लुका 24:27 - आठपहरिया

²⁷ हिट्‌नुङ् येसुङा हिट्‌नागाचि मोसाङा छेप्‍टुना धारमाछाप्‍ला हिट्‌नुङ् माङ्‌काटाचि ख्‍वाप्‍पाङा ओछेप्‍टुना छाप्‍लाङि ओबारेङि छेप्‍बालाक् रिङ् पारचिन्‍दा माट्‌टुबिडुचे॥

लुका 24:27 ပူးပေါင်းရင်းမြစ်များ

मारकुस 4:34

उन् याप्‌मिचिलोक् चेक्‍टानाँ मुन्‍डुम्‌ङि एडोक् चेक्‍टे, टरो ओचेलाचि एडोक् उलिसागा बेला सोब्‍बे मुन्‍डुम्‌चिगा उटुप् उन्‍ङा माट्‌टुबिडुचिगा डागा॥

लुका 24:25

येसुङा हिट्‌नागाचि लोडुचे, “खानि खोड्‌डेगा याप्‌मिचि, खानिगा बुजा चोक्‍माना निङ्‌ग्‍वा आड्‌डिक् डोम्-डोम् लिसाइसे॥ माङ्‌काटाचिङा ओमाट्‌टुगा रिङ् चा बिस्‍वास चोक्‍मा आहिनिम्‍गेट्‌निम्॥

लुका 24:44

हिट्‌नुङ् हिट्‌नागा लोडुचे, “आङा खानिलोक् वासाङ्‌नाँ मोसाङा छेप्‍टुना धारमाबिधिङाना छाप्‍ला, माङ्‌काटाचिङा ओछेप्‍टुना छाप्‍ला हिट्‌नुङ् छाम्‍लोमा छाप्‍लाङि आङाना बारेङि छेप्‍टाना रिङ्‌चि ख्‍वाप्‍पा युयुक् पिक्‍सा आङा खानि लोनानिगा॥”

युहान्‍ना 1:45

हिट्‌नुङ्‌ना फिलिपङा नाथानेल टुबुङ् लोडुए, “जुन्‍ङाना बारेङि मोसाङा धारमाबिधिङि छेप्‍टुएसुना हिट्‌नुङ् माङ्‌काटाचिङा चा ओछेप्‍टुएसुना, उन् आन्‍याँ टुबुम्‍मे॥ हिट्‌नाउम् योसेफङा उइछा नासारातङिना येसु गोलो रैछो॥”

युहान्‍ना 12:41

यासैयाङा येसुङाना ठेना माहिमा लोक् हान्‍डेङ् लिना रिङ् निसुनाँ उन्‍ङा येसुङाना बारेङि नागा रिङ् माट्‌टुए॥

युहान्‍ना 5:37

आङा कापाङ्‌बा पाबा आप्‍पेङा आङाना बारेङि साँचि पिडुएसुए॥ खानिङा उन्‍ङाना ओसोरा खोना बेला चा आखेम्‌निम्‍गेट्‌निम्‍ना, हिट्‌नुङ् उन् खोना बेला चा आनिनिम्‍गेट्‌निम्‍ना॥

युहान्‍ना 5:39

खानिङा धारमाछाप्‍ला पोढाँ आचोगुम्‍गा, पोङ्‌भोने हिट्‌नि खोना बेला चा लाट्‌निना चोला टोगुम्‍टुम् नुङ् खानि आमिट्‌टिगा॥ हिट्‌ना धारमाछाप्‍लाङा डोक् आङाना बारेङि माट्‌टुटु॥

मुलिचेला टोॽवा 10:43

ख्‍वाप्‍पा माङ्‌काटाचिङा ओबारेङि नाड्‌डे ओमाट्‌टुए, ‘येसुङि बिस्‍वास काचोक्‍बा सोब्‍बेङा उनिङ्‌लाम्‍मा पापङाना माफ ओटोगुटु’॥”

मुलिचेला टोॽवा 3:18

टरो खिरिस्‍टङा याङ्‌छामा आङ्‌मा कोन्‌युक् नुङ् माङ्‌हाङ्‌ङा सोब्‍बे माङ्‌काटाचिलोक् माट्‌टुना रिङ् युडोसुए॥

मुलिचेला टोॽवा 3:22

मोसाङा चा नाड्‌डे माट्‌टुए, ‘माङ्‌हाङ् डाङ्‌बाङा आङा याङ्‌सेगि गाड्‌डे डोक् खानि आप्‍पे याप्‌मिचिलाम्‍मा ठिबाङ् माङ्‌काटा सेगुटु॥ उन्‍ङा माट्‌टुना ख्‍वाप्‍पा रिङ् खानिङा खेम्‍मा कोन्‌युक्॥

मुलिचेला टोॽवा 3:24

“हिट्‌नुङ् सामुएल माङ्‌काटा हिट्‌नुङ् ओएङ्‌स्‍वागा ख्‍वाप्‍पा माङ्‌काटाचिङा हाट्‌लेसेन्‍गा बारेङि डोक् ओमाट्‌टुए॥

मुलिचेला टोॽवा 7:37

“ना मोसाङा डोक् इस्‍राएलि याप्‌मिचि नाड्‌डे लोडुएसुचिगा, ‘माङ्‌हाङ्‌ङा आङा गाड्‌डेना माङ्‌काटा खानिगा आप्‍पे याप्‌मिचिलाम्‍मा खानि लोङ्‌सा ठिबाङ् माङ्‌काटा पाङ्‌सुटु॥’

मुलिचेला टोॽवा 8:35

हिड्‌डेउङ् फिलिपङा ना धारमाछाप्‍लाङाना ओखान्‍डालाम्‍मा उटुम् चोगुङ् येसुङाना बारेङि नुना खाबोर हिट्‌ना नापुङ्‌साक् खेम्‍मेट्‌टुए॥

पारकास 19:10

हिट्‌नुङ् हिट्‌ना माङ्‌हाङ् रिङ् काउग्‍बा माङ्‌ध्‍यान् चोक्‍मा लाउङ्‌सा ओटोकानाङि गुङ् चोगाङे, टरो हिट्‌नाङा आङा नाड्‌डे याङ्‌लोडे, “नाड्‌डे चोक्‍नेन्॥ आङाउम्‍टे खान् हिट्‌नुङ् बिस्‍वासि कासाइबाचि गाड्‌डे येसुङाना सेवा काचोक्‍बा एडोक् ए॥ खान्‍ङा माङ्‌हाङ् एडोक् माङ्‌ध्‍यान् चोक्‍मा कोन्‌युक्, पोङ्‌भोने छेम्‍बाना माङ्‌हाङ्‌लाम्‍माना रिङ् काचेक्‍बाङा एडोक् येसुङाना बारे आरु लोडुचिचि॥”