लुका 24:41 - आठपहरिया

⁴¹ हिट्‌नागा चेलाचिगा आड्‌डिक् टुक्‍लोक् उन्‌चि चाप् टाए, हिट्‌नुङ् डोङ् ओठोङ्‌डाउङ् ना रिङ् छेम्‍बा इ माङ्‌जोना इ नुङ् बिस्‍वास डोक् चोक्‍मा उहिडुवाट्‌टुन्॥ हिट्‌डेउङ् येसुङा हिट्‌नागा लोडुचे, “पाक् खानिलोक् नाहि चामासिङ्‌जेम् युङ्‌ग्‍वानि?”

लुका 24:41 ပူးပေါင်းရင်းမြစ်များ

मारकुस 16:11

हिट्‌नुङ् हिट्‌नाँ येसु सियानालाम्‍मा उहिङ्‌ग्‍वाट् लिसाउङ् कोबाना रिङ् हिट्‌नुङ् उन्‌ङि ठेट्‌टाना रिङ् हिट्‌नागा लोडुचे, टरो हिट्‌नागाँ बिस्‍वास डोक् ओचोग्‍वाट्‌टुन्॥

मारकुस 16:13

हिट्‌नुङ् हिट्‌नागाचि चा नोक्‍टा खाडाचिउङ् उन्‌चिङा निसाचुगा रिङ् आरु लोडाचुए, टरो हिट्‌नागाँ बिस्‍वास डोक् ओचोग्‍वाट्‌टुन्॥

मारकुस 16:14

हिट्‌नुङ्‌ना एघार ओचेलाचिङा चामा-ठुङ्‌मा चोक्‍मा उयुङैसागा बेला येसु हिट्‌नागा सोरि ठेट्‌टे॥ हिट्‌नुङ् येसुङा हिट्‌नागाँगा आबिस्‍वास हिट्‌नुङ् उन्‌चि निङ्‌ग्‍वा उटुम्‍सुना निसुङ् हिट्‌नागा खेमा लाप्‍टुचे, पोङ्‌भोने हिट्‌नागाँ उन् उहिङ्‌ग्‍वाट् लिसाउङ् कोबाना उनिसुगा याप्‌मिचिगा रिङ् बिस्‍वास ओचोग्‍वाट्‌टुन्॥

मारकुस 8:7

हिट्‌नागालोक् आम्‍टेप्‍मा खाटिटिउगा ङासाचि चा ओडागा, हिट्‌नुङ् येसुङा ङासा चा माङ्‌हाङ्‌ङि पोए-पोए ठाङ्‌सुङ् ओचेलाचि हाम्‍मा लोङ्‌सा पिडुचे॥

लुका 24:11

टरो मुलिचेलाचिङा खानि खेरोक् आपिगेट्‌टि पिक्‍सा हिट्‌नागा मेन्‍झेमाचिगा रिङ् बिस्‍वास ओचोग्‍वाट्‌टुन्॥

लुका 24:40

हिट्‌डे लोडुचिउङ् येसुङा हिट्‌नागा उमुक् लोक् ओलाङ् निमेट्‌टुचे॥

लुका 24:42

हिट्‌नुङ् हिट्‌नागाँ ठुक्‍बालाक् ठिक् ङासा ओखान्‍डा उपिडुए॥

युहान्‍ना 16:22

नाड्‌डेडोक् ना बेला खानि याङ्आछाडिइसिए, टरो आङा फेरि खानि टुब्‌सिङा टाङा, हिट्‌नुङ् खानि निङ्‌ग्‍वा हारका लियुक्॥ हिट्‌नुङ् साङा चा खानिना हारका नाप्‍मा उहिडुन्‍ना॥

युहान्‍ना 21:5

येसुङा हिट्‌नागा लोडुचे, “हाउ साइबाचि, खानिङा ङासाचि आलाबुम्‌चिम्‍मेगि?” हिट्‌नागाँ ओलोडुए, “माइना॥”

मुलिचेला टोॽवा 12:14

हिट्‌नाँ पाटरुसङाना ओसोरा मिसेन् निसुए हिट्‌नुङ् ओचाप् टायाउङ् ढुवारिक् मिओङ्‌ङे भिट्‌रा पिन्‍सा खाडे, हिट्‌नुङ् “पाटरुस भारा आबाउङ् ढुवारिक्‌ङि येबैसे” पिक्‍सा लोडुचे॥