लुका 6:11 - आठपहरिया

¹¹ टरो हिट्‌नि ओवासागा फारिसिचि हिट्‌नुङ् धारमाबिधि काहिसिक्‍बाचिगा आड्‌डिक् टुक्‍लोक् उन्‌चि याग्‍लेडे, हिट्‌नुङ् येसु पाक् मेप्‍माना पिक्‍सा उन्‌चि उन्‌चि मुन्‍डुप्‍मा ठालाँ ओचोगुए॥

लुका 6:11 ပူးပေါင်းရင်းမြစ်များ

मात्‌ति 16:7

हिट्‌नुङ् “उन्‌चिलोक् चालेपा वानेट्‌निनाउङ् येसुङा हिट्‌डे लोडुचिगा” नुङ् उन्‌चि उन्‌चिङि रिङ्‌पान् चोक्‍मा ठालाँ ओचोगे॥

मात्‌ति 21:45

येसुङा माट्‌टुना ना मुन्‍डुम् गाडुवाडाङ्‌बाचि लोक् फारिसि याप्‌मिचिङा ओखेम्‍सुङ् उन्‌चि बारेङि डोक् माट्‌टुना नुङ् ठाहा ओटोगुए॥

लुका 4:28

ना रिङ् ओखेम्‍सुङ् याहुदि छुम्‍मापाङ्‌ङिगा ख्‍वाप्‍पा याप्‌मिचिगा आड्‌डिक् उन्‌चि याग्‍लेडे॥

लुका 6:10

हिट्‌नुङ् उन्‍ङा याम्‍बा-नायाम्‍बा सोब्‍बेचि पुयुङ् हिट्‌ना याप्‌मि लोडुए, “कामुक् सोट् चोगु॥” हिट्‌नाङा हिड्‌डे डोक् चोगुए, हिट्‌नुङ् हिट्‌ना उमुक् नुलोक् लिसाडे॥

लुका 6:12

ठिक् लेम्‍बा येसु झोन्‍झोबाङि बिन्‌टि चोक्‌सिङा खाडे, हिट्‌नुङ् माङ्‌हाङ्‌ङि युसाटेप् बिन्‌टि चोगे॥

युहान्‍ना 11:47

हिट्‌नुङ् गाडुवाडाङ्‌बाचि लोक् फारिसि याप्‌मिचिङा काचाहारि-कुन्‍डालङिगा सादास्‍सेचि ओछेम्‍डुचिउङ् बैठाक् ओचोगे हिट्‌नुङ् ओमाट्‌टुए, “हाट्‌ले आनि पाक् चोगिगा? पोङ्‌भोने ना याप्‌मिङा याप्‍मा डोङ् ठोङ्‌डिगा टोॽवा चोगुएट्‌टु॥

युहान्‍ना 7:1

हिट्‌नुङ्‌ना येसु गालिल छेट्‌राङि याम्‍बा-नायाम्‍बा वासे, टरो उन् याहुदिया छेट्‌राङि खाप्‍मा निङ्‌ग्‍वा चोग्‍वाट्‌टुन्, पोङ्‌भोने याहुदि ओठेडोङ्‌चिङा उन् सेप्‍मा ओकोलुएट्‌टुना॥

मुलिचेला टोॽवा 26:11

हिट्‌नुङ् आङा सोब्‍बे याहुदिचिगा छुम्‍मापाङ्‌ङि खाडाउङ् ‘हिट्‌नागाँ बिस्‍वास ओनाडुवाक्’ नुङ् साजाए पिमा मेट्‌टुङ्‌चें॥ हिट्‌नुङ् हिट्‌नागालोक् आङाना आड्‌डिक् आरेक् काडाउङ् आरु देसङिगा खालाङ्‌गाङि चा खाडाउङ् आङा हिट्‌नागा याङ्‌छामा चाट्‌टुङ्‌चिङे॥

मुलिचेला टोॽवा 4:15

हिड्‌डेउङ् याहुदि ओठेडोङ्‌चिङा पाटरुस हिट्‌नुङ् युहान्‍ना काचाहारि-कुन्‍डाललाम्‍मा भारा होप्‍मा ओमेट्‌टुचे हिट्‌नुङ् हिट्‌नागा नाड्‌डे पिक्‍सा उन्‌चि उन्‌चि रिङ्‌पान् ओचोगे,

मुलिचेला टोॽवा 4:19

टरो पाटरुस हिट्‌नुङ् युहान्‍नाङा माट्‌टाचुए, “हाट्‌ले पाक् माङ्‌हाङ् रिङ् माखाक्, याप्‌मिचिगा रिङ् खेम्‍मानि? ना रिङ् छेम्‍बाना इ माखाक् खानिङा डोक् मिट्‌टानुम्॥

मुलिचेला टोॽवा 5:33

हिट्‌नुङ् ना रिङ् हिट्‌नागाँ ओखेम्‍सुङ् काचाहारि-कुन्‍डालङि उलिसागा याप्‌मिचिगा आड्‌डिक् उन्‌चि याक्‍लेडे हिट्‌नुङ् मुलिचेलाचि सेडुम्‌चिम् पिक्‍सा निङ्‌ग्‍वा ओचोगुए॥

मुलिचेला टोॽवा 7:54

इस्‌तिफानासङा माट्‌टुना रिङ् ओखेम्‍सुङ् काचाहारि-कुन्‍डालङिगा सादास्‍सेचिगा आड्‌डिक् टुक्‍लोक् उन्‌चि याक्‍लेडाउङ् उन्‌चि केङ् ओचान्‍डुए॥

२ तिमोथि 3:9

टरो हिट्‌नागाँ सोरोक् हिट्‌नाडे चोक्‍मा उहिडुन्‍ना, पोङ्‌भोने यान्‍नेस लोक् याम्‍बेरस गाड्‌डे डोक् हिट्‌नागा मुरखा नुङ् सोब्‍बेङा ठाहा ओटोगुटु॥