लुका 19:38 - आठपहरिया

³⁸ “टाङ्‌बा उनिङ्‌ङि टायाना हाङ्‌बा माङ्‌हाङ्‌ङा आसिक् पिडुटु॥ टोनालोग्‌ङि हाङ्‌हाङ् उलियाक्, हिट्‌नुङ् माङ्‌हाङ्‌ङाना माहिमा उलियाक्॥”

लुका 19:38 ပူးပေါင်းရင်းမြစ်များ

मात्‌ति 2:2

हिट्‌नुङ् हिट्‌नागाँ नाड्‌डे पिक्‍सा ओमाट्‌टुए, “याहुदि याप्‌मिचिगा हाङ्‌बा लिसाउङ् पोङ्‌साना खोनाइ युङ्‌ग्‍वाना? पोङ्‌भोने आन्‍याँ उन् पोङ्‌साना रिङ्‌ङाना चिन्‍ना कापिबा चोक्‌चिङ्‌गे नाम् होम्‍मालेङ् निसुम्‍मे हिट्‌नुङ् उन् स्‍या मेट्‌सिङा आबिएसिङे॥”

मात्‌ति 21:9

उन्‍ङाना ओटोकानाङि हिट्‌नुङ् ओएङ्‌स्‍वाङि ओलाम्‌टियागा याप्‌मिचि राट्‌सा नाड्‌डे ओमाट्‌टुए, “दाउद पुङ्‌लाङिना हाङ्‌बालाउङ्‌सा होसान्‍ना! टाङ्‌बा उनिङ्‌ङि टायाना माङ्‌हाङ्‌ङा आसिक् पिडुटु॥ सोब्‍बे नुङ् टो टोनालोग्‌ङि युङ्‌ना माङ्‌हाङ्‌लोङ्‌सा होसान्‍ना!”

मात्‌ति 25:34

हिट्‌नुङ् हाङ्‌बाङा उछुप्‍टाङ् उमुक्‌लेङ्‌गा लोडुचिचि, ‘आबानि, आङाना माङ्‌हाङ् पाबालाम्‍मा आसिक् आटोगुम्‍गा याप्‌मिचि, नारा उटुम् नुङ् डोक् खानि लोङ्‌सा टेयार चोग्‍बालाक् मुलुक् आधिकार चोगानुम्॥

मात्‌ति 25:40

“टब हाङ्‌बाङा हिट्‌नागा लोडुचिचि, ‘छेम्‍बा, आङा खानि लोनाँनि, खानिङा नागा भुम्‍भु-झान्‍झाचि माड्‌डेङि सोब्‍बे नुङ्‌ना ओखाट्‌टिउगालोङ्‌सा खानिङा जे जे आचोगुम्‍मे, हिट्‌ना खानिङा आङा लाउङ्‌सा डोक् आचोगुम्‍मे॥’

लुका 13:35

नाहि खेम्‍सानुम्, खानि पाङ् धुरिठोङ् लिलोक् नाडाइसे॥ हिट्‌नुङ् आङा खानि लोनाँनि, जाइले सोम्‍मा ‘टाङ्‌बा उनिङ्‌ङि टायाना माङ्‌हाङ्‌ङा आसिक् पिडुटु’ नुङ् आपिगिन्‍गा टब सोम्‍मा खानिङा आङा याङ्आनिसिन्‍नागा॥”

रोमि 5:1

नाड्‌डेउङ् आनि चोगुम्‍ना बिस्‍वासङा माङ्‌हाङ् सोरि आनि धारमोति लिसेसे॥ हिट्‌नुङ् आनि डाङ्‌बा येसु खिरिस्‍टङा चोगुनाँ माङ्‌हाङ्‌लोक् आनिना साम्‍बान्‍धा ओचेट्‌नुना लिसेसे॥

एफिसि 1:12

हिट्‌नाड्‌डेउङ् आनि याहुदिचिम्‍बाक् खिरिस्‍टङा आनि बाचाँ आचोक्‌युक् नुङ् आसा काचोक्‍बाचि माड्‌डे पाइलेगा याप्‌मिचि ए॥ उन्‍ङाना निङ्‌ग्‍वाम्‍बाक् आनिलाम्‍मा उन्‍ङा मान् टोक्‍मा कोन्‌युक्॥

एफिसि 1:6

नाड्‌डेउङ् माङ्‌हाङ्‌ङा उन्‍ङाना मायालु छालाम्‍मा उन्‍ङाना माहिमालोक्‍ना मायादाया आनि आपिडानाँ उन् लोङ्‌सा पोए-पोए ठाङ्‌सुम्॥

एफिसि 3:10

हाट्‌ले माङ्‌पाङ्‌ङिगालाम्‍मा उन्‍ङाना सोब्‍बे खाले ठोना बारेङि निनिम्‍ना नाराङि सासान् काचोक्‌चि हिट्‌नुङ् आधिकार ओटोगुगालाउङ्‌सा ठाहा पिमाना माङ्‌हाङ्‌ङाना उदेसे डाना॥

कालास्‌सि 1:20

हिट्‌नुङ् माङ्‌हाङ् उइछालाम्‍मा सोब्‍बे थोक्‌चि फेरि उन्‍ङाना चोगुचे॥ जब उइछा खाप्‍चेङि सिए हिट्‌ना उइछाङाना ओहेलिक्‌लाम्‍मा डोक् टोनालोग् हिट्‌नुङ् नाराङि उलिसागा सोब्‍बे थोक् उन्‍ङा टोङ्‌सुचे॥

१ तिमोथि 1:17

हाट्‌ले सोरोक् सासान् काचोक्‍बा हाङ्‌बा, खोना बेला चा सिनिना हिट्‌नुङ् निमा हिनिम्‍ना ठिबाङ् माङ्‌हाङ्‌लोङ्‌सा सोरोक् आदार लोक् माहिमा उलियुयाक्‌याक्॥ आमेन्॥

१ पाटरुस 1:12

माङ्‌हाङ्‌ङा हिट्‌नागा माङ्‌काटाचिङा ओचोगुना सेवा हिट्‌नागा आप्‍पे लाउङ्‌सा माखाक्, टरो खानि लाउङ्‌सा नुङ् हिट्‌नागा लोडुचे॥ हिट्‌नुङ् टोनालोग्‌लाम्‍मा पाङ्‌बालाक् सेङ्‌सेङ्‌ना हाङ्‌साङाना बोल्‌ङि खानि लाउङ्‌सा टाप्‍बालाक् नुना खाबोर हिट्‌नागाँ हाट्‌ले खानि माझाङि पारचार ओचोगुएसुए॥ ना रिङ् माङ्‌हाङ् रिङ् काउग्‍बाचिङा चा ठाहा टोक्‍मा ओकोलुएट्‌टु॥