लुका 5:10 - आठपहरिया

¹⁰ हिट्‌नुङ् सिमोनलोक् एक्‍केउ टोॽवा काचोक् जाब्‌दियाङा उइछाचि याकुब हिट्‌नुङ् युहान्‍ना चा डोङ् ठोङ्‌डैसाचिगा॥ येसुङा सिमोन पाटरुस लोडुए, “खान् किट्‌नेन्, हाट्‌लेउङ् खान्‍ङा ङासा माखाक्, याप्‌मिचि आलाबुचिउङ् आङा सोरि आटाडुचिचि॥”

लुका 5:10 ပူးပေါင်းရင်းမြစ်များ

मात्‌ति 13:47

“फेरि चा टोनालोग्‌ङिना मुलुक् टे पोखारिङि लेप्‍बालाक् ठिक् चेल्‍ले गाड्‌डेना चा ए॥ हिट्‌नि सोब्‍बे पारिक्‍गा ङासाचि ओठायुक्॥

मात्‌ति 14:27

टरो येसुङा हिट्‌ना बेला डोक् हिट्‌नागा नाड्‌डे लोडुचे, “आँटि लिसानि, आङा डोक्, किट्‌नेनिन्॥”

मात्‌ति 20:20

हिट्‌नुङ् जाब्‌दियाङाना इप्‍पाङ् उइछाचि उन्‌चि मामाङा येसु सोरि आब्‍टुचिउङ् उटुम्‍बुट् येप्‍टुङ् उन्‌ङि बिन्‌टि ठाङ्‌सुए॥

मात्‌ति 4:19

येसुङा हिट्‌नागाचि लोडुचे, “आङालोक् लाहाब् लिसाचि, हिट्‌नुङ् खान्‌चिङा ङासा आलाब्‍चुङ् आटाच्‍चु गाड्‌डे डोक् खोड्‌डे पारिक् याप्‌मिचि आङि टाप्‍माचिगा हिट्‌ना रिङ् हिसिक्‍नाँचि॥”

मात्‌ति 4:21

हिट्‌नुङ् हिट्‌नालाम्‍मा ओखाडागेट्‌टाना बेला उन्‍ङा जाब्‌दियाङाना इप्‍पाङ् उइछाचि याकुब लोक् उन्‍झा युहान्‍ना टुबुचे॥ हिट्‌नागाचि उन्‌चि पाबा जाब्‌दियालोक् नाउङि युङाचिउङ् चेल्‍ले फुएट्‌टाचुगा, येसुङा हिट्‌नागाचि चा छेम्‍डुचे॥

मारकुस 1:17

हिट्‌नुङ् येसुङा हिट्‌नागाचि लोडुचे, “आङालोक् लाहाब् लिसाचि, हिट्‌नुङ् खान्‌चिङा ङासा आलाब्‍चुङ् आटाच्‍चु गाड्‌डे डोक् खोड्‌डे पारिक् याप्‌मिचि आङि टाप्‍माचिगा हिट्‌ना रिङ् हिसिक्‍नाँचि॥”

लुका 5:7

हिट्‌नाडे लिसानाँ हिट्‌नागाँ आरको नाउङि ओवासागा उन्‌चि साइबाचि घुवार फासिङा उन्‌चि मुक् वान्‍सा ओछेम्‍डुचे॥ हिट्‌नागा ओआबाउङ् ङासा होप्‍मा ठालाँ ओचोगुए॥ ङासाङा इप्‍पोक् नाउचि डोक् इप्‍टाचिउङ् चुवाङि लुम्‍मा ठालाँ लिसे॥

लुका 5:9

पोङ्‌भोने आड्‌डिक् जोम् ङासाचि चेल्‍लेङि ओठायागा उनिसुचिनाँ सिमोन हिट्‌नुङ् ओसाइबाचि डोङ् ओठोङ्‌डे॥

लुका 6:14

नाड्‌डे पारिक् सेग्‍बालाक्‌चि बारो जाना नागा डोक्– सिमोन (उन् पाटरुस चा ओलोडुए), हिट्‌नुङ् उन्‍झा आन्‍दरियास, याकुब, युहान्‍ना, फिलिप, बारथोलोमाइ,

युहान्‍ना 21:2

हिट्‌नि सिमोन पाटरुस, दिदुमास ओलोडुना थोमा, गालिलङाना कानालाम्‍मा आबाना नाथानेल, जाब्‌दियाङाना इप्‍पाङ् उइछाचि हिट्‌नुङ् आरु इप्‍पाङ् येसुङा ओचेलाचि एक्‍केउ ओडागा॥

मुलिचेला टोॽवा 2:4

हिट्‌नुङ् हिट्‌नागा सेङ्‌सेङ्‌ना हाङ्‌साङा इप्‍टुचे हिट्‌नुङ् सेङ्‌सेङ्‌ना हाङ्‌साङा पिडुचि गाड्‌डे हिट्‌नागाँ आरु रिङ्‌ङि चेक्‍मा ठालाँ ओचोगुए॥

२ कोरिन्‌थि 8:23

तितासउम्‍बाक् आसाइबा ए हिट्‌नुङ् खानि घुवार फामा आङालोक् एक्‍केउ टोॽवा चोक्‍ना याप्‌मि ए॥ हिट्‌नुङ् उन्‌लोक् ओआब्‌युगेट्‌गा आरु झान्‍झाचिम्‍बाक् माङ्‌पाङ्‌ङिगाँ ओपाङ्‌सुचिगा खाबोर कालोचि ए॥ हिट्‌नागा झान्‍झाचिङा खिरिस्‍टङाना माहिमा ओचोगुटु॥

२ तिमोथि 2:26

हिट्‌डेउङ् हिट्‌नागाँगा उन्‌चि ठोना नोक्‌युङ् सैतानङाना वारिक्‌लाम्‍मा होम्‍मा उहियुक्॥ पोङ्‌भोने सैतानङा उनिङ्‌ग्‍वा गाड्‌डे चोक्‍मा हिट्‌नागा ओकाब्‍जाङि युङ्‌सुएसुचे॥