लुका 4:35 - आठपहरिया

³⁵ ना रिङ् खेम्‍सुङ् येसुङा हिट्‌ना टोंडेबा खेमा लाप्‍टुङ् लोडुए, “चेक्‍नेन्, हिट्‌नुङ् ना याप्‌मिलाम्‍मा होन्‍डाउङ् खाडालेट्‌टा॥” हिट्‌ना याप्‌मि ओचाफेन्‍ना रिमेट्‌ङा सोब्‍बे याप्‌मिचि टोकानाइ ठाम्‍सुङ् पोक्‍टुढोए, हिट्‌ना याप्‌मिउम्‍बाक् याम्‍बा-नायाम्‍बा ठाम्‍सुचा खोनाइ चा खेसिक् लिनेट्‌नि॥

लुका 4:35 ပူးပေါင်းရင်းမြစ်များ

मात्‌ति 17:18

येसुङा हिट्‌ना टोम्‍गाचिगा खेमा लाप्‍टुए हिट्‌नुङ् हिट्‌ना होन्‍डाउङ् खाडे॥ हिट्‌नुङ् हिट्‌ना पिच्‍छा हिट्‌ना बेला डोक् नुमानिङ् लिसे॥

मात्‌ति 8:26

हिट्‌नुङ् येसुङा ओचेलाचि लोडुचे, “पोङ् खानि आकिट्‌टिटिगा? खोलो खानि बिस्‍वास खोनि खाडेना?” येसु कोबाउङ् हुन्‍डारि हिट्‌नुङ् चुवा ओभेट्‌लेॽवा खेमा लाप्‍टुए, हिट्‌नुङ् हुन्‍डारि लोक् चुवा ओभोट्‌लेॽवा सिप्‍टाडे॥

मारकुस 1:26

हिट्‌नुङ् हिट्‌ना याप्‌मि फाङ् चोगुए हिट्‌नुङ् ठेना सोरा चोगुङ् राट्‌सा हिट्‌ना याप्‌मिलाम्‍मा होन्‍डाउङ् खाडे॥

मारकुस 4:39

येसु कोबाउङ् हुन्‍डारि खेमा लाप्‍टुए हिट्‌नुङ् चुवा ओभेट्‌लेॽवा “स्‍वाग्, सिप्‍टाडा” पिक्‍सा लोडुए, हिट्‌नुङ् हिट्‌ना बेला डोक् हुन्‍डारि लोक् चुवा ओभोट्‌लेॽवा सिप्‍टाडे॥

मारकुस 9:26

हिट्‌नुङ् हिट्‌ना ओचाफेन्‍ना रिमेट् टाराङ्-टाराङ् राट्‌सा हिट्‌ना पिच्‍छा आड्‌डिक् टुक्‍लोक् ओट्‌ठोक् चोगुङ् ठाम्‍सुङ् होन्‍डाउङ् खाडे, हिट्‌नुङ् हिट्‌ना पिच्‍छा फाङ् लिसाउङ् सिया गाड्‌डे डोक् लिसे॥ हिट्‌नुङ् इम्‍टेप्‍मा याप्‌मिचिङा पिच्‍छाम् सिएना रैछो नुङ् उमाट्‌टुए॥

लुका 11:22

टरो ना याप्‌मि नुङ्‌ना चा बोल्‍लेउ याप्‌मि टाए भोने, हिट्‌ना याप्‌मि मेट्‌टुसेडुटु हिट्‌नुङ् ओचेप्‍सा चा नाप्‍टुटु हिट्‌नुङ् उन्‌लोक् युङागा सोब्‍बे माक्‍फेन्‍सुबेन् नाप्‍टुङ् ओसाइबाचिलोक् हान्‍डुटु॥

लुका 4:23

हिट्‌नुङ् येसुङा लोडुचे, “छेम्‍बा डोक्, खानिङा आङा ना रिङ् आलोडिटिङा, ‘हाउ सिडापाङ्‌डा काचोक्‍बा, खान् पाइले आप्‍पे नुमानिङ् लिसा॥’ हिट्‌नुङ् ‘काफारनाहुम्‌ङि खान्‍ङा आचोगु गाड्‌डे डोक् ना कायुक्‍ताम्‌ङि चा निङ्‌ग्‍वा मुन्‌निना टोॽवा चोगु॥’”

लुका 4:39

येसु सिमोन ओनाम्‍मा सोरि खाडाउङ् जोरो खेमा लाप्‍टुए हिट्‌नुङ् जोरोङा हिट्‌ना लेडुएट्‌टुए हिट्‌नुङ् हिट्‌ना बेला डोक् हिट्‌ना मेन्‍झेमा कोबाउङ् हिट्‌नागाँगा सेवा चोगुए॥

लुका 4:41

जोम् याप्‌मिचिलाम्‍मा ओचाफेन्‍ना रिमेट्‌चि चा राट्‌सा राट्‌सा नाड्‌डे पिक्‍सा ओहोन्‍डे, “खान्‌उम्‍टे माङ्‌हाङ् छा॥” टरो येसुङा हिट्‌नागा खेमा लाप्‍टुचिउङ् चेग्‍मा डोक् पिडुवाट्‌टुन्‌चिन्, पोङ्‌भोने उन्‌बाक् खिरिस्‍ट नुङ् हिट्‌नागाँ मिसेन् उनिसुएसुना॥

लुका 8:24

हिड्‌डे लिसानाँ ओचेलाचि उन् सोरि ओखाडाउङ् उन् फोग्‍सा ओलोडुए, “काहिसिक्‍बा, काहिसिक्‍बा, आनि चुवाङि लुमिउङ् सियि लाबिए॥” हिट्‌नुङ् येसु कोबाउङ् हिट्‌ना हुन्‍डारि हिट्‌नुङ् चुवा ओभेट्‌लेॽवा खेमा लाप्‍टुए॥ हिट्‌ना बेला डोक् हिट्‌ना हुन्‍डारि हिट्‌नुङ् चुवा ओभेट्‌लेॽवा सिप्‍टाडे॥

लुका 9:39

ना ठिक् ओचाफेम्‍मा रिमेट्‌ङा लाबुङ् याङ्‌छामा चाट्‌टुना हिट्‌नुङ् टुक्‍लोक् राट्‌ना हिट्‌नुङ् हिट्‌ना ठोट् मेट्‌टुना हिट्‌नुङ् ओयासिलाम्‍मा ठ्‌याबुज् होट्‌टुलोक् ठाम्‍सुना॥ हिट्‌ना ओचाफेम्‍मा रिमेट्‌ङा खेसिक् मिलिए सोम्‍मा नामा नाडुन्‍ना॥

लुका 9:42

उप्‍पाङा उइछा आप्‍टुगेट्‌टुलोक् ओचाफेन्‍ना रिमेट्‌ङा हिट्‌ना लाबुए हिट्‌नुङ् ठाम्‍सुङ् ठोट् चोगुए॥ टरो येसुङा हिट्‌ना ओचाफेम्‍मा रिमेट् खेमा लाप्‍टुए हिट्‌नुङ् नुमानिङ् चोगुङ् उप्‍पा पिडुए॥

पारकास 12:12

हिट्‌नाडेउङ् टोनालोग् लोक् हिट्‌नि कायुङ्‌बाचि, हारका लिसानि॥ टरो नारा लोक् सामुन्‍दराङि कायुङ्‌बाचि, इनामा खानिलाउङ्‌सा, सैतान खानि सोरि टाइसे॥ हिट्‌नुङ् हिट्‌नाङाना आड्‌डिक् ओयाग्‍लेडैसे, पोङ्‌भोने हिट्‌नाङा ओबेला खाट्‌टिप्‍मा एडोक् युङ्‌ग्‍वा नुङ् ठाहा टोगुएसुए॥”