लुका 23:34 - आठपहरिया

³⁴ हिट्‌ना बेला येसु नाड्‌डे पिगे, “हाउ आप्‍पो, नागा माफ पिडुचि, पोङ्‌भोने नागा पाक् ओचोक्‌येट्‌गा हिट्‌ना ठाहा ओटोगुन्‍ना॥” हिट्‌नुङ् उपिङ्‌बाचिङा येसु ओलोट्‌लिङ् हाम्‍मा लोङ्‌सा चिट्‌ठा ओठेन्‍डुए॥

लुका 23:34 ပူးပေါင်းရင်းမြစ်များ

मात्‌ति 11:25

हिट्‌ना बेला येसुङा माट्‌टुए, “हाउ माङ्‌हाङ् आप्‍पा, टोनालोग् हिट्‌नुङ् नाराङिना टाङ्‌बा, आङा खान्‌ङि पोए-पोए ठाङ्‌सुङ्‌टुङ्, पोङ्‌भोने ओचाप्‍पाङ् याप्‌मिचि हिट्‌नुङ् जोम् ठोना उलिसागा याप्‌मिचिलाम्‍मा आठोबुङ् आयुङ्‌सुना नागा रिङ् खान्‍ङा पिच्‍छाचि गाड्‌डेगा याप्‌मिचि आनिमेट्‌टुचे॥

मात्‌ति 11:26

छेम्‍बा डोक् आप्‍पा, नाड्‌डे चोक्‍मा डोक् कानिङ्‌ग्‍वाङि नुलोक् आलोसे॥

मात्‌ति 5:44

टरो आङा खानि लोनाँनि, खानि साट्‌टुरचि माया चोगानुम्‌चिम्, हिट्‌नुङ् खानि निङ्‌ग्‍वा टुक्‍मेप्‍मा मामेट्‌टिगा लोङ्‌सा बिन्‌टि चोगाबिडानुम्‌चिम्॥

मारकुस 15:24

हिट्‌नागाँ येसु खाप्‍चेङि उछुडुए, हिट्‌नुङ् हिट्‌नागाँ ओलोट्‌लिङ् साक् साक् ओभागाङि ठायुक्‍ना हिट्‌ना लोङ्‌सा टिलिङ्‌गाचिङा चिठा ओठेन्‍डुए॥

लुका 22:42

“हाउ आप्‍पो, कानिङ्‌ग्‍वा आचोगुए भोने ना याङ्‌छामाङाना खोरे आङालाम्‍मा सोम्‍मा आहिडुटु, टरो आनिङ्‌ग्‍वा माखाक् कानिङ्‌ग्‍वा गाड्‌डे डोक् उलियाक्॥”

युहान्‍ना 17:9

“आङा हिट्‌नागा लोङ्‌सा बिन्‌टि चोगुङ्‌टुङ्, नाराङिगा सोब्‍बे याप्‌मिचि लाउङ्‌सा माखाक्, टरो खान्‍ङा आङा याङ्‌आपिडाङ्‌ना याप्‌मिचि लोङ्‌सा आङा बिन्‌टि चोगुङ्‌बिडुङ्‌चिङ्‌चिङ्, पोङ्‌भोने हिट्‌नागा खान्‍ङागा कायाप्‌मिचि ए॥

युहान्‍ना 19:11

येसुङा लोडुए, “खान् माङ्‌हाङ्‌ङा मापिनेट्‌नि भोने, आङा उठुङ्‌ङि खान्‍ङाना पाक्‍चा आधिकार लिनिना॥ हिड्‌नाड्‌डेउङ् आङा कामुक्‌ङि जिम्‍मा कापिबा याप्‌मि आझा जोम् पापङाना दोसि लियुक्॥”

मुलिचेला टोॽवा 16:28

टरो पावाल टुक्‍लोक् राट्‌टाउङ् नाड्‌डे लोडुए, “हाउ आडाङ्‌बा, हिट्‌डे चोक्‍नेन्, आन्‍याँ सोब्‍बे नेहि डोक् वासेट्‌टिङा॥”

मुलिचेला टोॽवा 3:17

“हाउ आम्‍भु-आन्‍झाचि, खानि हिट्‌नुङ् खानि सासाक्‌चिङा पाक् ओचोगुएना हिट्‌ना ठाहा मिटोक्‍ङे येसु आसेडुम्‍ना रिङ् आङा ठाहा टोगुएसुङ्‌ङे॥

मुलिचेला टोॽवा 7:60

हिट्‌नुङ् उन् उटुम्‍बुट्‌ङि युङाउङ् ठेना रिङ्‌ङि नाड्‌डे पिगे, “हाउ टाङ्‌बा, ना पापङाना साजाए नागा पिडुन्‌चिन्॥” नाड्‌डे माट्‌टुङ् ओसोक्‍मा खाडे॥

रोमि 12:14

खानि याङ्‌छामा माचाट्‌टिगा याप्‌मिचि साराप माखाक्, आसिक् पिडानुम्‌चिम्॥

१ कोरिन्‌थि 2:8

ना नाराङि सासान् काचोक्‍बाचि खोनाँ चा ना ठोबाना योजाना बुजा ओचोग्‍वाट्‌टुन्॥ हिट्‌नागाँ ना रिङ् बुजा ओचोगुनाबे आनिना माङ्‌ठेना टाङ्‌बा खाप्‍चेङि उछुड्‌वाट्‌टुन् बे॥

१ कोरिन्‌थि 4:12

हिट्‌नुङ् चामा-ठुङ्‌मा लोङ्‌सा आन्‍याँ आप्‍पे मुक्‍ङा टोॽवा चोगुम्‍टुम्‍मा॥ आरुङा साराप ओयाङ्‌नाँ हिट्‌नागा आसिक् पिडुम्‌चिम्‍मागा॥ याप्‌मिचिङा ओचाफेन्‍लोक् चाट्‌ला याप्‌मि ओमेट्‌नाँ आन्‍याँ आङ्‌डुम्‍टुम्‍मा॥

१ तिमोथि 1:13

हिट्‌नुङ् चा आङा उन् खिसि चोगुङे, बिस्‍वासिचि याङ्‌छामा हिट्‌नुङ् ओचाफेन्‍लोक् मेट्‌टुङ्‌चिङे, नागा ख्‍वाप्‍पा थोक् आङा ठाहा मिटोक्‍ङे हिट्‌नुङ् बिस्‍वास माले चोगुङ्‌नाँ आङा मायादाया टोगुङे॥

१ पाटरुस 3:9

कोइङा खानि ओचाफेम्‍मा माचोगिए भोने हिट्‌ना ओचाफेम्‍मा मेट्‌नेनुम्, हिट्‌नुङ् साराप याङुए भोने चा सारापें चोक्‍नेनुम्॥ टरो हिट्‌ना ओसाट्‌टोङि आसिक् पिडानुम्‌चिम्, पोङ्‌भोने माङ्‌हाङ्‌ङा ना लाउङ्‌सा डोक् खानि माछेम्‌डिगा॥ हिट्‌नुङ् खानिङा उन्‌लाम्‍मा आसिक् टोगानुम्॥