लुका 24:30 - आठपहरिया

³⁰ येसु चा हिट्‌नागाचिलोक् चामा चासिङा युङे, हिट्‌नुङ् उन्‍ङा चालेपा कोबुउङ् माङ्‌हाङ् पोए-पोए चोगुए हिट्‌नुङ् चालेपा एगुङ् हिट्‌नागाचि पिडुचे॥

लुका 24:30 ပူးပေါင်းရင်းမြစ်များ

मात्‌ति 14:19

हिट्‌नुङ् येसुङा खिमेयाङ्‌मे याप्‌मिचि घाँसा उठुङ्‌ङि युङानि पिक्‍सा लोडुचे॥ हिट्‌नुङ् उन्‍ङा लेम्‍बोक् गोटा चालेपा लोक् इप्‍पोक् ङासा याङुङ् टोनालोग्‌लेङ् पुयुङ् चामागा थोक् माङ्‌हाङ्‌ङि पोए-पोए ठाङ्‌सुए॥ हिट्‌नुङ् चालेपा एगुङ् ओचेलाचि पिडुचे, हिट्‌नुङ् ओचेलाचिङा याप्‌मिचि ओहान्‍डुबिडुचे॥

मात्‌ति 15:36

हिट्‌नुङ्‌ना उन्‍ङा सि गोटा चालेपा लोक् ङासा कोबुङ् माङ्‌हाङ्‌ङि पोए-पोए ठाङ्‌सुए, हिट्‌नुङ् एगुङ् ओचेलाचि पिडुचे हिट्‌नुङ् ओचेलाचिङा याप्‌मिचि ओहान्‍डुबिडुचे॥

मात्‌ति 26:26

हिट्‌नागा चामा-ठुङ्‌मा ओचोगेट्‌टाना बेला येसुङा चालेपा कोबुङ् माङ्‌हाङ्‌ङि पोए-पोए ठाङ्‌सुङ् एगुए हिट्‌नुङ् ओचेलाचि पिडुचिउङ् लोडुचे, “ना टाक्‍टानुमुङ् चायानुम्, ना आयेम् ए॥”

मारकुस 14:22

हिट्‌नुङ् भातेर ओचेएट्‌टुना बेला येसुङा चालेपा कोबुङ् माङ्‌हाङ्‌ङि पोए-पोए ठाङ्‌सुङ् चालेपा एगुए हिट्‌नुङ् ओचेलाचि पिडुचिउङ् नाड्‌डे लोडुचे, “ना टाक्‍टानुमुङ् चायानुम्, ना आयेम् ए॥”

मारकुस 6:41

येसुङा लेम्‍बोक् गोटा चालेपा लोक् इप्‍पोक् ङासा याङुए हिट्‌नुङ् टोनालोग्‌लेङ् पुयुङ् माङ्‌हाङ्‌ङि आसिक् नाक्‍टुए, हिट्‌नुङ् हिट्‌ना चालेपा एगुङ् याप्‌मिचिलोङ्‌सा हान्‍डाबिडानुम्‌चि पिक्‍सा ओचेलाचि पिडुचे, हिट्‌नुङ् इप्‍पोक् ङासा चा सोब्‍बेलोङ्‌सा हान्‍डानुम् पिक्‍सा पिडुचे॥

मारकुस 8:6

हिट्‌नुङ् येसुङा याप्‌मिचि चाउरिङि युङ्‌सानुम्‌चि पिक्‍सा लोडुचे॥ हिट्‌नुङ् उन्‍ङा सि गोटा चालेपा कोबुङ् माङ्‌हाङ्‌ङि पोए-पोए ठाङ्‌सुङ् एगुए, हिट्‌नुङ् याप्‌मिचि हान्‍डाबिडानुम्‌चि नुङ् ओचेलाचि पिडुचे हिट्‌नुङ् हिट्‌नागाँ याप्‌मिचि ओहान्‍डुबिडुचे॥

लुका 22:19

हिट्‌नुङ् उन्‍ङा चालेपा कोबुए हिट्‌नुङ् माङ्‌हाङ्‌ङि पोए-पोए ठाङ्‌सुङ् एगुए, हिट्‌नुङ् ओचेलाचि नाड्‌डे लोडुचे, “ना चालेपा खानि लोङ्‌सा पिनानिगा आयेम् ए॥ ना आङा मिप्‍मा लोङ्‌सा चोगानुम्॥”

लुका 24:29

टरो हिट्‌नागाचि चेलाचिङा येसु लोडाचुए, “नाम्‍कुडा लाबे, हाट्‌ले आन्‍च्‍याँलोक् युङा॥” हिट्‌नुङ् येसु हिट्‌नागाचिलोक् बास हेन्‍ङा खाडे॥

लुका 24:35

हिट्‌नुङ् हिट्‌नागाचिङा चा खोड्‌डेउङ् लाम्‍बोङि येसु टुबाचुङ् उमुन्‍डुप्‍टागा हिट्‌नुङ् येसुङा चालेपा एगुनाँ एरोक् उन् मिसेन् निसाचुना रिङ् माट्‌टाचुए॥

लुका 9:16

हिट्‌नुङ्‌ना येसुङा लेम्‍बोक् चालेपा हिट्‌नुङ् इप्‍पोक् ङासा याङुए हिट्‌नुङ् टोनालोग्‌लेङ् पुयुङ् माङ्‌हाङ्‌ङि आसिक् नाक्‍टुए हिट्‌नुङ् ङासा लोक् चालेपा एगुङ् याप्‌मिचि हान्‍डाबिडानुम्‌चिम् पिक्‍सा ओचेलाचि पिडुचे॥

युहान्‍ना 6:11

येसुङा हिट्‌ना लेम्‍बोक् गोटा चालेप्‍पा कोबुङ् माङ्‌हाङ् पोए-पोए ठाङ्‌सुए, हिट्‌नुङ् हिट्‌नि उयुङागा याप्‌मिचि लोङ्‌सा ओचेलाचि हाम्‍मा मेट्‌टुचे, ङासा चा हिट्‌ना पारिक् डोक् हाम्‍मा मेट्‌टुचे॥ हिट्‌नुङ् याप्‌मिचिङा चामा उहिडुलोक् ओचोए॥

मुलिचेला टोॽवा 2:42

हिट्‌नुङ् हिट्‌नागा मुलिचेलाचिगा हिसिक्‍मा, साङ्‌गातिङि, चामा-ठुङ्‌माङि हिट्‌नुङ् बिन्‌टिङि सोरोक् लाहाब् उलिसे॥

मुलिचेला टोॽवा 2:46

हिट्‌नागा ठिक्‍ए निङ्‌ग्‍वा ओचोगुङ् लेम्‍बासेम्‍बा माङ्‌ठानाङि उछुमागा डागा, उन्‌चिगा पाङ्-पाङ्‌ङि माङ्‌खोइ ओचोगा डागा, हिट्‌नुङ् आनान्‍दा चोक्‍सा हिट्‌नुङ् हारका लिसा चामा-ठुङ्‌मा ओहान्‍डुजोए॥

मुलिचेला टोॽवा 27:35

नाट्‌टेप्‍मा लोडुचिउङ् उन्‍ङा चालेप्‍पा कोबुए, हिट्‌नुङ् सोब्‍बे सोरि माङ्‌हाङ्‌ङि पोए-पोए ठाङ्‌सुङ् चामा ठालाँ चोगुए॥