लुका 4:22 - आठपहरिया

²² सोब्‍बे याप्‌मिचिङा उनिङ् ओचोन्‍डुए हिट्‌नुङ् येसुङा माट्‌टुना ओचेट्‌नुना रिङ् ओखेम्‍सुनाँ डोङ् ओठोङ्‌डे॥ हिट्‌नागा याप्‌मिचिङा उमाट्‌टुए, नाम्‍टे योसेफङा उइछा गोटे॥

लुका 4:22 ပူးပေါင်းရင်းမြစ်များ

लुका 2:47

हिट्‌नि उछुमागा याप्‌मिचिङा येसुङाना ओठोना उनिसुनाँ हिट्‌नुङ् उन्‍ङा माट्‌टुना रिङ् ओखेम्‍सुङ् ख्‍वाप्‍पा याप्‌मिचि डोङ् ओठोङ्‌डे॥

लुका 2:48

हिट्‌नुङ् उप्‍पा-उमाङा हिट्‌नि येसु निसाचुङ् उन्‌चि डोङ् ठोङ्‌डाचे॥ हिट्‌ना बेला मारियामङा सिलाप्‍टुए, “आइछा, आन्‍च्‍याँ पोङ् खान्‍ङा याङ्‌छामा याप्‌मि आचाट्‌टेना? पुयुबु, काप्‍पा हिट्‌नुङ् आङा खान् कोन्‍नालोक् कोन्‍नालोक् होगोप् लिसैसाचिङे॥”

लुका 21:15

पोङ्‌भोने आङा खानिलोङ्‌सा पाक् रिङ् माप्‍माना हिट्‌ना रिङ् हिट्‌नुङ् ठोना पिनाँनि, हिड्‌डेउङ् खानिगा खोना चा साट्‌टुरचिङा खानि मेप्‍मा माहिडिन्‍गा हिट्‌नुङ् खानि रिङ् खोक्‍मा डोक् उहिडुन्‍ना॥

लुका 4:21

येसुङा हिट्‌नागा लोडुचे, “धारमाछाप्‍लाङिना ना रिङ् हाट्‌ले खानिङा आखेम्‍सुम्‍गेट्‌टुम्‍लोक् नाहि सोब्‍बे युदैसे॥”

युहान्‍ना 1:45

हिट्‌नुङ्‌ना फिलिपङा नाथानेल टुबुङ् लोडुए, “जुन्‍ङाना बारेङि मोसाङा धारमाबिधिङि छेप्‍टुएसुना हिट्‌नुङ् माङ्‌काटाचिङा चा ओछेप्‍टुएसुना, उन् आन्‍याँ टुबुम्‍मे॥ हिट्‌नाउम् योसेफङा उइछा नासारातङिना येसु गोलो रैछो॥”

युहान्‍ना 6:42

हिट्‌नागाँ ओमाट्‌टुए, “पाक् ना योसेफङाना उइछा, येसु माखाइ टे? नाङाना उप्‍पा लोक् उमा आनि मिसेन् निसुम्‌चिम्‍गा टे॥ हाट्‌ले नाङा खोड्‌डेउङ् ‘आङा टोनालोग्‌लाम्‍मा उङ्‌साङ्‌ना’ पिक्‌युग्‍ना?”

युहान्‍ना 7:46

हिट्‌नागा टिलिङ्‌गाचिङा ओलोडुए, “ना याप्‌मि गाड्‌डे खोना याप्‌मि चा ओचेक्‍टागा आन्‍याँ खेम्‍नेएट्‌निम्‍मा॥”

मुलिचेला टोॽवा 6:10

टरो इस्‌तिफानासङा सेङ्‌सेङ्‌ना हाङ्‌सालाम्‍मा बोल् हिट्‌नुङ् ठोना टोगुङ् चेक्‍टानाँ हिट्‌नागा उन्‍ङाना बिरुद्‌दाङि चेक्‍मा उहिनेट्‌नि॥

तितास 2:8

खान्‍ङा छेम्‍बाना रिङ् हिसिक्‍टुचि, हिट्‌डेउङ् खान् याप्‌मिचिङा पाक्‍चा लोमा माहिनिना॥ हिट्‌डेउङ् आनि एङ्‌फुट्‌ङि ओकोब्‍गा याप्‌मिचि आनि लोङ्‌सा ओचाफेन्‍ना रिङ् लोमाना पाक्‍चा लिनिउङ् हिट्‌नागा आप्‍पे घान्‌ङि ओठायुक्॥