लुका 20:36 - आठपहरिया

³⁶ हिट्‌नुङ् हिट्‌नागा माङ्‌हाङ् रिङ् काउग्‍बाचि गाड्‌डे डोक् उलियुक् हिट्‌नुङ् उसिनिगा चा॥ हिट्‌नुङ् हिट्‌नागा माङ्‌हाङ् छालेट्‌चि उलियुक्, पोङ्‌भोने हिट्‌नागा उसियाउङ् फेरि उहिङ्‌ग्‍वाट् उलिसे॥

लुका 20:36 ပူးပေါင်းရင်းမြစ်များ

मात्‌ति 22:30

याप्‌मिचि उसियुङ् उहिङ्‌ग्‍वाट् उलि ओकोब्‍नाँ हिट्‌नागा भ्‍या उलिनिगा हिट्‌नुङ् भ्‍या चा ओचोगुन्‌बिडुन्‌चिन्‍गा, टरो हिट्‌नागा टोनालोग्‌ङिना माङ्‌हाङ् रिङ् काउग्‍बाचि गाड्‌डे डोक् उलियुक्॥

मारकुस 12:25

“पोङ्‌भोने याप्‌मिचि उसियुङ् उहिङ्‌ग्‍वाट् उलि ओकोब्‍नाँ हिट्‌नागा भ्‍या उलिनिगा हिट्‌नुङ् भ्‍या चा ओचोगुन्‌बिडुन्‌चिन्‍गा, टरो हिट्‌नागा टोनालोग्‌ङि उलिसागा माङ्‌हाङ् रिङ् काउग्‍बाचि गाड्‌डे डोक् उलियुक्॥

रोमि 8:16

हिट्‌नुङ् सेङ्‌सेङ्‌ना हाङ्‌सा आप्‍पेङा आनि माङ्‌हाङ्‌ङा ओछालेट्‌चि नुङ् आनि हाङ्‌साङि ठाहा आपियुक्॥

१ कोरिन्‌थि 15:26

हिट्‌नुङ् सोब्‍बे नुङ्‌ना एङ्‌स्‍वाना साट्‌टुरम्‍बाक् कासेब्‍बा ए, हिट्‌ना खिरिस्‍टङा जाखाम् चोगुटु॥

१ कोरिन्‌थि 15:42

हिट्‌नुङ् उसियागा याप्‌मिचि उहिङ्‌ग्‍वाट् उलिनाँ चा नाड्‌डे डोक् लियुक्॥ ना येम् सियुङ् उहुम्‍पाङि हुम्‌युक् हिट्‌नुङ् रोग्‌युक्, टरो ना येम् उहिङ्‌ग्‍वाट् लियुङ् फेरि कोब्‍नाँ खोना बेला चा जाखाम् लिनिना॥

१ कोरिन्‌थि 15:49

हाट्‌ले आनि खाम्‌लाम्‍मा चोक्‍बालाक् याप्‌मि गाड्‌डेगा डोक्, हिड्‌नाडेडोक् हान्‍डेङ् आनि टोनालोग्‌लाम्‍मा उङ्‌साना याप्‌मि गाड्‌डेना डोक् लिसिटि॥

फिलिप्‌पि 3:21

उन्‌लोक् सोब्‍बे थोक् सासान् चोक्‍माना बोल् युङ्‌ग्‍वा, हिट्‌ना ओसाक्‌तिङा डोक् आनिना ना सिना येम् उन्‍ङाना गाड्‌डेना डोक् ओम्‍ना येम् चोक्‍मा हिडुटु॥

पारकास 20:6

छेम्‍बा डोक्, माङ्‌हाङ्‌ङा उसियागालाम्‍मा पाइलेना खेप् उहिङ्‌ग्‍वाट् चोगुचिगा याप्‌मिचि खुसि लोक् सेङ्‌सेङ् उलियाक्॥ हिट्‌नागा दोस्‍रो खेप् सिमा कोन्‌निना, टरो हिट्‌नागा माङ्‌हाङ्‌ङाना हिट्‌नुङ् खिरिस्‍टङाना पुजारि उलियुक्, हिट्‌नुङ् हिट्‌नागाँ ठिक् हाजार बारखा उन्‌लोक् सासान् ओचोगुटु॥

पारकास 21:4

हिट्‌नुङ् उन्‍ङा उन्‌चि मिक्‌ङिगा सोब्‍बे मिॽवा टुगुबिडुचिचि, हिट्‌नुङ् हाट्‌ले खोना चा सिमा कोन्‌निना, हिट्‌नुङ् खोनाङा चा सानिङ्‌ग्‍वा ओलोयुङ् हाप्‍मा कोन्‌निना, हिट्‌नि पाक्‍चा याङ्‌छामा लिनिना॥ पोङ्‌भोने पाइलेगा रिङ् सोब्‍बे ओलाट्‌टाडे॥”

पारकास 22:9

टरो हिट्‌नाङा आङा याङ्‌लोडे, “खान्‍ङा नाड्‌डे चोक्‍मा लिनिना॥ खान्‍ङा माङ्‌हाङ् एडोक् माङ्‌ध्‍यान् चोक्‍मा कोन्‌युक्, पोङ्‌भोने आङा चा खान् गाड्‌डे हिट्‌नुङ् खान्‍ङाना माङ्‌काटा काटाक्‌चि हिट्‌नुङ् ना छाप्‍लाङि छेप्‍टाना रिङ् पालान् काचोक्‌चि गाड्‌डेना माङ्‌हाङ्‌ङाना सेवा काचोक्‍बा एडोक् ए॥”