लुका 2:49 - आठपहरिया

⁴⁹ येसुङा उप्‍पा-उमा लोडुचे, “आङा खान्‌चिङा कोम्‍मा कोन्‌निना, पोङ्‌भोने आङा आप्‍पा ओपाङ्‌ङि युङ्‌मा कोन्‌युक् नुङ् खान्‌चिङा ठाहा टोक्‍मा कोन्‌युक्॥”

लुका 2:49 ပူးပေါင်းရင်းမြစ်များ

मात्‌ति 21:12

येसु माङ्‌ठानाङाना टेल्‍लाङ्‌ङि लिगे॥ हिट्‌नुङ् उन्‍ङा हिट्‌नि चिजाबिजा ओछोङ्‌सुएटुगा ख्‍वाप्‍पा याप्‌मिचि रिक्‍टुचे, हिट्‌नुङ् ओफाबा कालेक्‍बाचिगा टेबुल, हिट्‌नुङ् लाप्‍टाङ्‌गेॽवा काछोङ्‌बाचिगा युङ्‌माना ठोङ् लेङ्‌सुबिडुचे॥

लुका 2:48

हिट्‌नुङ् उप्‍पा-उमाङा हिट्‌नि येसु निसाचुङ् उन्‌चि डोङ् ठोङ्‌डाचे॥ हिट्‌ना बेला मारियामङा सिलाप्‍टुए, “आइछा, आन्‍च्‍याँ पोङ् खान्‍ङा याङ्‌छामा याप्‌मि आचाट्‌टेना? पुयुबु, काप्‍पा हिट्‌नुङ् आङा खान् कोन्‍नालोक् कोन्‍नालोक् होगोप् लिसैसाचिङे॥”

युहान्‍ना 4:34

येसुङा हिट्‌नागा लोडुचे, “आङा कापाङ्‌बाङाना उनिङ्‌ग्‍वा गाड्‌डे चोक्‍मा, हिट्‌नुङ् ओटोॽवा चोक्‍मा हिमा डोक् आङाना चामाना थोक् ए॥

युहान्‍ना 5:17

टरो येसुङा हिट्‌नागा लोडुचे, “आङाना माङ्‌हाङ् पाबाङा सोरोक् टोॽवा चोगुएट्‌टु, हिट्‌नुङ् आङा चा टोॽवा चोगुएट्‌टुङ्॥”

युहान्‍ना 5:36

“टरो आङालोक् युहान्‍नाङाना नुङ्‌ना चा ठेना साँचि युङ्‌ग्‍वा॥ पोङ्‌भोने जुन् टोॽवाचि युमा लोङ्‌सा पाबाङा आङा जिम्‍मा याप्‌मिपिडे, हिट्‌ना टोॽवा डोक् आङा चोगुएट्‌टुङ्, हिट्‌नुङ् आङा पाबाङा याङ्‌पाङ्‌साना नुङ् हिट्‌नागा टोॽवाङा डोक् आङाना बारेङि साँचि पिडुटु॥

युहान्‍ना 6:38

पोङ्‌भोने आङा आप्‍पे आनिङ्‌ग्‍वाङिना रिङ् युमा टोनालोग्‌लाम्‍मा उङ्‌साङ्‌ना माखाक्, टरो आङा याङ्‌पाङ्‌साना माङ्‌हाङ्‌ङाना उनिङ्‌ग्‍वा युमाउङ्‌सा उङ्‌साङ्‌ना॥

युहान्‍ना 8:29

आङा याङ्‌कापाङ्‌बा आङालोक् वाहेट्॥ उन्‍ङा आङा आएकेले याङ्‌नानिगेट्‌निना, पोङ्‌भोने आङा सोरोक् उन् हारका लिना टोॽवा एडोक् चोगुङ्‌टुङ्॥”

युहान्‍ना 9:4

लेम्‍बा व्‍हाङ् लिनाँ डोक् आङा याङ्‌कापाङ्‌बाङाना ओटोॽवा आनि चोक्‍मा कोन्‌युक्॥ जब नाम् कुयुक्, खोनाङा चा टोॽवा चोक्‍मा उहिडुन्‍ना॥