लुका 5:27 - आठपहरिया

²⁷ हिट्‌नुङ्‌ना येसु हिट्‌नालाम्‍मा भारा खाडे॥ हिट्‌नुङ् लेबि उनिङ् लिसाना ठिबाङ् तिरो काफोक्‍बा याप्‌मि तिरो आड्‌डाङि युङासाना निसुए॥ येसुङा हिट्‌ना याप्‌मि लोडुए, “आङा रोक् याङ्‌रिक्‍टा हिट्‌नुङ् आचेला लिसा॥”

लुका 5:27 ပူးပေါင်းရင်းမြစ်များ

मात्‌ति 10:3

फिलिप हिट्‌नुङ् बारथोलोमाइ, थोमा लोक् तिरो काफोक्‍बा मात्‌ति, आल्‍फायासङाना उइछा याकुब, थेदियास,

मात्‌ति 16:24

हिट्‌नुङ् येसुङा ओचेलाचि लोडुचे, “कोइ आचेला लिमा कोन्‌युक् भोने, हिट्‌नाङा आप्‍पे लोङ्‌सा माया चोक्‍मा नामा कोन्‌युक्, हिट्‌नुङ् उखाप्‍चे आप्‍पे खुयुङ् आएङ्‌स्‍वा ओआप्‌याक्॥

मात्‌ति 8:22

येसुङा हिट्‌ना लोडुए, “उसियागाँ उसियागा याप्‌मिचि डोक् हुम्‍मा पिडानुम्‌चिम्, टरो खान्‌उम्‍बाक् आङा रोक् आबा॥”

मारकुस 3:18

हिट्‌नुङ् आन्‍दरियास, फिलिप, बारथोलोमाइ, मात्‌ति, थोमा, आल्‍फायासङाना उइछा याकुब, थेदियास, हिट्‌नुङ् देस भाक्‍ता सिमोन,

लुका 18:22

हिट्‌डेना रिङ् खेम्‍सुङ् येसुङा हिट्‌ना लोडुए, “खान्‍ङा आझै ठिक् टोॽवा चोक्‍माना युङ्‌ग्‍वा, खान्‌लोक् युङ्‌ग्‍वागा ख्‍वाप्‍पा माक्‍फेन्‍सुबेन् छोङ्‌सुङ् पाक्‍चा ओवानिगा लोङ्‌सा ओफाबा हान्‍डुबिडुचि हिट्‌नुङ् खान्‍ङा टोनालोग्‌ङि माक्‍फेन्‍सुबेन् आटोगुटु हिट्‌नुङ् आबा, आचेला लिसा॥”

युहान्‍ना 1:43

आरको लेम्‍बा येसु गालिल छेट्‌राङि खाप्‍माना निङ्‌ग्‍वा चोगुए॥ हिट्‌नुङ् फिलिप टुबुङ् उन्‍ङा हिट्‌ना लोडुए, “आङाना आएङ् आबा॥”

युहान्‍ना 12:26

कोइङा आङाना सेवा चोगुटु भोने हिट्‌नाङा आङा डोक् याङ्उरिक्‌याक् हिट्‌नुङ् आङा खोनि खोनि लिङा आङाना सेवा काचोक्‍बा चा हिट्‌नि लियुक्॥ कोइङा आङाना सेवा चोगुटु भोने पाबाङा हिट्‌ना मान् चोगुटु॥