लुका 22:52 - आठपहरिया

⁵² हिट्‌नुङ् येसु लाब्‍मा ओआबागा गाडुवाडाङ्‌बाचि, माङ्‌ठाना काकोचिगा हाकिमचि हिट्‌नुङ् याहुदि ओठेडोङ्‌चि उन्‍ङा लोडुचे, “पाक् आङा याङ्‌काखुट्उङ् चेप्‍सा हिट्‌नुङ् लाहुरिक्‌लोक् लाब्‌सिङा आटैइसेगि?

लुका 22:52 ပူးပေါင်းရင်းမြစ်များ

मात्‌ति 26:47

येसु चेक्‍टेट्‌टाना बेला डोक् बारो जाना ओचेलाचि माड्‌डे ठिबाङ् याहुदा हिट्‌नि होन्‍डा टाए॥ हिट्‌नालोक् गाडुवाडाङ्‌बाचि हिट्‌नुङ् याप्‌मिचिगा ओठेडोङ्‌चिङा ओपाङ्‌सुचिगा जोम् याप्‌मिचिगा खिमेयाङ्‌मे चेप्‍सा हिट्‌नुङ् लाहुरिक् ओयाङुगा ओटाए॥

मात्‌ति 26:55

हिट्‌ना बेला येसुङा याप्‌मिचिगा खिमेयाङ्‌मे लोडुचे, “पाक् आङा याङ्‌काखुट्उङ् खानि लाहुरिक् हिट्‌नुङ् चेप्‍सा आयाङुमुङ् आङा लाब्‌सिङा आटैसेगि? आङा सोरोक् लेम्‍बा माङ्‌ठानाङि सिक्‍छे पिसा युङाङे, हिट्‌नुङ् खानिङा आङा आलाबेएट्‌टिन्‍ङा टे॥

लुका 22:37

आङा खानि लोनाँनि, धारमाछाप्‍लाङि ‘उन् आपाराधिचि गाड्‌डे डोक् चाट्‌ला ओमेट्‌टुएसुए’ पिक्‍सा छेप्‍टाना रिङ् आचोलाङि युमा डोक् कोन्‌युक्, पोङ्‌भोने छेम्‍बा डोक् आङाना बारेङि छेप्‍टाना रिङ् युसा खाट्‌युगेट्॥”

लुका 22:4

हिट्‌नुङ् ना याहुदा इस्‍कारियोत गाडुवाडाङ्‌बाचि हिट्‌नुङ् माङ्‌ठाना काकोबा हाकिमचिङि खाडाउङ् येसु लाब्‍मा ओचेट्‌नुना लाम्‍बो युङ्‌ग्‍वा पिक्‍सा रिङ्‌पान् चोगुए॥

लुका 22:51

टरो येसुङा हिट्‌नागा लोडुचे, “लिसे, चुङ्‌मा नाडानुम्॥” पिक्‍सा हिट्‌ना याप्‌मिङाना उनुभेक् खोट्‌टुङ् नुमानिङ् चोगुबिडुए॥

लुका 22:53

आङा सोरोक् लेम्‍बा माङ्‌ठानाङि खानिलोक् वासाङे, टरो पाक्‍चा चोक्‍मा आहिडेटिन्‍ङा॥ टरो सैतानङा सासान् चोगुना बेला ना डोक् ए, हिट्‌नुङ् खानिगा टोॽवा चोक्‍मा बेला टाए॥”

युहान्‍ना 17:12

आङा हिट्‌नागालोक् लिसाङ्‌नाँ खान्‍ङा आङा आपिडाङ्‌ना कानिङ्‌ङि हिट्‌नागा चोप्‌योक् युङ्‌सुङ्‌चिङे॥ हिट्‌नुङ् जाखाम् लिना छा माले आङा खोना चा जाखाम् लिमा पिनेट्‌निङ्‌चिङ्, पोङ्‌भोने धारमाछाप्‍लाङि छेप्‍टाना रिङ् युमा डोक् कोन्‍डाना डाना॥

मुलिचेला टोॽवा 5:26

हिट्‌नुङ् काप्‍तानङा उपिङ्‌बाचि खाट्‌टुचिउङ् मुलिचेलाचि पाक्‍चा मिचोक्‍ङे काचाहारि-कुन्‍डालङि आप्‍टुचे, पोङ्‌भोने याप्‌मिचिङा हिट्‌नागा लुङ्‌गेॽवाङा ओलेप्‍टु ओसेडुचिचि नुङ् उन् किट्‌टे॥