लुका 6:12 - आठपहरिया

¹² ठिक् लेम्‍बा येसु झोन्‍झोबाङि बिन्‌टि चोक्‌सिङा खाडे, हिट्‌नुङ् माङ्‌हाङ्‌ङि युसाटेप् बिन्‌टि चोगे॥

लुका 6:12 ပူးပေါင်းရင်းမြစ်များ

मात्‌ति 5:1

ठिक् लेम्‍बा येसुङा याप्‌मिचिगा खिमेयाङ्‌मे उन्‌लेङ् ओआबागा निसुचिउङ् उन् झोन्‍झोबाङि खाडाउङ् युङे॥ हिट्‌नुङ् ओचेलाचि चा उन् याम्‍बा-नायाम्‍बा उछुमे,

मात्‌ति 6:6

टरो खान् बिन्‌टि आचोक्‍ना बेला कोठा ओहोङ्‌ङि लिगा हिट्‌नुङ् ढुवारिक् छुप्‍टुङ् निनिम्‍ना कामाङ्‌हाङ् पाबाङि बिन्‌टि ठाङ्‌सु, हिट्‌नुङ् खान्‍ङा सोगोप् आचोगुना रिङ् निसुङ् पाबाङा खान् इनाम् मापियुक्॥

मारकुस 1:35

हान्‍डेङ्‌लेङ् भ्‍यानिक् व्‍हाङ् मिलिए डोक् येसु कोबाउङ् खुसुना डेन्‌ङि खाडे, हिट्‌नुङ् हिट्‌नि बिन्‌टि चोगे॥

मारकुस 3:13

हिट्‌नुङ्‌ना येसु टो झोन्‍झोबालेङ् ठाङे, हिट्‌नुङ् उन्‌लोक् खाप्‍मा चाहाब् उलिसागा टेप्‍मा छेम्‍डुचे॥ हिट्‌नुङ् हिट्‌नागा उन् सोरि ओखाडे॥

मारकुस 6:46

हिट्‌नागा याप्‌मिचिलोक् सेन्‍डाउङ् उन् हिट्‌निलाम्‍मा बिन्‌टि चोक्‌सिङा झोन्‍झोबालेङ् ठाङे॥

लुका 5:16

टरो येसुम्‍बाक् खुसुना डेन्‌ङि खाडाउङ् बिन्‌टि चोगुगा डागा॥

लुका 6:11

टरो हिट्‌नि ओवासागा फारिसिचि हिट्‌नुङ् धारमाबिधि काहिसिक्‍बाचिगा आड्‌डिक् टुक्‍लोक् उन्‌चि याग्‍लेडे, हिट्‌नुङ् येसु पाक् मेप्‍माना पिक्‍सा उन्‌चि उन्‌चि मुन्‍डुप्‍मा ठालाँ ओचोगुए॥

लुका 6:17

हिट्‌नुङ् येसु मुलिचेलाचिलोक् झोन्‍झोबालाम्‍मा यो उङ्‌साउङ् ठिक् हेन्‍साना स्‍वाँराङि येबे॥ हिट्‌नि आरु जोम् ओचेलाचि हिट्‌नुङ् याप्‌मिचिगा खिमेयाङ्‌मे हिट्‌नि डाना हिट्‌नुङ् ख्‍वाप्‍पा याहुदिया, यरुसलेम, सामुन्‍दराङाना ओधारङिना टुरोस हिट्‌नुङ् सिदोन छेट्‌रालाम्‍मा जोम् याप्‌मिचि ओटाइसागा॥

लुका 9:18

ठिक् लेम्‍बा येसु ओएकेले बिन्‌टि चोगेट्‌टेना डाना, हिट्‌ना बेला ओचेलाचि चा उन् सोरि ओटाए॥ हिट्‌नुङ् येसुङा ओचेलाचि सिलाप्‍टुचे, “आङा साइना नुङ् याप्‌मिचिङा याङ्ओलोयुग्‍गा?”

लुका 9:28

ना रिङ् लोमा हिडुचिउङ् साङ् लेम्‍बा ओएङ्‌स्‍वालेङ् येसुङा पाटरुस, युहान्‍ना हिट्‌नुङ् याकुब खाट्‌टुचिउङ् झोन्‍झोबाङि बिन्‌टि चोक्‍ङा खाडे॥

लुका 9:29

येसु बिन्‌टि चोगेट्‌टाना बेला ओनाभाक् ओम्‍सा खाडे, हिट्‌नुङ् ओलोट्‌लिङ्‌चि चा फुट्‌टुम्‍बुरि लिसा ओम्‍से॥

युहान्‍ना 6:3

हिट्‌नुङ् येसु झोन्‍झोबाङि खाडे, हिट्‌नुङ् ओचेलाचिलोक् हिट्‌नि युङे॥

कालास्‌सि 4:2

खानि बिन्‌टि चोगायाक्‍टानि, हिट्‌नुङ् बिन्‌टि आचोगिनाँ ओछेक्‍छेक् चोक्‍सा सोरोक् माङ्‌हाङ् पोए-पोए चोगानुम्॥

हिब्‍रु 5:7

येसु ना नाराङि येम्‌ङि वासानाँ उन् सिइनालाम्‍मा बाचाँ चोक्‍मा काहिबा माङ्‌हाङ्‌ङि आड्‌डिक् राट्‌टाउङ् हाप्‍सा मिॽवा ठेन्‍डुङ् बिन्‌टि ठाङ्‌सुए॥ पोङ्‌भोने उन्‍ङा उनिङ्‌ग्‍वालाम्‍मा डोक् माङ्‌हाङ् माङ्‌ध्‍यान् चोगुए, हिट्‌नुङ् माङ्‌हाङ्‌ङा उन्‍ङाना बिन्‌टि खेम्‍सुए॥