लुका 22:42 - आठपहरिया

⁴² “हाउ आप्‍पो, कानिङ्‌ग्‍वा आचोगुए भोने ना याङ्‌छामाङाना खोरे आङालाम्‍मा सोम्‍मा आहिडुटु, टरो आनिङ्‌ग्‍वा माखाक् कानिङ्‌ग्‍वा गाड्‌डे डोक् उलियाक्॥”

लुका 22:42 ပူးပေါင်းရင်းမြစ်များ

मात्‌ति 11:25

हिट्‌ना बेला येसुङा माट्‌टुए, “हाउ माङ्‌हाङ् आप्‍पा, टोनालोग् हिट्‌नुङ् नाराङिना टाङ्‌बा, आङा खान्‌ङि पोए-पोए ठाङ्‌सुङ्‌टुङ्, पोङ्‌भोने ओचाप्‍पाङ् याप्‌मिचि हिट्‌नुङ् जोम् ठोना उलिसागा याप्‌मिचिलाम्‍मा आठोबुङ् आयुङ्‌सुना नागा रिङ् खान्‍ङा पिच्‍छाचि गाड्‌डेगा याप्‌मिचि आनिमेट्‌टुचे॥

मात्‌ति 11:26

छेम्‍बा डोक् आप्‍पा, नाड्‌डे चोक्‍मा डोक् कानिङ्‌ग्‍वाङि नुलोक् आलोसे॥

मात्‌ति 20:22

टरो येसुङा हिट्‌नागा लोडुचे, “खानि पाक् आनाक्‍टेट्‌टिगा हिट्‌ना रिङ् खानिलाउङ्‌सा ठाहा वाइना॥ पाक् आङा ठुङुङ् लाबुङ्‌ना याङ्‌छामाङाना खोरे खानिङा ठुङ्‌मा आहिडुम्‍टुम्‌नि टे?” हिट्‌नागाँ “ठुङ्‌मा हिडुम्‍टुम्‍मा” पिक्‍सा ओलोडुए॥

मात्‌ति 26:39

हिट्‌नुङ् उन् चिपा याम्‍बा खाडाउङ् खाम्‌ङि गुङ् चोगाउङ् नाड्‌डे पिक्‍सा बिन्‌टि चोगुए, “ए आप्‍पा, लिमा हियुक् भोने, ना याङ्‌छामाङाना खोरे आङालाम्‍मा याङ्‌होट्‌टाबिडा, टरो चा आनिङ्‌ग्‍वा गाड्‌डे माखाक्, टरो कानिङ्‌ग्‍वा गाड्‌डे डोक् उलियाक्॥”

मात्‌ति 26:42

फेरि येसु खाडाउङ् नाड्‌डे पिक्‍सा बिन्‌टि चोगे, “आप्‍पा, ना याङ्‌छामाङाना खोरे आङा मिठुङ्‌ङे लिनिना भोने, कानिङ्‌ग्‍वा डोक् पुरो उलियाक्॥”

मात्‌ति 26:44

हिट्‌डेउङ् उन्‍ङा हिट्‌नागा फेरि नाडुढोचिउङ् तेस्‍रो खेप् बिन्‌टि चोक्‍ङा खाडे, हिट्‌नुङ् उन्‍ङा हाले माट्‌टु गाड्‌डे डोक् बिन्‌टि चोगे॥

मात्‌ति 6:10

खान्‍ङाना कामुलुक् ओटायाक्, कानिङ्‌ग्‍वा टोनालोग्‌ङि पुरो लिसा गाड्‌डे ना नाराङि चा पुरो उलियाक्॥

मारकुस 14:36

उन्‍ङा नाड्‌डे माट्‌टुङ् बिन्‌टि चोगुए, “आब्‍बा, माङ्‌हाङ् पाबा, खान्‍ङा सोब्‍बे रिङ् चोक्‍मा आहिडुटु॥ ना याङ्‌छामाङाना खोरे आङालाम्‍मा याङ्‌होट्‌टाबिडा, टरो चा आनिङ्‌ग्‍वा माखाक्, कानिङ्‌ग्‍वा गाड्‌डे डोक् उलियाक्॥”

लुका 23:34

हिट्‌ना बेला येसु नाड्‌डे पिगे, “हाउ आप्‍पो, नागा माफ पिडुचि, पोङ्‌भोने नागा पाक् ओचोक्‌येट्‌गा हिट्‌ना ठाहा ओटोगुन्‍ना॥” हिट्‌नुङ् उपिङ्‌बाचिङा येसु ओलोट्‌लिङ् हाम्‍मा लोङ्‌सा चिट्‌ठा ओठेन्‍डुए॥

युहान्‍ना 18:11

टरो येसुङा पाटरुस लोडुए, “काचेप्‍सा उसुप्‌ङि युङ्‌सु॥ पाक् आङाना माङ्‌हाङ् पाबाङा आङा याङ्‌पिडाना हिट्‌ना याङ्‌छामाङाना खोरे आङा मिठुङ्‌मानि टे?”

युहान्‍ना 4:34

येसुङा हिट्‌नागा लोडुचे, “आङा कापाङ्‌बाङाना उनिङ्‌ग्‍वा गाड्‌डे चोक्‍मा, हिट्‌नुङ् ओटोॽवा चोक्‍मा हिमा डोक् आङाना चामाना थोक् ए॥

युहान्‍ना 5:30

“आङा आप्‍पेम्‍बाक् पाक्‍चा चोक्‍मा हिनिङ्‌ना॥ जे आङा खेम्‍सुङ्‌टुङ् हिट्‌ना पारा डोक् न्‍याए चोगुङ्‌टुङ्, हिट्‌नुङ् आङा चोगुङ्‌ना न्‍याएम्‍बाक् छेम्‍बाना, पोङ्‌भोने आङा आप्‍पे आनिङ्‌ग्‍वा गाड्‌डे पाक्‍चा चोक्‌निङ्‌ना, टरो आङा कापाङ्‌बाङाना उनिङ्‌ग्‍वा गाड्‌डे एरोक् चोगुङ्‌टुङ्॥

युहान्‍ना 6:38

पोङ्‌भोने आङा आप्‍पे आनिङ्‌ग्‍वाङिना रिङ् युमा टोनालोग्‌लाम्‍मा उङ्‌साङ्‌ना माखाक्, टरो आङा याङ्‌पाङ्‌साना माङ्‌हाङ्‌ङाना उनिङ्‌ग्‍वा युमाउङ्‌सा उङ्‌साङ्‌ना॥

मुलिचेला टोॽवा 21:14

आन्‍याँ पावालङाना उनिङ्‌ग्‍वा नोक्‍मा हिनिम्‍माना निसुमुङ् “टाङ्‌बाङाना उनिङ्‌ग्‍वा गाड्‌डे डोक् उलियाक्” पिक्‍सा मिचेक्‍ङे युङिङे॥