पारिक् सेग्‍बालाक्‌चि बारो जाना नागा डोक्– सिमोन (उन् पाटरुस चा ओलोडुए), हिट्‌नुङ् उन्‍झा आन्‍दरियास, याकुब, युहान्‍ना, फिलिप, बारथोलोमाइ,

युहान्‍ना 4:33

हिट्‌डेउङ् चेलाचि उन्‌चि उन्‌चि उपिगे, “कोइङा उन् चामागा थोक् उखुट्‌टुएनि पाइना हाउ?”

मुलिचेला टोॽवा 1:13

हिट्‌नागा खालाङ्‌गाङि ओटासुङ् उन्‌चि उयुङागा उठुङ्‌ङिना टालाङि हिट्‌नागा उलिगे॥ हिट्‌नि पाटरुस, युहान्‍ना, याकुब, आन्‍दरियास, फिलिप, थोमा, बारथोलोमाइ, मात्‌ति, आल्‍फायासङा उइछा याकुब, देस भाक्‍ता सिमोन, हिट्‌नुङ् याकुबङा उइछा याहुदा डाना॥

एफिसि 2:20

आनिम्‍बाक् मुलिचेलाचि लोक् माङ्‌काटाचिङा ओचोगुना ओजाग् उठुङ्‌ङिना पाङ् ए॥ हिट्‌नुङ् हिट्‌ना जाग्‌ङाना उसुरङिना लिङ्‌गेॽवाम्‍बाक् खिरिस्‍ट येसु आप्‍पे डोक् ए॥

एफिसि 4:11

उन्‍ङा डोक् कोइ मुलिचेलाचि, कोइ माङ्‌काटाचि, कोइ नुना खाबोर कालोचि, कोइ माङ्‌पाङ्‌ङिगा गोठाले हिट्‌नुङ् कोइम्‍बाक् काहिसिक्‍बाचि चोगुचे॥

हिब्‍रु 3:1

हिट्‌नाड्‌डेउङ् मायालु भुम्‍भु-झान्‍झाचि हिट्‌नुङ् आनो-आन्‍झाचि, खानि माङ्‌हाङ्‌ङा मासेगिगा याप्‌मिचि हिट्‌नुङ् टोनालोग्‌ङिना ओभागा काटोक्‌चि ए, माङ्‌हाङ्‌ङाना खाबोर कालो हिट्‌नुङ् सानिङ्‌डाङ्‌बा नुङ् लाडुम्‍ना येसुङि आनि निङ्‌ग्‍वा पिडुम्॥

२ पाटरुस 3:2

आच्‍छो बेला सेङ्‌सेङ्‌गा माङ्‌काटाचिङा ओमाट्‌टुगा रिङ् हिट्‌नुङ् मुलिचेलाचिङा माहिसिक्‌टिगा टाङ्‌बाङाना आग्‍याँ खानिङा मिट्‌टानुम् नुङ् लोनाँनि॥

पारकास 12:1

हिट्‌नुङ् टोनालोग्‌ङि आङा ठिक् डोङ् ठोङ्‌डिना ठेना चिन्‍ना निसुङे॥ हिट्‌नि नाम्‍छेडाना गाड्‌डे डोक् ओम्‍साना लोट्‌लिङ् वाडुना मेन्‍झेमा आङा निसुङे, लालिप्‍माङ् येप्‍टुङ् हिट्‌ना येबैसाना॥ हिट्‌नुङ् ओटेहेक्‌ङि बारो ओटा चोक्‌चिङ्‌गेट्‌ङाना मुकुट् वाडेसुना॥

पारकास 18:20

हाउ टोनालोग्‌ङि उलिसागा, हिट्‌ना जाखाम् लिसानाँ हारका लिसानि॥ माङ्‌हाङ् ओयाप्‌मिचि, मुलिचेलाचि हिट्‌नुङ् माङ्‌काटाचि सोब्‍बे हारका लिसानि॥ पोङ्‌भोने हिट्‌नाङा खानि लाउङ्‌सा जे चोगुए, हिट्‌ना लाउङ्‌सा माङ्‌हाङ्‌ङा साजाए पिडुएसुए॥”

पारकास 21:14

हिट्‌ना खालाङ्‌गाङाना पारखाल बारो ओटा लिङ्‌गेॽवाङाना ओजाग् ओठेन्‍डुङ् ओचोगुएसुना॥ हिट्‌नागा ओजाग्‌ङि थुमाङाना बारो जाना मुलिचेलाचिगा उन्‌चि निङ् ओछेप्‍टेसुना डाना॥