लुका 5:26 - आठपहरिया

²⁶ हिट्‌नुङ् हिट्‌नि सोब्‍बे याप्‌मिचि डोङ् ओठोङ्‌डे हिट्‌नुङ् माङ्‌हाङ्‌ङाना ठेना ओबोल् उनिसुङ् उकिट्‌टे॥ हिट्‌नुङ् हिट्‌नागाँ माङ्‌हाङ्‌ङाना उनिङ् चोन्‍सा ओमाट्‌टुए, “हाट्‌ले आन्‍याँ डोङ् ठोङ्‌डिना टोॽवा निसुम्‍मे॥”

लुका 5:26 ပူးပေါင်းရင်းမြစ်များ

मात्‌ति 12:23

ना उनिसुङ् सोब्‍बे याप्‌मिचि डोङ् ओठोङ्‌डाउङ् नाट्‌डे पिक्‍सा ओमाट्‌टुए, “पाक् ना दाउद पुङ्‌लाङिना याप्‌मि डोक् इ टे?”

मात्‌ति 28:8

हिट्‌नुङ् हिट्‌नागा मेन्‍झेमाचि उकिट्‌टे चा हिट्‌नुङ् आड्‌डिक् हारका चा उलिसे॥ हिट्‌नुङ् हिट्‌ना बेला डोक् हिट्‌नागा ओहुम्‍पालाम्‍मा ओहोन्‍डाउङ् ओचेलाचि खाबोर लोमा उपिन्‍डे॥

मात्‌ति 9:8

ना डोङ् ठोङ्‌डिना टोॽवा याप्‌मिचिगा खिमेयाङ्‌मेङा उनिसुङ् हिट्‌नागा उकिट्‌टे, हिट्‌नुङ् याप्‌मिचिलोङ्‌सा नाड्‌डेना आधिकार कापिबा माङ्‌हाङ्‌ङाना उनिङ् ओचोन्‍डुए॥

मारकुस 2:12

हिट्‌नुङ् हिट्‌ना याप्‌मि कोबे, हिट्‌नुङ् हिट्‌ना बेला डोक् ओडोलेन्‍चा खुयुङ् सोब्‍बे याप्‌मिचिगा टोकानालाम्‍मा खाडालेट्‌टे॥ हिट्‌निगा सोब्‍बे याप्‌मिचि डोङ् ओठोङ्‌डे हिट्‌नुङ् “नाड्‌डेना टोॽवाउम् आन्‍याँ खोना बेला चा निनेएट्‌निम्‍मा” पिक्‍सा माङ्‌हाङ्‌ङाना उनिङ् ओचोन्‍डुए॥

लुका 1:65

नागा सोब्‍बे रिङ्‌चि लिसानाङा सोब्‍बे ओटाक्‍लुङ्‌चि डोङ् ओठोङ्‌डे हिट्‌नुङ् आड्‌डिक् टुक्‍लोक् उकिट्‌टे॥ हिट्‌नुङ् ना रिङ् याहुदिया छेट्‌राङाना युक्‍ताम् टेप् छिन्‍डे॥

लुका 5:8

हिट्‌नुङ् ना रिङ् निसुङ् येसुङा ओटाकानाङि गुङ् चोगाउङ् सिमोन पाटरुसङा लोडुए, “आडाङ्‌बा, आङा ओचाफेन्‍ना टोॽवा काचोक् याप्‌मि, आङालाम्‍मा खाडायेट्‌टा॥”

लुका 7:16

हिट्‌नि सोब्‍बे याप्‌मिचि उकिट्‌टे हिट्‌नुङ् माङ्‌हाङ्‌ङाना उनिङ् चोन्‍सा नाड्‌डे उपिगे, “आनि माझै चा ठेना ठिबाङ् माङ्‌काटा टाइसे॥” हिट्‌नुङ् फेरि चा उपिगे, “माङ्‌हाङ् आप्‍पे ओयाप्‌मिचि घुवार फासिङा टाइसे॥”

लुका 8:37

हिट्‌नुङ्‌ना हिट्‌ना गेरासेनास छेट्‌राङाना याम्‍बा-नायाम्‍बा सोब्‍बे युक्‍टाम्‌ङिगा याप्‌मिचि आड्‌डिक् टुक्‍लोक् उकिट्‌टे हिट्‌नुङ् हिट्‌नागाँ आन्‍याँ युक्‍टाम्‌लाम्‍मा खाडायेट्‌टा पिक्‍सा येसु स्‍या ओचोगुए॥ हिड्‌डेउङ् येसु हिट्‌नालाम्‍मा नाउङि ठाङाउङ् नोक्‍टा खाडे॥

मुलिचेला टोॽवा 4:21

हाट्‌ले याहुदि ओठेडोङ्‌चिङा पाक् साजाए पिमाचिगा उन्‌चि निङ्‌ग्‍वाङि डोक् उटिग्‍वाट्‌टुन्, पोङ्‌भोने ख्‍वाप्‍पा याप्‌मिचिङा हिट्‌नि लिसाना घाट्‌ना उनिसुङ् माङ्‌हाङ्‌ङाना उनिङ् ओचोन्‍डुएट्‌टुना॥ हिट्‌नुङ् हिट्‌नागाँ हिट्‌नागाचि इप्‍पाङ् मुलिचेलाचि हाट्‌ले नुङ् नाड्‌डे चोक्‍नेनिन् पिक्‍सा ओलेडुचे॥

गालाति 1:24

हिट्‌नाड्‌डेउङ् हिट्‌नागाँ आङा चोगुङ्‌नाँ माङ्‌हाङ् उनिङ् टो-टो ओचोन्‍डुए॥