लुका 21:20 - आठपहरिया

²⁰ येसुङा फेरि लोडुचे, “जब खानिङा यरुसलेम खालाङ्‌गा साट्‌टुरचिगा टिलिङ्‌गाचिङा सोब्‍बेलाम्‍मा पुप् उपुप्‍टुना आनिसुम्‍टुम् टब खानिङा ठाहा आटोगुम्‍टुम् हिट्‌ना खालाङ्‌गा एलालोक् जाखाम् ओचोगुटु॥

लुका 21:20 ပူးပေါင်းရင်းမြစ်များ

मात्‌ति 24:15

“नाड्‌डेउङ् जब माङ्‌काटा दानिएलङा माङ्‌ठानाङाना सेङ्‌सेङ्‌ना डेन्‌ङि ‘चिम्‍मा फुट्‌टुम्‍ना थोक्’ येबाइसाना नुङ् माट्‌टुना रिङ् खानिङा आनिसुम्‍टुम्॥ (नाङाना उटुप् पोढाँ काचोक्‌चिङा बुजा ओचोगुवाक्)॥

मारकुस 13:14

“हिट्‌ना लेम्‍बा आड्‌डिक् फ्याङ् जाखाम् काचोक् चिम्‍मा फुट्‌टुम्‍ना रिङ् लिमा लिनिना ठोङ्‌ङि येबाना खानिङा आनिसुम्‍टुम्॥ पोढाँ काचोक्‍बाचिङा ना छेप्‍बालाक् रिङ्‌ङाना उटुप् बुजा चोगानुम्, हिट्‌ना बेला याहुदिया छेट्‌राङि उलिसागा याप्‌मिचि झोन्‍झोबालेङ् पिन्‌युओखाट्‌याक्॥

लुका 19:43

हाट्‌ले नाड्‌डेना बेला टायुक्, कासाट्‌टुरचिङा याम्‍बा-नायाम्‍बालाम् माखोप्‌युङ् माछाक्‌युक्॥

लुका 21:7

हिट्‌नागाँ येसु उसिलाप्‍टुए, “आन्‍याँ काहिसिक्‍बा, नागा सोब्‍बे खोना बेला लियुक्‍ना? हिट्‌नुङ् नागा रिङ् लिसा लाबे नुङ् खोड्‌डे पाराना चिन्‍ना लियुक्‍ना?”

हिब्‍रु 11:30

बिस्‍वासङाना भोरङि डोक् इस्‍राइलि याप्‌मिचि सि लेम्‍बा सोम्‍मा यारिहो खालाङ्‌गाङिना पारखाल याम्‍बा-नाआम्‍बा उरिसानाँ हिट्‌निगा पारखाल ओहोडे॥

हिब्‍रु 12:1

हिट्‌नाडेउङ् नाट्‌टेप् औधि बिस्‍वासङाना साँचि कापिबा याप्‌मिचिगा ठेना खिमेयाङ्‌मेङा आकुप्‍टा गाड्‌डे, हाट्‌ले आनि लाम्‍बोङि ओटागा बाधाचि हिट्‌नुङ् आबान्‍गा पाप लेप्‍टुम्, हिट्‌नुङ् माङ्‌हाङ्‌ङा आनि सोरि आयुङ्‌साबिडाना दौड नुलोक् पिन्‌डि॥