लुका 22:18 - आठपहरिया

¹⁸ आङा खानि लोनाँनि, माङ्‌हाङ् उमुलुक् मिटाए सोम्‍मा फेरि आङ्‌गुरङाना ओमोॽवा आङा ठुङ्‌निङ्‌ना॥”

लुका 22:18 ပူးပေါင်းရင်းမြစ်များ

मात्‌ति 16:18

हिट्‌नुङ् खान् पाटरुस, खान् लिङ्‌गेॽवा ए नुङ् आङा लोनाँ, हिट्‌नुङ् आङा आङाना माङ्‌पाङ् ना लुङ्‌गेॽवाङाना ओजाग्‌ङि चोगुङ्‌टुङ्, हिट्‌नुङ् सैतानङाना ओबोल्‍ङा ना मेट्‌मा हिडुन्‍ना॥

मात्‌ति 26:29

आङा खानि लोनाँनि, हाट्‌लेलाम्‍मा आङाना माङ्‌हाङ् पाबाङाना उमुलुक्‌ङि आङा ओछोङ्‌ग्‍वाट् मिलिए सोम्‍मा फेरि आङ्‌गुर ओमोॽवा आङा खानिलोक् ठुङ्‌निङ्‌ना॥”

मारकुस 14:23

हिट्‌नुङ् खोरे याङुङ् माङ्‌हाङ् पोए-पोए ठाङ्‌सुए हिट्‌नुङ् ओचेलाचि पिडुचे, हिट्‌नुङ् हिट्‌नागा सोब्‍बेङा हिट्‌नालाम्‍मा उठुङुए॥

मारकुस 14:25

छेम्‍बा आङा खानि लोनाँनि, हाट्‌लेलाम्‍मा माङ्‌हाङ् उमुलुक्‌ङि ओछोङ्‌ग्‍वाट् मिलिए सोम्‍मा आङा फेरि आङ्‌गुर ओमोॽवा ठुङ्‌निङ्‌ना॥”

मारकुस 15:23

हिट्‌नुङ् हिट्‌नागाँ मुररा ओलोडुना सिधा ओठेन्‍डुङ् ओचोगुना आङ्‌गुरङाना इङा ठुङ्‌मा उपिडुए, टरो येसुङा ठुङुवाट्‌टुन्॥

मारकुस 9:1

हिट्‌नुङ् येसुङा हिट्‌नागा लोडुचे, “छेम्‍बा डोक्, आङा खानि लोनाँनि, नाहि ओयेब्‍गा याप्‌मिचि माड्‌डे कोइ-कोइङा माङ्‌हाङ्‌ङा साक्‌तिलोक् सासान् चोगुना मिने सोम्‍मा उसिनिगा॥”

लुका 21:31

हिट्‌डेडोक् खानिङा नागा सोब्‍बे रिङ् उलिसागा आनिसुम्‍नाँ माङ्‌हाङ् उमुलुक् नेहेट्‌टाङ् टाइसे नुङ् खानिङा ठाहा टोगानुम्॥

लुका 22:16

पोङ्‌भोने आङा खानि लोनाँनि, माङ्‌हाङ् उमुलुक्‌ङि ना छुट्‌कारा चाडाङाना भातेर मिचाए आङा ना भातेर फेरि चानिङ्‌ना॥”

लुका 9:27

टरो छेम्‍बा डोक्, आङा खानि लोनाँनि, नेहि ओयेब्‍गा कोइ-कोइ याप्‌मिचि माड्‌डे माङ्‌हाङ् उमुलुक् मिने सोम्‍मा उसिनिगा॥”

कालास्‌सि 1:13

माङ्‌हाङ्‌ङा डोक् आनि डुम्‍बारिक्‌ङिना साक्‌तिलाम्‍मा छुट्‌कारा आपिडे, हिट्‌नुङ् उन्‍ङाना ओमायालु छाङाना उमुलुक्‌ङि आसोन्‍डाइसे॥