लुका 23:19 - आठपहरिया

¹⁹ बाराब्‍बाम्‍बाक् यरुसलेम खालाङ्‌गाङिना सारकार बिरुद्‌दाङि कोबाना हिट्‌नुङ् याप्‌मिचि सेडुचिगा रिङ्‌ङि खाम्‍बाङ्‌ङि ओछाक्‍टुएसुना॥

लुका 23:19 ပူးပေါင်းရင်းမြစ်များ

मारकुस 15:7

हिट्‌ना बेला बारब्‍बा निङ् लिसाना ठिबाङ् याप्‌मि खाम्‍बाङ्‌ङि ठाइसाना॥ हिट्‌नाँ आरु याप्‌मिचिलोक् टोङाउङ् आन्‍दोलान्‌ङि याप्‌मिचि चा सेडुएसुचिगा॥

लुका 23:18

टरो सोब्‍बे याप्‌मिचि ठिक्‍ए उलिसाउङ् ओराट्‌टे, “ना याप्‌मिम्‍बाक् सेप्‍मा डोक् कोन्‌युक्, हिट्‌नुङ् आन्‍याँ लोङ्‌सा बारब्‍बा याप्‌मिलेडाबिडा॥”

लुका 23:2

हिट्‌नुङ् हिट्‌नागाँ पिलातास सोरि नाड्‌डे पिक्‍सा येसु फाट्‌टुर लाब्‍मा ठालाँ ओचोगुए, “ना याप्‌मिङा ‘आङा खिरिस्‍ट, ठिबाङ् हाङ्‌बा पिक्‍ना’ हिट्‌नुङ् ‘रोमि सारकारलोङ्‌सा तिरो हुङ्‌मा कोन्‌निना’ पिक्‍सा आनि देसङिगा याप्‌मिचि बान्‍डुएट्‌टुचिगा आन्‍याँ टुबुमे॥”

लुका 23:20

पिलातासङा येसु लेप्‍माना निङ्‌ग्‍वा चोगुना रिङ् फेरि हिट्‌नागा सोरि माट्‌टुए॥

लुका 23:5

टरो हिट्‌नागा नाड्‌डे पिक्‍सा टुक्‍लोक् ओराट्‌टे, “ना याप्‌मिङा गालिल छेट्‌रालाम्‍मा उटुम् चोगुङ् नेहि यरुसलेम सोम्‍मा ख्‍वाप्‍पा याहुदिया छेट्‌राङिगा याप्‌मिचिङि उरिङ् हिसिक्‍टुचिउङ् याप्‌मिचि मुसिप्‍पा चाट्‌टुएट्‌टुचि॥”

मुलिचेला टोॽवा 21:38

पाक् खान् इम्‍टेप्‍मा बारखा पाइले सारकार बिरुद्‌दाङि आकोबाना मिस्‌रि याप्‌मि इ? हिट्‌नाँ टेम्‍बोक् हाजार याप्‌मिचि साक्‍चा उयुङ्‌निना डेन्‌ङि सारकारङाना बिरोध काचोक्‌चि लाम्‍बेट्‌टुचे॥”

मुलिचेला टोॽवा 3:14

खानिङा सेङ्‌सेङ्‌ना हिट्‌नुङ् धारमोति याप्‌मिङाना ओसाट्‌टो याप्‌मि कासेट् ‘आन्‍याँलोङ्‌सा याप्‌मिलेडाबिडा’ पिक्‍सा आलोडुमे॥