लुका 2:14 - आठपहरिया

¹⁴ “सोब्‍बे नुङ्‌ना उठुइ टोनालोग्‌ङि आयुङ्‌ना माङ्‌हाङ्‌ङाना निङ् टो-टो उलियाक्, हिट्‌नुङ् उन्‍ङा निङ्‌ग्‍वा टाडुचिगा ना नाराङिगा याप्‌मिचिङा हाङ्‌हाङ् निङ्‌ग्‍वा ओटोगुयाक्‍टुवाक्॥”

लुका 2:14 ပူးပေါင်းရင်းမြစ်များ

मात्‌ति 21:9

उन्‍ङाना ओटोकानाङि हिट्‌नुङ् ओएङ्‌स्‍वाङि ओलाम्‌टियागा याप्‌मिचि राट्‌सा नाड्‌डे ओमाट्‌टुए, “दाउद पुङ्‌लाङिना हाङ्‌बालाउङ्‌सा होसान्‍ना! टाङ्‌बा उनिङ्‌ङि टायाना माङ्‌हाङ्‌ङा आसिक् पिडुटु॥ सोब्‍बे नुङ् टो टोनालोग्‌ङि युङ्‌ना माङ्‌हाङ्‌लोङ्‌सा होसान्‍ना!”

लुका 1:79

हिट्‌नुङ् माङ्‌डुम्‍बारिक् डुम्‌ङि कायुङ्‌बा हिट्‌नुङ् उसियालाबागा सोरि ना नाम्‌ङाना ओलाप्‍को ओम्‌युक्, हिट्‌नुङ् उन्‍ङा आनि हाङ्‌हाङ्‌ङाना लाम्‍बोङि आलाम्‍बेॽयुक्॥”

लुका 19:38

“टाङ्‌बा उनिङ्‌ङि टायाना हाङ्‌बा माङ्‌हाङ्‌ङा आसिक् पिडुटु॥ टोनालोग्‌ङि हाङ्‌हाङ् उलियाक्, हिट्‌नुङ् माङ्‌हाङ्‌ङाना माहिमा उलियाक्॥”

लुका 2:13

हिट्‌ना पाकालोक् माङ्‌जोम् ना जोम् माङ्‌हाङ् रिङ् काउग्‍बाचि चा हिट्‌नि ओठेट्‌टाउङ् माङ्‌हाङ्‌ङाना उनिङ् चोन्‍सा, पोए-पोए लोसा हिट्‌नागाङा नाड्‌डेना छाम्‍लोमा ओठाक्‍टुए,

लुका 2:15

हिट्‌नुङ् माङ्‌हाङ् रिङ् काउग्‍बाचि टोनालोग्‌लेङ् ओनोक्‍टा ओखाडाउङ् ठुँबा कापुबाचि उमुन्‍डुप्‍टाउङ् उपिगे, “हाट्‌ले, माङ्‌हाङ्‌ङा आलोडा गाड्‌डे बेथलेहेम युक्‍ताम्‌ङि पाक् लिसेना टे पुसिङा खाड्‌याक्॥”

लुका 3:22

हिट्‌नुङ् सेङ्‌सेङ्‌ना हाङ्‌सा ढुकुरङाना उरुप्‌ङि येसु उठुइ ठायाउङ् युङे हिट्‌नुङ् टोनालोग्‌लाम्‍मा ठिक् रिङ् मुक्‍टे, “खान् आङाना आमायालु छा, खान्‌लोक् आड्‌डिक् टुक्‍लोक् आचाप् टाइसे॥”

युहान्‍ना 14:27

“आङा खानिलोङ्‌सा हाङ्‌हाङ् पिनाढानाँनि॥ आप्‍पे आङाना हाङ्‌हाङ् खानि पिनाँनि हिट्‌नुङ् नाराङा आपिना गाड्‌डेना हाङ्‌हाङ् माखाक्॥ खानि निङ्‌ग्‍वा टुक्‍नेनुम् हिट्‌नुङ् किट्‌नेनिन्॥

युहान्‍ना 17:4

खान्‍ङा आङा जिम्‍मा आपिडाङ्‌ना टोॽवा हिट्‌ना युडुङुङ् आङा कानिङ् नाराङि टो-टो चोगुएसुङे॥

युहान्‍ना 3:16

पोङ्‌भोने माङ्‌हाङ्‌ङा ना नाराङिगा याप्‌मिचि आम्‍टेप्‍मा जोम् माया चोगुचे, उन्‍ङा उन्‍ङाना ठिबाङ् एना छा चा आपिडे, हिड्‌डेउङ् उन्‌ङि बिस्‍वास काचोक् खोना चा जाखाम् उलिन्‍याक्, टरो हिट्‌नाँ खोना बेला चा लाट्‌निना चोला ओटोगुवाक्॥

मुलिचेला टोॽवा 10:36

खानिङा ठाहा आटोगुएसुम्‍मे, माङ्‌हाङ्‌ङा येसु खिरिस्‍टलाम्‍मा हाङ्‌हाङ् लिसिनाँ नुना खाबोर इस्‍राएलि याप्‌मिचि सोरि पाङ्‌सुए, उन् डोक् सोब्‍बेङाना टाङ्‌बा॥

रोमि 5:1

नाड्‌डेउङ् आनि चोगुम्‍ना बिस्‍वासङा माङ्‌हाङ् सोरि आनि धारमोति लिसेसे॥ हिट्‌नुङ् आनि डाङ्‌बा येसु खिरिस्‍टङा चोगुनाँ माङ्‌हाङ्‌लोक् आनिना साम्‍बान्‍धा ओचेट्‌नुना लिसेसे॥

एफिसि 1:6

नाड्‌डेउङ् माङ्‌हाङ्‌ङा उन्‍ङाना मायालु छालाम्‍मा उन्‍ङाना माहिमालोक्‍ना मायादाया आनि आपिडानाँ उन् लोङ्‌सा पोए-पोए ठाङ्‌सुम्॥

एफिसि 1:9

माङ्‌हाङ्‌ङा उन्‍ङाना माङ्‌ठेना बुद्‌दि हिट्‌नुङ् ठोनालाम्‍मा खिरिस्‍टङि पुरो चोगुङ्‌टुङ् नुङ् माट्‌टुना उन्‍ङाना ठोबाना रिङ् चा आनि आनिमेट्‌टे॥

एफिसि 2:4

टरो माङ्‌हाङ्‌ङाना दाया औधि जोम्‍ना ए हिट्‌नुङ् उन्‍ङा आनि आड्‌डिक् माया आचोक्‌युक्॥

एफिसि 2:7

नाड्‌डेउङ् माङ्‌हाङ्‌ङा खिरिस्‍ट येसुलाम्‍मा उन्‍ङाना ओदाया आनि आनिमेट्‌टे, हिट्‌डेउङ् हान्‍डेङ्‌म्‍बाक् उन्‍ङाना ओदाया आम्‍टेप्‍मा ठेना नुङ् याप्‌मिचिङा उनिसुटु॥

फिलिप्‌पि 2:11

हिट्‌नुङ् ख्‍वाप्‍पा लेक्‍फाङा माङ्‌हाङ् पाबाङाना माहिमाङाना लोङ्‌सा येसु खिरिस्‍ट डोक् टाङ्‌बा नुङ् लाड्‌मा कोन्‌युक्॥

फिलिप्‌पि 2:13

पोङ्‌भोने माङ्‌हाङ् आप्‍पेङा खानिङि टोॽवा चोगेट्‌टु॥ माङ्‌हाङ्‌ङा खानिङि उन्‍ङा पाक् चोक्‍माना निङ्‌ग्‍वा चोगुटु हिट्‌ना चोक्‍माना निङ्‌ग्‍वा हिट्‌नुङ् बोल् चा खानि मापिडिटि॥

कालास्‌सि 1:20

हिट्‌नुङ् माङ्‌हाङ् उइछालाम्‍मा सोब्‍बे थोक्‌चि फेरि उन्‍ङाना चोगुचे॥ जब उइछा खाप्‍चेङि सिए हिट्‌ना उइछाङाना ओहेलिक्‌लाम्‍मा डोक् टोनालोग् हिट्‌नुङ् नाराङि उलिसागा सोब्‍बे थोक् उन्‍ङा टोङ्‌सुचे॥

२ थेसालोनिकि 2:16

हाट्‌ले आनि टाङ्‌बा येसु खिरिस्‍ट आप्‍पे हिट्‌नुङ् माङ्‌हाङ् आनि पाबा जुन्‍ङा आनि माया आचोगे, हिट्‌नुङ् उन्‍ङा दाया आचोक्‌युङ् खोना बेला चा लाट्‌निना आँट् लोक् छेम्‍बाना आसा आपियाक्॥

पारकास 5:13

हिट्‌नुङ् टोनालोग्‌ङि, नाराङि, यो नारा उछिक्‌ङि हिट्‌नुङ् सामुन्‍दराङि उलिसागा ख्‍वाप्‍पा जिवाट्‌चिङा नाड्‌डे पिक्‍सा छाम्‍लोमा ओठाक्‍टुना आङा खेम्‍सुङे, “सिङासान्‌ङि युङ्‌ना हिट्‌नुङ् थुमालाउङ्‌सा उन्‌चि निङ् आनि चोन्‍डुम्, मान् पिडुम्, उन्‌चि निङ् ठेलोक् चोगुम् हिट्‌नुङ् उन्‌चि बोल् बारेङि सोरोक् माट्‌टुम्॥”