62 हिट्नुङ् पाटरुस भारा होन्डाउङ् टुक्लोक् हाबे॥
हिट्नुङ् “कोक्साबा ओक्मा नुङ्ना पाइले खान्ङा आङा सुम्बोक् खेप् सोम्मा इन्कार याङ्आचोक्ङा” पिक्सा येसुङा लोडुना रिङ् पाटरुसङा मिट्टुए॥ हिट्नुङ् उन् भारा होन्डाउङ् आड्डिक् टुक्लोक् हाबे॥
ना बेला सानिङ्ग्वा ओलोगा लोङ्सा माङ्हाङ्ङा आसिक् पिडुचिचि, पोङ्भोने उन्ङा हिट्नागाँगा उन्चि निङ्ग्वाङि हाङ्हाङ् चोगुचिचि॥
हिट्नुङ् हिट्ना बेला डोक् आरको खेप् कोक्साबा ओक्टे, हिट्नुङ् “इप्पोक् खेप् कोक्साबा ओक्मा नुङ्ना पाइले खान्ङा आङा सुम्बोक् खेप् सोम्मा इन्कार आचोक्ङा” पिक्सा येसुङा लोडुना रिङ् पाटरुसङा मिट्टुङ् पाटरुस टुक्लोक् हाबे॥
हिट्नुङ् येसु पाटरुसलेङ् नोक्टाउङ् उन् पुयुए॥ “हान्डेङ् भ्यानिक् कोक्साबा ओक्मा नुङ्ना पाइले खान्ङा आङा सुम्बोक् खेप् सोम्मा इन्कार याङ्आचोक्ङा” पिक्सा येसुङा लोडुना रिङ् पाटरुसङा मिट्टोए॥
येसु काकोबा माङ्ठानाङिगा टिलिङ्गाचिङा ओरेट्टुजोए हिट्नुङ् ओलेम्सुए॥
नाड्डेउङ् कोइङा बिस्वासङि दोरो वाङेट्ङा नुङ् मिट्युक् भोने, हिट्ना पापङि ठामालाम्मा ओछेक्छेक् उलियाक्॥
