लुका 4:43 - आठपहरिया

⁴³ टरो उन्‍ङा हिट्‌नागा लोडुचे, “हाट्‌ले आङा आरु खालाङ्‌गाङि चा माङ्‌हाङ् उमुलुक्‌ङाना ओचेट्‌नुना खाबोर खेम्‍मेप्‍माचि कोन्‌युक्, पोङ्‌भोने माङ्‌हाङ्‌ङा आङा ना टोॽवा चोग्‍मा लोङ्‌सा डोक् याङ्‌पाङ्‌साना॥”

लुका 4:43 ပူးပေါင်းရင်းမြစ်များ

मात्‌ति 4:23

येसुङा याहुदि छुम्‍मापाङ्‌ङि सिकाँ चोक्‍सा माङ्‌हाङ् उमुलुक् बारेङि नुना खाबोर पारचार चोक्‍सा सोब्‍बे पारिक्‍ङागा रोगा लाहाब् उलिसागा हिट्‌नुङ् उटुगागा याप्‌मिचि नुमानिङ् चोगुचिउङ् गालिल छेट्‌रा टेप् लिन्‍डुए॥

मारकुस 1:35

हान्‍डेङ्‌लेङ् भ्‍यानिक् व्‍हाङ् मिलिए डोक् येसु कोबाउङ् खुसुना डेन्‌ङि खाडे, हिट्‌नुङ् हिट्‌नि बिन्‌टि चोगे॥

युहान्‍ना 20:21

येसुङा फेरि हिट्‌नागा लोडुचे, “खानि बाबा चोक्‍नाँनि! आङा पाबाङा याङ्‌पाङ्‌सा गाड्‌डे डोक्, आङा चा खानि पाङ्‌नाँनि॥”

युहान्‍ना 9:4

लेम्‍बा व्‍हाङ् लिनाँ डोक् आङा याङ्‌कापाङ्‌बाङाना ओटोॽवा आनि चोक्‍मा कोन्‌युक्॥ जब नाम् कुयुक्, खोनाङा चा टोॽवा चोक्‍मा उहिडुन्‍ना॥

मुलिचेला टोॽवा 10:38

खानिङि ठाहा युङ्‌ग्‍वा, माङ्‌हाङ्‌ङा नासारातङिना येसु सेङ्‌सेङ्‌ना हाङ्‌सा हिट्‌नुङ् बोल्‍ङा आभिसेक चोगुए हिट्‌नुङ् उन्‍ङा नुना टोॽवा चोक्‍सा सैतानङा लिन्‍डुचिगा ख्‍वाप्‍पा नुमानिङ् चोक्‍सा सोब्‍बे डेन्‌लेङ् खाडे, पोङ्‌भोने माङ्‌हाङ् उन्‌लोक् सोरोक् वासाना॥

२ तिमोथि 4:2

माङ्‌हाङ् रिङ् पारचार चोगु, बेला लिचा लिनिचा पारचार चोक्‍मा टेयार लिसा, सोब्‍बे थोक्‌चि निङ्‌ग्‍वा रेक्‍टुङ् हिट्‌नुङ् हिसिक्‍टुचिउङ् साल्‍लाह पिडुचि, खेमा लाप्‍टुचि हिट्‌नुङ् आँट् पिडुचि॥