लुका 22:30 - आठपहरिया

³⁰ आङा सासान् चोगुङ्‌ना बेला खानि आङालोक् एक्‍केउ आयुङिउङ् आचाम्‍टुम् हिट्‌नुङ् हाङ्‌बा युङ्‌ना सिङासान्‌ङि आयुङिउङ् इस्‍राएलि याप्‌मिचिगा बारो छोङ्‌बाचि डोक् सासान् आचोगुम्‌चिम्‌चिम्॥”

लुका 22:30 ပူးပေါင်းရင်းမြစ်များ

मात्‌ति 19:28

येसुङा हिट्‌नागा लोडुचे, “छेम्‍बा डोक्, आङा खानि लोनाँनि, खानि जो आचेलाचि आलिसिएसिए, जब ओछोङ्‌ग्‍वाट् मुलुक्‌ङि याप्‌मि छा उन्‍ङाना माहिमाङाना सिङासान्‌ङि युङ्‌युक्, हिट्‌नुङ् खानि चा बारो सिङासान्‌ङि आयुङिटि, हिट्‌नुङ् इस्‍राएलि याप्‌मिचिगा बारो छोङ्‌बाचि डोक् सासान् आचोगुम्‌चिम्‌चिम्॥

मात्‌ति 5:3

“हाङ्‌साङि पाक्‍चा उलिनिगा हिट्‌नुङ् उन् चाहाब् उलिगा लाउङ्‌सा माङ्‌हाङ्‌ङा डोक् आसिक् पिडुचिचि, पोङ्‌भोने टोनालोग्‌ङिना मुलुक् हिट्‌नागाँगा डोक् ए॥

मात्‌ति 8:11

आङा खानि लोनाँनि, नाम् होन्‍नालेङ्‌लाम्‍मा हिट्‌नुङ् नाम् ठानालाम्‍मा जोम् पानिछोङ्‌बा याप्‌मिचि ओटायुक्, हिट्‌नुङ् हिट्‌नागा आब्‍राहाम, इसाहाक हिट्‌नुङ् याकुबलोक् टोनालोग्‌ङिना मुलुक्‌ङि उन्‌लोक् भातेर चासिङा एक्‍केउ उयुङ्‌युक्॥

लुका 12:37

पाङ्‌डाङ्‌बा नोक्‌यु आप्‍नाँ ओचाकारचि मिइम्‍मे उयुङागा टुबुचे भोने, हिट्‌नागा लोङ्‌सा ना आड्‌डिक् ओचेट्‌नुना लियुक्॥ छेम्‍बा डोक्, आङा खानि लोनाँनि, हिट्‌ना पाङ् ओडाङ्‌बा आप्‍पे टेयार लियुङ् ओचाकारचि चामा चासिङा युङ्‌सुचिचि हिट्‌नुङ् सेवा चोगुचिचि॥

लुका 14:15

येसुलोक् चामा चासिङा युङाना ठिबाङ् याप्‌मिङा ना रिङ् खेम्‍सुङ् लोडुए, “माङ्‌हाङ् उमुलुक्‌ङिना भातेर चामा काटोक्‍बाचि उन्‍ङा आसिक् पिडुचिचि॥”

२ तिमोथि 2:12

आनि उन् लोङ्‌सा सोरोक् याङ्‌छामा आङ्‌डुम्‍टुम् भोने, उन्‌लोक् डोक् सासान् चा चोगुम्‍टुम्, आनि उन् इन्‍कार चोगुम्‍मे भोने, उन्‍ङा चा आनि इन्‍कार आचोग्‌युक्॥

याकुब 1:1

माङ्‌हाङ् हिट्‌नुङ् टाङ्‌बा येसु खिरिस्‍टङाना सेवाक् आङा याकुबलाम्‍मा सोब्‍बेलेङ् चेम्‍बेलेङ् उछिन्‍डाउङ् उयुङागा माङ्‌हाङ्‌ङागा सोब्‍बे ओयाप्‌मिचि लाउङ्‌सा ना चिट्‌ठि छेप्‍टुएट्‌टुङ्॥ खानि सोब्‍बेलाउङ्‌सा आङाना बाबा ए॥

पारकास 19:9

हिट्‌नुङ्‌ना माङ्‌हाङ् रिङ् काउग्‍बाङा आङा याङ्‌लोडे, “ना रिङ् छेप्‍टु, थुमाङाना भ्‍याङाना भातेरङि छेम्‍बालाक् याप्‌मिचि माङ्‌हाङ्‌ङा जोम् आसिक् पिडुचिचि॥” माङ्‌हाङ् रिङ् काउग्‍बाङा फेरि आङा याङ्‌लोडे, “माङ्‌हाङ्‌ङा माट्‌टुगा छेम्‍बागा रिङ् नागा डोक्॥”

पारकास 3:21

जुन् याप्‌मिङा दुस्‍टा मेट्‌टुटु, हिट्‌ना आङा युङ्‌ङाना डेन्‌ङि आङा सोरि युङ्‌माना आधिकार पिडुङ्‌टुङ्, हिट्‌नुङ् हिट्‌नाङा आङालोक् सासान् चोगुटु, खोड्‌डेउङ् आङा चा दुस्‍टा मेट्‌टुङेना, हिट्‌नुङ् हाट्‌ले आङा आङाना माङ्‌हाङ् पाबालोक् उन् युङ्‌ना डेन्‌ङि युङैसाङे॥

पारकास 4:4

हिट्‌ना सिङासान् याम्‍बा-नाआम्‍बा आरु चौबिस ओटा सिङासान् ओडागा, हिट्‌नुङ् हिट्‌नि उन्‌चि टेहेक्‌ङि साम्‍मेङ्‌ङाना मुकुट् हिट्‌नुङ् फुट्‌ना लोट्‌लिङ् ओवाडुएसुगा चौबिस जाना ओठेडोङ्‌चि उयुङेसागा आङा निसुङे॥