लुका 5:32 - आठपहरिया

³² हिट्‌नाडेडोक्, आङा निङ्‌ग्‍वा नुगा याप्‌मिचि लोङ्‌सा माखाक्, टरो पापि याप्‌मिचि लोङ्‌सा काएल्-काबु लिसानि नुङ् लोसिङा टायाङ्‌ना॥”

लुका 5:32 ပူးပေါင်းရင်းမြစ်များ

मात्‌ति 18:10

“ओछेक्‍छेक् युङानि, खानिङा नागा खाट्‌टिउगा पिच्‍छाचि माड्‌डेङि ठिबाङ् चा आङ्‌छाप्‍मा मेट्‌नेनुम्‌चिम्॥ पोङ्‌भोने आङा खानि लोनाँनि, टोनालोग्‌ङि हिट्‌नागाँगा माङ्‌हाङ् रिङ् काउग्‍बाचि सोरोक् टोनालोक्‌ङि युङ्‌ना आङाना पाबा ओटोकानाङि डोक् ओवाएट्॥

मात्‌ति 9:13

टरो खाडानिउङ् धारमाछाप्‍लाङि छेप्‍टाना ना रिङ्‌ङाना उटुप् पाइना नुङ् सिकाँ लिसानि, ‘आङा जिवाट्‌ङाना भोक् माखाक्, आरु लुक्‍मा टुक्‍टानुम्‌चिम् नुङ् आनिङ्‌ग्‍वा युङ्‌ग्‍वा॥’ पोङ्‌भोने आङा निङ्‌ग्‍वा नुगा याप्‌मिचि लोङ्‌सा माखाक्, टरो पापि याप्‌मिचि गोलो छेम्‌सिङा टायाङ्‌ना॥”

मारकुस 15:10

पोङ्‌भोने गाडुवाडाङ्‌बाचिङा डाहा ओचोगुङ् येसु उन्‌ङि ओखाट्‌टुना रिङ् पिलातासङा ठाहा टोगुएसुना॥

मारकुस 15:7

हिट्‌ना बेला बारब्‍बा निङ् लिसाना ठिबाङ् याप्‌मि खाम्‍बाङ्‌ङि ठाइसाना॥ हिट्‌नाँ आरु याप्‌मिचिलोक् टोङाउङ् आन्‍दोलान्‌ङि याप्‌मिचि चा सेडुएसुचिगा॥

मारकुस 2:17

ना रिङ् खेम्‍सुङ् येसुङा हिट्‌नागा नाड्‌डे लोडुचे, “सिडापाङ्‌डा काचोक्‍बा टे नुमानिङ् याप्‌मिचि लोङ्‌सा माखाक्, उटुग्‍गा याप्‌मिचि लोङ्‌सा गोलो चाहाब् लियुक्॥ हिट्‌नाडेडोक् आङा निङ्‌ग्‍वा नुगा याप्‌मिचि लोङ्‌सा माखाक्, टरो पापि याप्‌मिचि गोलो छेम्‌सिङा टायाङ्‌ना॥”

लुका 15:10

आङा खानि लोनाँनि, हिट्‌डेडोक् पापलाम्‍मा काएल्-काबु लिना ठिबाङ् पापि याप्‌मि लोङ्‌सा चा माङ्‌हाङ् रिङ् काउग्‍बाचिगा उन्‌चि चाप् टायुक्॥”

लुका 15:7

आङा खानि लोनाँनि, नाड्‌डे पारिक् डोक् माङ्‌हाङ्‌ङि काएल्-काबु लिमा कोन्‌निना उनान्‍साए धारमोति याप्‌मिचि नुङ्‌ना माङ्‌हाङ्‌ङि काएल्-काबु लिना ठिबाङ् पापि याप्‌मि लोङ्‌सा टोनालोग्‌ङि ठेना आनान्‍दा लियुक्॥

लुका 19:10

याप्‌मि छा ओमासागा याप्‌मिचि कोन्‌सिङा हिट्‌नुङ् हिङ्‌मेप्‍मा लाउङ्‌सा टायाना ए॥”

लुका 24:47

धारमाछाप्‍लाङि नाड्‌डे चा छेप्‍टेसे, पापलाम्‍मा काएल्-काबु लिमाउङ् माङ्‌हाङ्‌लाम्‍मा पापङाना छेमा टोगुम्‍ना नुना खाबोर खिरिस्‍टङा उनिङ्‌ङि यरुसलेम खालाङ्‌गालाम्‍मा उटुम् लियुङ् ख्‍वाप्‍पा छोङ्‌चिङि पारचार चोक्‍मा कोन्‌युक्॥

लुका 5:31

येसुङा हिट्‌नागा नाड्‌डे लोडुचे, “सिडापाङ्‌डा काचोक्‍बा टे नुमानिङ् याप्‌मिचि लोङ्‌सा माखाक्, उटुग्‍गा याप्‌मिचि लोङ्‌सा गोलो चाहाब् लियुक्॥

लुका 5:33

ठिक् लेम्‍बा जोम् याप्‌मिचिङा येसु ओलोडुए, “युहान्‍ना ओचेलाचि याप्‍मा टेप्‍मा उपासा उयुङ्‌गा हिट्‌नुङ् बिन्‌टि ओचोगुगा॥ फारिसि याप्‌मिचिगा चेलाचि चा हिट्‌नागा गाड्‌डे डोक् ओचोग्‍गा टरो काचेलाचिम्‍बाक् चाम्‍ठुम् एडोक् ओचोग्‍गा॥”

मुलिचेला टोॽवा 17:30

आच्‍छो बेला माङ्‌हाङ्‌ङा याप्‌मिचि आप्‍पे पारा चोक्‍मा पिडुचे, पोङ्‌भोने हिट्‌नागाँ उन्‌ङि खाप्‍माना लाम्‍बो ठाहा ओटोग्‍वाट्‌टुन्॥ टरो हाट्‌ले उन्‍ङा सोब्‍बे डेन्‌ङि ख्‍वाप्‍पा याप्‌मिचि काएल्-काबु लिसानि नुङ् आग्‍याँ आपिएट्॥

मुलिचेला टोॽवा 2:38

हिट्‌नुङ् पाटरुसङा हिट्‌नागा लोडुचे, “खानि पापलाम्‍मा छेमा टोक्‍मा लोङ्‌सा काएल्-काबु लिसानिउङ् येसु खिरिस्‍टङाना उनिङ्‌ङि बाप्‌टिस्‍मा चोगानि॥ हिट्‌नुङ् सेङ्‌सेङ्‌ना हाङ्‌साङाना बारदान आटोगुम्‍टुम्॥

मुलिचेला टोॽवा 20:21

आङा याहुदिचि हिट्‌नुङ् पानिछोङ्‌बाचि सोब्‍बे आ-आप्‍पे पापलाम्‍मा काएल्-काबु लिसानिउङ् माङ्‌हाङ्‌लेङ् नोक्‍टानि हिट्‌नुङ् आनि येसु डाङ्‌बाङि बिस्‍वास चोगानुम्” नुङ् पारचार चोगुङे॥

मुलिचेला टोॽवा 3:19

हिट्‌डेउङ् हाट्‌ले खानि काएल्-काबु लिसानिउङ् खानि पापलाम्‍मा माङ्‌हाङ्‌लेङ् नोक्‍टानि, हिट्‌नुङ् उन्‍ङा खानि पाप माटुगिबिडिटि॥ हिट्‌नुङ् माङ्‌हाङ्‌लाम्‍मा खानिङा हाङ्‌हाङ् हिट्‌नुङ् बोल् आटोगुम्‍टुम्॥

मुलिचेला टोॽवा 3:26

हिट्‌डेउङ् माङ्‌हाङ्‌ङा खानिगा ओभेन्‍गा टोॽवालाम्‍मा नोक्‍माउङ् खानि आसिक् पिमा नुङ् उन्‍ङाना आप्‍पे ओसेवाक् येसु सोब्‍बे नुङ्‌ना पाइला खानि इस्‍राएलि याप्‌मिचिङि पाङ्‌सुए॥”

मुलिचेला टोॽवा 5:31

इस्‍राएलि याप्‌मिचि पापलाम्‍मा काएल्-काबु लिमा हिट्‌नुङ् पाप छेमा टोक्‍माउङ्‌सा माङ्‌हाङ्‌ङा उन् हाङ्‌बा हिट्‌नुङ् काहिङ्‌मेप्‍बा डाङ्‌बा चोगुउङ् उछुप्‍टाङ् उमुक्‌लेङ् युङ्‌सुए॥

२ पाटरुस 3:9

कोइ-कोइङा टाङ्‌बाङा उन्‍ङाना चामारसिङा पुरो चोक्‍मा आबेला चोक्‌युक् नुङ् उमिट्‌टा गाड्‌डे उन् आबेला चोक्‌निना, टरो कोइ चा जाखाम् उलिनेयाट्, टरो ख्‍वाप्‍पा काएल्-काबु उलियाक् नुङ् निङ्‌ग्‍वा चोगुङ् टाङ्‌बाङा खानि माहाङ्‌सेट्‌टि॥