लुका 22:37 - आठपहरिया

³⁷ आङा खानि लोनाँनि, धारमाछाप्‍लाङि ‘उन् आपाराधिचि गाड्‌डे डोक् चाट्‌ला ओमेट्‌टुएसुए’ पिक्‍सा छेप्‍टाना रिङ् आचोलाङि युमा डोक् कोन्‌युक्, पोङ्‌भोने छेम्‍बा डोक् आङाना बारेङि छेप्‍टाना रिङ् युसा खाट्‌युगेट्॥”

लुका 22:37 ပူးပေါင်းရင်းမြစ်များ

मारकुस 15:27

हिट्‌नागाँ येसुलोक् इप्‍पाङ् याङ्‌काखुट्‌चिङि ठिबाङ् उछुप्‍टाङ्‌लेङ् हिट्‌नुङ् आरकोम्‍बाक् ओफेङ्‌साङ्‌लेङ् ओचोगुचिउङ् खाप्‍चेङि उछुडुचे॥

मारकुस 15:28

[“उन् आपाराधिचिलोक् ओङेडुए” पिक्‍सा धारमाछाप्‍लाङि छेप्‍टाना रिङ् युडे॥]

लुका 18:31

येसुङा ओचेलाचि आरकोलेङ् खाट्‌टुचिउङ् लोडुचे, “नाहि खेम्‍सानुम्, आनि यरुसलेमलेङ् खाडिगेट्‌टि॥ माङ्‌काटाचिङा याप्‌मि छाङाना बारेङि ओछेप्‍टुना ख्‍वाप्‍पा रिङ्‌चि हिट्‌नि युयुग्॥

लुका 22:22

हाट्‌ले याप्‌मि छा माङ्‌हाङ्‌ङा निङ्‌ग्‍वा चोगुना गाड्‌डे सिमा खाप्‍मा डोक् कोन्‌युक्, टरो धोका कापिबा लोङ्‌सा माङ्‌हाङ्‌ङा टुक्‍लोक् साजाए पिडुटु॥”

लुका 22:36

येसुङा हिट्‌नागा लोडुचे, “हाट्‌लेम्‍बाक् ओफाबा लोक्‍गाँ ओफाबा खुयानुम्, जाप्‍रामा युङ्‌ग्‍वा भोने जाप्‍रामा खुयानुम् हिट्‌नुङ् चेप्‍सा वाइना भोने ओटाखुम्‌बि छोङ्‌सुङ् चा चेप्‍सा उइनुवाक्॥

लुका 22:52

हिट्‌नुङ् येसु लाब्‍मा ओआबागा गाडुवाडाङ्‌बाचि, माङ्‌ठाना काकोचिगा हाकिमचि हिट्‌नुङ् याहुदि ओठेडोङ्‌चि उन्‍ङा लोडुचे, “पाक् आङा याङ्‌काखुट्उङ् चेप्‍सा हिट्‌नुङ् लाहुरिक्‌लोक् लाब्‌सिङा आटैइसेगि?

लुका 23:32

हिट्‌नागाँ इप्‍पाङ् कासुप्‍पाचि चा येसुलोक् सेप्‍मा लोङ्‌सा ओखाट्‌टुचे॥

लुका 24:27

हिट्‌नुङ् येसुङा हिट्‌नागाचि मोसाङा छेप्‍टुना धारमाछाप्‍ला हिट्‌नुङ् माङ्‌काटाचि ख्‍वाप्‍पाङा ओछेप्‍टुना छाप्‍लाङि ओबारेङि छेप्‍बालाक् रिङ् पारचिन्‍दा माट्‌टुबिडुचे॥

युहान्‍ना 10:35

माङ्‌हाङ्‌ङा उन्‍ङाना खाबोर काटोक्‍बाचि उन्‍ङा ‘माङ्’ लोडुचे, हिट्‌नुङ् धारमाछाप्‍लाङि छेप्‍बालाक् रिङ् माङ्‌जोना लिनिना॥

युहान्‍ना 17:4

खान्‍ङा आङा जिम्‍मा आपिडाङ्‌ना टोॽवा हिट्‌ना युडुङुङ् आङा कानिङ् नाराङि टो-टो चोगुएसुङे॥

२ कोरिन्‌थि 5:21

पोङ्‌भोने आनिउम्‍टे खिरिस्‍टलाम्‍मा माङ्‌हाङ् ओटोकानाङि धारमोति उलिसियाक् नुङ् पाप डोक् चोगुन्‍गेट्‌टुन्‍ना खिरिस्‍ट माङ्‌हाङ्‌ङा आनि पाप लाउङ्‌सा भोक् ठाङ्‌मा मेट्‌टुए॥

गालाति 3:13

टरो खिरिस्‍टङा धारमाबिधिङाना सारापलाम्‍मा आनि छुट्‌कारा आपिडे॥ उन् खाप्‍चेङि छुडानाँ, उन्‍ङा आप्‍पे आनिना फाट्‌टुर लाउङ्‌सा साराप खुयुए॥ पोङ्‌भोने धारमाछाप्‍लाङि छेप्‍टेसे, “जुन् खाप्‍चेङि छुडाउङ् सियुक्, हिट्‌नाँ साराप टोगुना लियुक्॥”