लुका 20:38 - आठपहरिया

³⁸ उन्‌बाक् उहिङ्‌ग्‍वाट् याप्‌मिचिगा माङ्‌हाङ् ए, उसियागा याप्‌मिचिगा माखाक्, पोङ्‌भोने माङ्‌हाङ्‌ङाना उमिक्‌ङि साब्‍बे याप्‌मिचि उहिङ्‌ग्‍वाट् उलियुक्॥”

लुका 20:38 ပူးပေါင်းရင်းမြစ်များ

मात्‌ति 22:32

‘आङा आब्‍राहाम, इसाहाक हिट्‌नुङ् याकुबङाना माङ्‌हाङ्॥’ माङ्‌हाङ् उसियागा याप्‌मिचिगा माङ्‌हाङ् माखाक्, टरो उहिङ्‌ग्‍वाट् याप्‌मिचिगा माङ्‌हाङ् ए, पोङ्‌भोने उन्‌ङि सोब्‍बे याप्‌मिचि उहिङ्‌ग्‍वाट् उलियुक्॥”

मारकुस 12:27

हिड्‌डेउङ् उन् उसियागा याप्‌मिचिगा माङ्‌हाङ् माखाक्, टरो उहिङ्‌ग्‍वाट् याप्‌मिचिगा माङ्‌हाङ् ए॥ खानि आड्‌डिक् डोक् आबान्‍डेएसिए॥”

लुका 20:39

हिट्‌नुङ् धारमाबिधि काहिसिक्‍बाचि माड्‌डे आम्‍टेप्‍माङा ओलोडुए, “आन्‍याँ काहिसिक्‍बा, खान्‍ङा आड्‌डिक् माहामा आमाट्‌टुए॥”

युहान्‍ना 14:19

छोप्‍मोङ्‌लाम्‍मा नाराङिगा याप्‌मिचिङा आङा उनिनिङ्‌गा, टरो खानिङाउम्‍बाक् आङा आनिसिटिङा॥ आङा उहिङ्‌ग्‍वाट् लिसाङ्‌नाँ खानि चा उहिङ्‌ग्‍वाट् आलिसिटि॥

युहान्‍ना 6:57

उहिङ्‌ग्‍वाट् माङ्‌हाङ् पाबाङा आङा याङ्‌पाङ्‌से, हिट्‌नुङ् उन्‍ङा चोगुनाँ आङा हिङ्‌ङा॥ हिट्‌नाडेडोक् जुन्‍ङा आङा याङ्‌चायुक् हिट्‌ना आङा चोगुङ्‌नाँ हिङ्‌युक्॥

२ कोरिन्‌थि 13:4

छेम्‍बा डोक्, याप्‌मिचिङा खिरिस्‍ट खाप्‍चेङि उछुडुनाँ फेटुलो डाना, टरो चा माङ्‌हाङ् ओबोल्‍ङा उन् उहिङ्‌ग्‍वाट् चोगुए॥ हिट्‌नुङ् आनि चा उन् गाड्‌डे डोक् फेटुलो लिसेसिए, टरो माङ्‌हाङ् ओबोललाम्‍मा खानि माझाङि आन्‍याँ टोॽवाङि उन्‌लोक् हिङिटिङा॥

२ कोरिन्‌थि 6:16

हिट्‌नुङ् माङ्‌हाङ्‌ङाना माङ्‌ठाना लोक् साम्‍माङ्‌ङाना मुरति खोड्‌डेउङ् टोङ्‌चिचिगा? पोङ्‌भोने आनिउम्‍टे उहिङ्‌ग्‍वाट् माङ्‌हाङ्‌ङाना माङ्‌ठाना ए॥ माङ्‌हाङ् आप्‍पेङा माट्‌टुए, “आङा आयाप्‌मिचिलोक् युङ्‌ङा हिट्‌नुङ् हिट्‌नागालोक् लाम्‌टिङा॥ आङा हिट्‌नागाँगा माङ्‌हाङ् लिङा हिट्‌नुङ् हिट्‌नागा आयाप्‌मिचि उलियुक्॥”

हिब्‍रु 11:16

टरो हिट्‌नागा याप्‌मिचिङाम्‍टे आझै ओचेट्‌नुना देस खाप्‍माना निङ्‌ग्‍वा ओचोगुए, हिट्‌नाम्‍बाक् टोनालोग् ए॥ हिट्‌नाड्‌डेउङ् हिट्‌नागा याप्‌मिचिगा माङ्‌हाङ् नुङ् लोमा चा माङ्‌हाङ् मोन्‌निसिनिना, पोङ्‌भोने उन्‍ङा हिट्‌नागा लोङ्‌सा ठिक् खालाङ्‌गा टेयार चोगुबिडुएसुचे॥

पारकास 22:1

हिट्‌नुङ्‌ना माङ्‌हाङ् रिङ् काउग्‍बाङा आङा चोला आपिना चुवाङाना होङ् याङ्‌निमेट्‌टे॥ हिट्‌ना चुवा आड्‌डिक् सेङ्‌सेङ्‌ना हिट्‌नुङ् सिसा गाड्‌डे डोक् ओम्‍साना डाना॥ हिट्‌ना होङ् माङ्‌हाङ् हिट्‌नुङ् थुमाङाना सिङासान्‌लाम् बागाँ लिसेट्‌टाना॥