लुका 22:33 - आठपहरिया

³³ सिमोन पाटरुसङा लोडुए, “टाङ्‌बा, आङा खान्‌लोक् खाम्‍बाङ्‌ङि खाप्‍मा हिट्‌नुङ् सिमा चा टेयार लिङा॥”

लुका 22:33 ပူးပေါင်းရင်းမြစ်များ

मात्‌ति 20:22

टरो येसुङा हिट्‌नागा लोडुचे, “खानि पाक् आनाक्‍टेट्‌टिगा हिट्‌ना रिङ् खानिलाउङ्‌सा ठाहा वाइना॥ पाक् आङा ठुङुङ् लाबुङ्‌ना याङ्‌छामाङाना खोरे खानिङा ठुङ्‌मा आहिडुम्‍टुम्‌नि टे?” हिट्‌नागाँ “ठुङ्‌मा हिडुम्‍टुम्‍मा” पिक्‍सा ओलोडुए॥

मारकुस 14:29

पाटरुसङा येसु लोडुए, “सोब्‍बेङा खान् मानाडे भोने चा आङाम्‍बाक् खान् खोना बेला चा नानेन्‍ना॥”

मारकुस 14:31

टरो पाटरुसङा आङा हिट्‌डे चोक्‍मा डोक् चोक्‌निङ्‌ना माट्‌टुङ् नाड्‌डे लोडुए, “आङा खान्‌लोक् सिमा डोक् कोन्‍डे भोने चा आङा खान् इन्‍कार चोक्‍नेन्‍ना॥” हिट्‌नुङ् आरु सोब्‍बे चेलाचिङा चा हिड्‌नाड्‌डे डोक् ओमाट्‌टुए॥

लुका 22:34

टरो येसुङा लोडुए, “पाटरुस, छेम्‍बा डोक् आङा खान् लोनाँ, हान्‍डेङ् भ्‍यानिक् कोक्‍साबा ओक्‍मा नुङ्‌ना पाइले खान्‍ङा आङा सुम्‍बोक् खेप् सोम्‍मा मिसेन् डोक् निनेन्‍ना नुङ् एङ्‌फुट् याङ्आचोक्‍ङा॥”

लुका 22:57

टरो पाटरुसङा लोडुए, “हाउ झान्‍झा, आङा येसु मिसेन् डोक् निनिङ्‌ना॥”

युहान्‍ना 13:38

येसुङा लोडुए, “पाक् खान् आङालोङ्‌सा सिमा टेयार आलियुक्‌नि? छेम्‍बा डोक्, आङा खान् लोनाँ, खान्‍ङा आङा सुम्‍बोक् खेप् सोम्‍मा इन्‍कार मिचोक्‍ङे सोम्‍मा कोक्‍साबा ओक्‌निना॥”

मुलिचेला टोॽवा 21:13

टरो पावालङा माट्‌टुए, “खानि आहाबिउङ् पोङ् आनिङ्‌ग्‍वा आटुक्‍मेट्‌टुम्‍टुम्‍ना? पोङ्‌भोने टाङ्‌बा येसु उनिङ् लोङ्‌सा आङा खाम्‍बाङ्‌ङि ठामा एरोक् माखाक्, टरो यरुसलेमङि सिमा चा टेयार लिङा॥”