लुका 23:38 - आठपहरिया

³⁸ हिट्‌नुङ् “ना याहुदिचिना हाङ्‌बा ए” नुङ् सिङ् ओफाक्‍लेटाङि ओछेप्‍टुना येसु ओटेहेक् उठुइ खाप्‍चेङि ओखेङ्‌सुएसुना॥

लुका 23:38 ပူးပေါင်းရင်းမြစ်များ

मात्‌ति 2:2

हिट्‌नुङ् हिट्‌नागाँ नाड्‌डे पिक्‍सा ओमाट्‌टुए, “याहुदि याप्‌मिचिगा हाङ्‌बा लिसाउङ् पोङ्‌साना खोनाइ युङ्‌ग्‍वाना? पोङ्‌भोने आन्‍याँ उन् पोङ्‌साना रिङ्‌ङाना चिन्‍ना कापिबा चोक्‌चिङ्‌गे नाम् होम्‍मालेङ् निसुम्‍मे हिट्‌नुङ् उन् स्‍या मेट्‌सिङा आबिएसिङे॥”

मात्‌ति 27:11

येसु रोमि हाकिम ओटोकानाङि येबे, हिट्‌नुङ् हिट्‌नाङा येसु नाड्‌डे पिक्‍सा सिलाप्‍टुए, “पाक् खान् याहुदि याप्‌मिचिगा हाङ्‌बा इ?” येसुङा लोडुए, “खान्‍ङा डोक् हिड्‌डे आमाट्‌टुएट्‌टु॥”

मात्‌ति 27:37

“येसु, याहुदिचिगा हाङ्‌बा” पिक्‍सा छेप्‍बालाक् उन्‍ङाना बिरुद्‌दाङिना दोस पाट्‌रा ओखेङ्‌सुबिडुए॥

मारकुस 15:18

हिट्‌नुङ् हिट्‌नागाँ “याहुदिचिगा हाङ्‌बाङाना जाए” पिक्‍सा हिट्‌नागाँ उन् स्‍या मेट्‌मा ठालाँ ओचोगुए॥

मारकुस 15:26

हिट्‌नुङ् फाट्‌टुर लाहाब् ओचोगुङ् ओछेप्‍टुना चिट्‌ठिङि “याहुदिचिगा हाङ्‌बा” छेप्‍टाइसाना॥

मारकुस 15:32

हाउ इस्‍राएलि याप्‌मिचिगा हाङ्, खिरिस्‍ट खाप्‍चेलाम्‍मा ठाया उङ्‌सा, हिट्‌नुङ् आन्‍याँ हिट्‌ना निसुमुङ् बिस्‍वास चोगुम्‍टुम्‍मा॥” हिट्‌नुङ् उन्‌लोक् खाप्‍चेङि उछुडुचिगा याङ्‌काखुट्‌चिङा चा उन् खिजेक्‍पा ओचाट्‌टुए॥

लुका 23:3

हिट्‌नुङ् ना रिङ् खेम्‍सुङ् रोमि डाङ्‌बा पिलातासङा येसु सिलाप्‍टुए, “पाक् खान् याहुदि याप्‌मिचिगा हाङ्‌बा इ?” येसुङा लोडुए, “आए, खान्‍ङा आमाट्‌टु गाड्‌डे, आङा याहुदि याप्‌मिचिगा हाङ्‌बा डोक् ए॥”

युहान्‍ना 19:3

हिट्‌नुङ् उन् सोरि ओआबाउङ् ओलोडुए, “याहुदिचिगा हाङ्‌बा, लाउ बाबा ए!” हिट्‌नुङ् हिट्‌नागाँ ओनाभाक्‌ङि ओलेम्‍सुए॥